Morgunblaðið - 04.12.2003, Blaðsíða 12

FRÉTTIR
12 FIMMTUDAGUR 4. DESEMBER 2003 MORGUNBLAÐIÐ
ÁRNI Magnússon félagsmálaráð-
herra og Björk Vilhelmsdótir, for-
maður félagsmálaráðs Reykjavík-
urborgar, litu í gær inn á kaffistofu
Samhjálpar á Hverfisgötu 44 og
fengu sér súpu og fisk með nokkrum
þeirra einstaklinga sem njóta að
jafnaði aðstoðar Samhjálpar. Á
hverjum degi koma á bilinu 70 til 90
einstaklingar í kaffi og meðlæti hjá
Samhjálp, en í gær var borinn á borð
grillaður steinbítur og gulrótar- og
kúmensúpa, sem matreiðslumenn
matsölustaðarins Apóteksins elduðu
fyrir gesti og gangandi í tilefni fjög-
urra ára afmælis Apóteksins.
Kaffistofa Samhjálpar á Hverf-
isgötu var opnuð árið 1982 en kaffi-
stofan er ætluð fyrir utangarðsfólk
og aðra þá sem ekki hafa aðstöðu til
að útvega sér mat og drykk. Þegar
best lætur koma um 110 manns á
kaffistofuna á einum degi.
Árni Magnússon félagsmálaráð-
herra ræddi við gesti kaffistofunnar
sem reyndar voru óvenju fáir í gær
þrátt fyrir að glæsileg máltíð væri á
boðstólum. Starfsfólk Samhjálpar
taldi þó augljóst að fólk væri feimið
við ráðherrann og ljósmyndara fjöl-
miðlanna, enda fjölgaði verulega
gestum kaffistofunnar eftir að þeir
óvenjulegu gestir hurfu á braut.
Í samtali við Morgunblaðið sagði
Árni það algerlega nauðsynlegt að
heimsækja kaffistofuna og fá þar að
hitta fólk og heyra hvað á því brynni.
„Við ræddum m.a. húsnæðismál og
húsaleigubætur og aðeins bar mál-
efni öryrkja á góma.
Mér finnst gaman að koma hér og
sjá hvernig Samhjálp tekur á með
þessu fólki. Því miður er það kannski
svo í okkar samfélagi, eins og líklega
víða annars staðar, að það er ákveð-
inn hópur fólks sem ekki nær endum
saman, af mismunandi orsökum. Ég
held samt og veit að við búum hér
við miklu betri aðstæður en flestar
aðrar þjóðir og ef það ætti nú að gefa
Reykjavíkurborg einhverja einkunn,
þá myndi ég halda að það væri borg
allsnægta,“ sagði Árni.
Heimsóknum hefur fjölgað
hægt og sígandi
Aðspurður hvort tilefni væri nú til
að fara út í frekari aðgerðir til að
stemma stigu við fátækt sagði Árni
að forsætisráðuneytið hefði haft for-
ystu í að fara nánar yfir þau mál.
„Mér finnst engin ástæða til og alls
ekki hægt að afneita því að það er
ákveðinn hópur fólks sem býr við fá-
tækt á Íslandi og það er auðvitað
nokkuð sem við getum öll verið sam-
mála um að við viljum með öllum
ráðum vinna gegn.“
Björk Vilhelmsdóttir ræddi við
gesti kaffistofunnar ásamt félags-
málarráðherra og sagði ástandið
aldrei viðunandi þar sem fátækt
væri við lýði. „Það er vissulega fá-
tækt á Íslandi sem við þurfum að
takast á við. Samhjálp er stór aðili í
að þjónusta þá sem fátækir eru og
það er mjög gott að þeir sinni því.
En við þurfum að ráðast að rótum
vandans og hann er mjög marg-
víslegur og ekki bara fjárhagslegur.
Ég vil m.a. benda á ábyrgð þeirra
sem reka spilakassana, mjög margir
þeirra sem hafa minnst úr að moða
reyna mikið að bæta hag sinn í spila-
kössum og lottóum.“
Á þessu ári hafa að meðaltali kom-
ið um 170 einstaklingar í hverjum
mánuði til að þiggja veitingar Sam-
hjálpar og þar á meðal komu 252 ein-
staklingar í október. Að sögn Krist-
ins P. Birgissonar, skrifstofustjóra
Samhjálpar, hefur verið hæg stíg-
andi í fjölda heimsókna á kaffistof-
una undanfarin ár.
Heimsóknum fækki reyndar um
hver mánaðamót, þegar fólk fær
sína styrki afhenta en þegar líður á
mánuðinn fjölgar heimsóknunum
sem ná yfirleitt hámarki um og eftir
20. hvers mánaðar.
Félagsmálaráðherra þáði boð um
súpu og fisk hjá Samhjálp
Morgunblaðið/Árni Sæberg
Björk Vilhelmsdóttir, formaður félagsmálaráðs, og Árni Magnússon fé-
lagsmálaráðherra ræddu ýmis málefni við gesti kaffistofu Samhjálpar.
SVEITARFÉLAGIÐ Skagafjörður
hefur lýst áhuga sínum að nýju á því
að koma að kaupum á sútunarverk-
smiðjunni Loðskinni á Sauðárkróki,
ásamt starfsmönnum. Eins og fram
hefur komið í Morgunblaðinu gerðu
Kaupþing-Búnaðarbanki og Stökur
ehf. á Akureyri, eigandi Skinnaiðn-
aðar, samkomulag um kaup á verk-
smiðjunni í síðustu viku. Á því voru
fyrirvarar eins og t.d. áreiðanleika-
könnun sem á að vera lokið fyrir 12.
desember næstkomandi, áður en
bankastjórn tekur endanlega af-
stöðu til viðskiptanna.
Ársæll Guðmundsson, sveitar-
stjóri Skagafjarðar, lýsti vonbrigð-
um sínum í blaðinu sl. mánudag með
vinnubrögð Kaupþings-Búnaðar-
banka. Menn hefðu staðið í þeirri trú
að viðræður væru við starfsmenn
Loðskinns um kaupin og tíðindin af
samkomulaginu við Stökur hefðu
komið mjög á óvart.
Sólon R. Sigurðsson, bankastjóri
Kaupþings-Búnaðarbanka, staðfesti
í samtali við Morgunblaðið að sveit-
arfélagið hefði sett sig í samband við
bankann og lýst áhuga á að koma að
málinu að nýju. Fyrir hefði legið að
viðræður bankans við starfsmenn
Loðskinns gengu ekki upp en áður
hefði sveitarfélagið ekki haft áhuga á
tilboði bankans.
Brúa bilið í hlutafjárkaupum
Gísli Gunnarsson, forseti sveitar-
stjórnar Skagafjarðar og formaður
byggðaráðs, sagði fregnir af sam-
komulaginu við Akureyringa hafa
komið Skagfirðingum á óvart. Því
hefði verið ákveðið að gera bankan-
um tilboð og hjálpa starfsmönnum
við að brúa bilið í hlutafjárkaupum í
verksmiðjunni. Um væri að ræða 40
manna vinnustað sem mikilvægt
væri að halda gangandi, ekki síst þar
sem reksturinn hefði batnað síðustu
misserin. Sagði Gísli að ef samkomu-
lagið yrði staðfest við Akureyringa
mætti frekar reikna með því að um-
svifin á Sauðárkróki myndu minnka.
Sveitarfélagið vildi með þessu reyna
að koma í veg fyrir það.
Heima-
menn sýna
Loðskinni
áhuga á ný
SALA á fersku lambakjöti í versl-
uninni Spar við Bæjarlind hefur auk-
ist um 200% frá því að verslunin hóf
sölu á flokkuðu lambakjöti frá
Fjallalambi hf. Flokkarnir sem seld-
ir eru heita magurt, úrvals og fitu-
sprengt+ og hefur mest verið selt af
kjöti í feitasta flokknum, að sögn
Ingva Guðmundssonar, fram-
kvæmdastjóra Spar. Hann segir
þessa miklu sölu á feitasta kjötinu
hafa komið mest á óvart, en 43% af
lambakjötinu sem Spar hefur selt
undanfarnar vikur eru úr feitasta
flokknum, 41% er úr úrvalsflokki og
aðeins 16% eru magurt kjöt. Eftir að
Spar hóf sölu á flokkuðu lambakjöti
hefur hlutfall lambakjöts vaxið upp í
46% af kjötsölunni, en að sögn Ingva
var hlutfall lambakjöts á landsvísu
29% af heildarsölu kjöts á sama
tímabili.
Að sögn Ingva var hann búinn að
ganga með þessa hugmynd um sölu á
flokkuðu lambajöti nokkuð lengi og
taldi Fjallalamb líklegast til að vilja
reyna slíkt samstarf. Kjötið kemur
allt flokkað og merkt frá Fjallalambi
og er síðan skipt upp í áðurnefnda
flokka í kjötborði verslunarinnar.
Minna keypt af frosnu kjöti
„Viðbrögðin hafa vægast sagt ver-
ið alveg frábær, þannig að neytendur
kunna þetta vel að meta. Það sem
hefur síðan farið mest út frá okkur
er fitusprengt+. Það munar auðvit-
að í verði en verðmunur á milli flokka
er 10%. Það er mesti vöðvamassinn í
dýrasta flokknum en fitusprengt+
getur verið með sams konar vöðva-
massa en með örlítið meiri fitu utan á
kjötinu.“
Spar hóf sölu á flokkuðu lamba-
kjöti 15. nóvember sl. og er aukn-
ingin í sölu á lambakjöti á þessu
tímabili yfir 200%, að sögn Ingva.
Hann segir framsetningu á kjötinu í
kjötborðinu einnig hvetja fólk til að
kaupa lambakjötið og fólk kaupi það
líka meira í miðri viku.
„Þetta er allt ferskt lambakjöt, og
má þar m.a. nefna fitusprengt fillet
sem er mjög vinsælt. Við erum líka
að selja nærri 90% af lambakötinu
fersk úr kjötborðinu, þ.e. ófrosin.
Fólk kaupir orðið mun minna af
frosnu, enda er kjötið tilbúið til elda-
mennsku þegar það er keypt ferskt
úr kjötborðinu,“ segir Ingvi.
Flokkun lambakjöts eykur söluna um 200% hjá Spar
Feitasta kjötið frá
Fjallalambi selst best
SJÁLFSBJÖRG hélt upp á Alþjóðadag fatlaðra í gær
og veitti fimm aðilum viðurkenningar fyrir gott að-
gengi hreyfihamlaðra að húsakynnum þeirra á Grand
hóteli. Þeir sem fengu viðurkenningar voru Borg-
arholtsskóli, Grand hótel, Eirberg, Lágafellsskóli og
Hótel Hellissandur, og afhenti Þórir Karl Jónasson,
formaður Sjálfsbjargar á höfuðborgarsvæðinu, við-
urkenningarnar.
Morgunblaðið/Jim Smart
Veittu viðurkenningar fyrir gott aðgengi
ORKUVEITA Reykjavíkur (OR)
hefur ákveðið að greiða á ný fast-
eignagjöld af eignum sínum í alls 16
sveitarfélögum. Guðmundur Þór-
oddsson, forstjóri OR, segir þetta
vera gert í trausti þess að frumvarp
frá iðnaðarráðherra, sem er nú í
meðförum iðnaðarnefndar Alþingis,
nái fram að ganga. Þar er öllum
orkufyrirtækjum gert að greiða
skatta af eignum sínum.
Eins og greint var frá í Morgun-
blaðinu í haust spruttu upp deilur til
dæmis við Grímsnes- og Grafnings-
hrepp sem hótaði uppboði á Nesja-
völlum vegna vangoldinna gjalda
upp á nokkrar milljónir króna.
OR túlkaði þágildandi orkulög,
sem breytt var árið 2001, með þeim
hætti að fyrirtæki sem höfðu einok-
un á orkusölu væru undanþegin op-
inberum gjöldum, líkt og gilt hafði
löngum með Rafmagnsveitur ríkis-
ins, RARIK. OR greiðir ríflega 100
milljónir króna á þessu ári í fast-
eignagjöld, að sögn Guðmundar.
Orkuveitan
greiðir
fasteigna-
gjöld á ný
FLUGMENN hjá Icelandair og
flugfreyjur hjá Flugfélagi Íslands
hafa gengið frá nýjum kjarasamn-
ingi. Samningarnir eru til skamms
tíma. Hrafnhildur Stefánsdóttir, yf-
irlögfræðingur hjá Samtökum at-
vinnulífsins, segir að í meginatriðum
sé verið að framlengja samninga sem
runnu úr gildi 15. september fram á
næsta ár.
Samningur flugfreyja gildir til 15.
október á næsta ári. Hrafnhildur
sagði að samningurinn fæli í sér 3%
grunnkaupshækkun og endurgjald
fyrir hagræðingu á störfum flug-
freyja. Hún sagði að viðræður stæðu
yfir við flugfreyjur sem starfa hjá
Icelandair og kvaðst hún vona að
gengið yrði frá honum fljótlega.
Samningurinn við flugmenn hjá
Icelandair gildir til 15. mars á næsta
ári. Hrafnhildur sagði að samning-
urinn kvæði á um 2,1% launahækk-
un. Hún sagði að viðræður við Flug-
menn hjá Flugfélagi Íslands væru
mjög skammt á veg komnar.
Flugmenn og
flugfreyjur
semja
NEYTENDASAMTÖKIN hafa birt
á heimasíðu sinni niðurstöður nýrrar
könnunar á símtölum milli kerfa fyr-
irtækjanna Símans og Og Vodafone.
Samtökin gerðu sambærilega könn-
un í ársbyrjun áður en Íslandssími,
Tal og Halló sameinuðust undir
merki Og Vodafone.
Neytendasamtökin benda á að það
sé ekki einfalt fyrir neytendur að sjá
hvaða fyrirtæki eða áskriftarleiðir
henti þeim. Meðal niðurstaðna könn-
unarinnar nú er að það borgi sig fyr-
ir neytendur að greina símnotkunina
á heimilinu og finna þá áskriftarleið
sem henti. Ef heimasíminn er hjá
einu fyrirtæki og farsímar fjölskyld-
unnar hjá öðru getur það borgað sig
að flytja allt undir eitt fyrirtækið.
Samtökin segja það þó fara eftir því
hve notkunin sé mikil. Um 120 króna
munur er á mánaðargjaldi fastlínu
Símans og Og Vodafone þar sem síð-
arnefnda fyrirtækið er ódýrara en
það er með eigin fastlínur á tak-
mörkuðu svæði.
Samanburður
á símaþjónustu
er flókinn
TENGLAR
..............................................
www.ns.is
♦ ♦ ♦
♦ ♦ ♦