Morgunblaðið - 04.12.2003, Blaðsíða 6

FRÉTTIR
6 FIMMTUDAGUR 4. DESEMBER 2003 MORGUNBLAÐIÐ
FULLTRÚI R-listans í skipulags-
og byggingarnefnd Reykjavíkur
sat hjá við atkvæðagreiðslu um til-
lögu formanns nefndarinnar,
Steinunnar Valdísar Óskarsdóttur,
sem færir ferlið að niðurrifi Aust-
urbæjarbíós og uppbyggingu á lóð-
inni eitt skref áfram. Aðrir fulltrú-
ar R-listans greiddu tillögunni
atkvæði sitt í gær ásamt þremur
fulltrúum Sjálfstæðisflokksins.
Var hún því samþykkt með sex at-
kvæðum. Næst verður því unnið að
nýju deiliskipulagi sem gerir ekki
ráð fyrir Austurbæjarbíói en um-
fang nýrra bygginga minnkað,
hæð þeirra þeirra lækkuð, skugga-
varp á nærliggjandi hús lágmark-
að auk þess sem skoðuð verður út-
færsla á leiksvæði á reitnum.
„Vill undirritaður taka undir
tvenn sjónarmið. Í fyrsta lagi að
hús Austurbæjarbíós hafi menn-
ingarsögulegt gildi og beri að
stuðla að varðveislu þess. Í öðru
lagi að allt svæðið sem ber leikvöll
og aðstöðu fyrir gæslustarfsemi
verði áfram nýtt sem slíkt og al-
mennt sem grænt útivistarsvæði,“
sagði í bókun Óskars Dýrmundar
Ólafssonar, fulltrúa vinstri grænna
í R-listanum.
Ólafur F. Magnússon, borgar-
fulltrúi F-listans, sem barist hefur
hart gegn niðurrifi Austurbæjar-
bíós sagði marga hafa bent á mik-
ilvægi þess að vernda þetta hús.
„Íbúum í grennd við Austurbæj-
arbíó, einkum í fjölbýlishúsinu á
Grettisgötu 90-98, þykir harkalega
að sér vegið með fyrirliggjandi til-
lögum um að reisa fjölbýlishús á
lóð Austurbæjarbíós og á lóð
gæslu- og leikvallarins austan
bíósins. Þetta þýðir verulega
skerðingu útsýnis og útivistar-
möguleika fyrir þessa íbúa. Einnig
aukningu skuggavarps, umferðar,
mengunar, ónæðis og bílastæða-
vandamála,“ lét Ólafur bóka eftir
sér.
„Það er gert ráð fyrir að halda
áfram með byggingaráformin,“
segir Steinunn Valdís. Hins vegar
verði umfang bygginganna minnk-
að frá því sem áður var. Það sé
gert eftir athugasemdir nágranna
og verða hæðir íbúða lækkaðar og
skuggavarp minnkað. „Það verður
jafnframt skoðað að halda í hluta
af græna svæðinu, sem er leik-
svæðið og róluvöllur, fyrir aftan
Snorrabraut 37.“
Eitt skref tekið að niðurrifi Austurbæjarbíós
Fulltrúi R-listans sat hjá
HÉRAÐSDÓMUR Reykjavíkur
dæmdi í gær nokkra einstaklinga,
ásamt félögunum Flugport ehf. og
Jórvík hf. til að greiða Kaupþingi
Búnaðarbanka 20 milljónir króna
auk vaxta vegna tveggja trygging-
arvíxla sem gefnir voru út í desem-
ber í fyrra og voru til greiðslu undir
lok janúar síðastliðinn.
Annar víxlanna hljóðaði upp á 5
milljónir en hinn 15 milljónir, en
stefndu eru útgefendur, samþykkj-
endur og ábekingar víxlanna. Flug-
port var félag um viðhaldsmál flug-
félagsins Jórvíkur og hætti rekstri
fyrir nokkru. Var annar víxlanna til
tryggingar tékkareikningi hjá bank-
anum en heildarskuld á honum nam
tæpum 25 milljónum.
Hinir stefndu kröfðust allir sýknu
og reistu kröfu sína á því að víxlarnir
uppfylltu ekki ákvæði víxillaga og
bæru á sér formgalla, m.a. vegna
ónógra áritana til að skuldbinda fé-
lagið Flugport og skírskotuðu þeir
til samþykkta félagsins.
Þessu hafnaði dómurinn á þeirri
forsendu að samkvæmt vottorði úr
skrá fyrir hlutafélög væri einn hinna
stefndu, formaður stjórnar Flug-
ports ehf., einn með prókúruumboð
fyrir félagið. Samkvæmt lögum frá
1903 um verslunarskrár, firmu, og
prókúruumboð hefði prókúruhafi
umboð til þess að binda firmað að
öðru leyti en því að hann mætti ekki
selja eða veðsetja fasteignir firmans.
Þetta umboð prókúruhafans hafi
ekki verið dregið í efa í málinu.
Ekki var heldur fallist á með
stefndu að það skipti máli varðandi
ábyrgð einkahlutafélagsins gagnvart
Kaupþingi banka sem víxilhafa að
stafirnir „pr.pr.“ voru ekki notaðir
við undirskriftina.
Gunnar Aðalsteinsson héraðs-
dómari dæmdi málið. Lögmaður
bankans var Anna G. Árnadóttir hdl.
og lögmaður Flugports og stefndra
var Valgeir Kristinsson hrl.
Dæmd til
að greiða
tuttugu
milljónir
FJÁRHAGSAÐSTOÐ Félagsþjón-
ustunnar í Reykjavík hækkar um
8,5% um næstu áramót. Grunnfjár-
hæð til framfærslu einstaklings fer
þá úr 71.020 kr. á mánuði í 77.083
krónur. Mismunurinn er 6.000 kr.
Félagsmálaráð Reykjavíkurborg-
ar samþykkti þetta á fundi sínum í
gær. Björk Vilhelmsdóttir, formaður
félagsmálaráðs, segir þetta tölu-
verða breytingu. Aðra mikilvæga
breytingu segir hún vera heimild til
að veita foreldri tíu þúsunda króna
styrk mánaðarlega vegna kostnaðar
við uppeldi barns. Þetta á við þá sem
hafa búið við tekjur á eða undir
grunnfjárhæð í fjóra mánuði eða
fleiri. Á styrkurinn að mæta kostnaði
við daggæslu, skólamáltíðir, frí-
stundaheimili, sumardvöl eða þátt-
töku barns í þroskandi félags- og
tómstundastarfi. Einnig er heimilt
að veita foreldrum styrk ef sérstök
meðferðar- og stuðningssjónarmið
og eða fyrirbyggjandi barnavernd
liggja til hliðsjónar.
Bankar beri ábyrgð
Björk segir að heimildir til að
greiða niður bankaskuldir einstak-
linga verði þrengdar verulega. Þar
sparist útgjöld sem nýta eigi á annan
hátt með breyttum áherslum. Hún
segir að bankarnir sjálfir eigi að
bera ábyrgð á lánveitingum til ein-
staklinga og geti þá afskrifað lánin
séu þau ekki greidd. Áhersla félags-
málaráðs sé nú á aðstoð og fræðslu
um fjármál einstaklinga. Sérstakt
átak verði í ráðgjöf til að aðstoða fólk
við að koma sér út úr vítahring bágra
fjárhagslegra aðstæðna.
Félagsmálaráð
Reykjavíkur
Fjárhags-
aðstoð hækk-
uð um 8,5%
Í GREINARGERÐ sem Trygginga-
stofnun vann 10. apríl sl. vegna sam-
komulags heilbrigðisráðuneytisins
við Öryrkjabandalag Íslands um
hækkun bóta til öryrkja kemur fram
að heildarkostnaður vegna samkomu-
lagsins er áætlaður 1.528 milljónir.
Samkomulagið var gert 25. mars, en
útreikningar á kostnaði við það lágu
fyrir nokkrum vikum fyrir kosningar.
Í kostnaðarmatinu er þó gert ráð
fyrir að öryrkjar á aldrinum 16–17
ára séu með í útreikningunum en ör-
orkulífeyrir verður ekki greiddur fyrr
en við 18 ára aldur og því áætlunin um
120 milljónum of há. Eftir standa því
um 1,4 milljarðar króna.
Samkomulagið var rætt á þing-
flokksfundi Framsóknarflokksins í
gær. „Niðurstaðan varð sú að heil-
brigðisráðherra fékk heimild til að
leggja fram nauðsynleg frumvörp til
þess að hægt væri að greiða út hækk-
un á örorkulífeyri,“ segir Hjálmar
Árnason, þingflokksformaður Fram-
sóknarflokksins. Hann segir heimild
heilbrigðisráðherra vera að ráðstafa
þessum eina milljarði sem gert hefur
verið ráð fyrir hjá stjórnvöldum.
„Meginprinsippið sem þetta felur í
sér er þetta baráttumál Öryrkja-
bandalagsins, að leggja áherslu á
ungt fólk, að þar verði bætur tvöfald-
aðar, og svo eftir því sem að það eldist
þá lækki þetta hlutfall, eins og um var
talað,“ segir Hjálmar.
Kostnaður við samkomulag heilbrigðisráðuneytisins og öryrkja
Metinn 1,4 milljarðar í apríl
AFKOMENDUR Valdimars Þórð-
arsonar (Valda), sem starfrækti ný-
lenduvöruverslun Silla og Valda í
Reykjavík á sínum tíma ásamt Sig-
urliða Kristjánssyni (Silla), hafa far-
ið fram á það við eigendur kaffi- og
menningarhússins „Hús Silla og
Valda“ við Aðalstræti 10 að notkun
firmaheitisins verði hætt. Verði það
ekki gert fyrir 5. desember verði
höfðað mál og farið fram á lögbann.
Afkomendur Valdimars telja sig
vera rétthafa firmaheitisins „Silli og
Valdi“ sem sé skráð þannig hjá emb-
ætti sýslumannsins í Reykjavík og
hafi verið stofnað árið 1933 af Valdi-
mar og Sigurliða. Lögmaður afkom-
endanna, Ragnheiður M. Ólafs-
dóttir, segir að firmaskráningin sé
enn í fullu gildi og hafi erfingjar Silla
og Valda erft réttinn til heitisins.
Í bréfi Ragnheiðar til aðstand-
enda „Húss Silla og Valda“ segir
m.a. að með notkun á firmaheitinu sé
ljóst að brotið sé gegn ákvæðum
vörumerkjalaga, annars vegar
vegna firmaheitisins sem erfingjar
eigi nú rétt til, og hins vegar þar sem
augljóslega sé verið að nota nöfn
landsþekktra manna sem vörumerki
í heimildarleysi.
Ragnar Halldórsson, fram-
kvæmdastjóri „Húss Silla og Valda“
segir að beiðni afkomenda Valdi-
mars hafi komið sér verulega á
óvart. Haft hafi verið samband við
eftirlifandi son Valdimars í sumar og
greint frá áformum um opnun veit-
inga- og menningarhúss í Aðalstræti
10 þar sem minning Silla og Valda
yrði höfð í heiðri. Var verslun þeirra
þar til húsa til langs tíma. Ragnar
segir að í fyrstu hafi ekki verið tekið
vel í hugmyndina en sú afstaða hafi
breyst, eða þar til að húsið var opnað
og skilti hafði verið sett upp.
„Við viljum reyna að ná sáttum í
þessu máli og höfum engan áhuga á
að særa tilfinningar fólks. Við höfum
einsett okkur að vanda hér til verka
og höfum talið að við séum að virða
minningu þeirra Silla og Valda. Við
höfum boðið syni Valdimars að koma
hingað og hitta okkur og reyna að ná
sáttum. Við munum hafa samráð við
okkar lögfræðing um hvernig við-
brögð okkar verða,“ segir Ragnar.
Afkomendur vilja banna firma-
heitið „Hús Silla og Valda“
Morgunblaðið/Brynjar Gauti
MIÐBÆR Reykjavíkur verður jólalegri með hverjum
degi sem líður og nú styttist í að kveikt verði á Óslóar-
trénu á Austurvelli. Jólaljós verða einnig í bakgarði Al-
þingis og þar var Sverrir Hjálmarsson, starfsmaður
Rafboða Reykjavíkur, að koma ljósum á trén er ljós-
myndara bar að garði.
Morgunblaðið/Brynjar Gauti
Jólaljós í garði Alþingis