Morgunblaðið - 11.12.2003, Blaðsíða 24

HÖFUÐBORGARSVÆÐIÐ
24 FIMMTUDAGUR 11. DESEMBER 2003 MORGUNBLAÐIÐ
Laugardalur | Ný heilsumiðstöð
verður opnuð í Laugardalnum þriðja
janúar eða eftir aðeins 23 daga. Í gær
unnu um 120 iðnaðarmenn hörðum
höndum að því að koma húsinu í end-
anlegt horf. Björn Leifsson, fram-
kvæmdastjóri World Class, er að sjá
draum sem hann teiknaði upp fyrir
fjórum árum rætast. Hann segir ekki
enn farið að vinna á sunnudögum og
virðist ekki stressaður þótt það stytt-
ist í opnunina og mörg handtök séu
eftir. Alls staðar sem komið er eru
menn að störfum við að flísaleggja,
múra, saga, parketleggja, smíða,
helluleggja, grafa og mála.
Nýja heilsu- og sundmiðstöðin fær
íslenska nafnið Laugar og er það við-
eigandi. Húsnæði Björns tengist
sundlaugunum í Laugardalnum og
nýrri tæknivæddri 50 metra inni-
sundlaug sem Reykjavíkurborg er að
byggja.
Vatnsheilsurækt vinsæl
„Mesti vaxtarbroddurinn er í
heilsurækt sem tengist vatni,“ segir
Björn bjartsýnn og stórhuga um
framtíðina. „Laugar verða fyrir
Reykjavík eins og Bláa lónið er fyrir
Ísland.“ Hann ætlar sér líka að skapa
aðstöðu sem laðar að ferðamenn og
reiknar með að 30% gesta verði er-
lendir eftir tvö til þrjú ár. Heita vatn-
ið, útilaugarnar og vingjarnlegt um-
hverfi sé nokkuð sem ferðamenn
sækist eftir á Íslandi. Aðspurður hve
marga viðskiptavini hann þurfi til að
reksturinn standi undir sér segist
hann miða við sjö þúsund árskort-
shafa. Hann geri ráð fyrir að 4.500
manns fylgi honum frá World Class í
Fellsmúla, sem verður lokað, og síðan
bætist töluverður fjöldi við þegar
húsið verður opnað.
Björn segir mikið lagt upp úr góðri
aðkomu að húsinu. Bílastæði eru
næg, rútur geta rennt að húsinu og
hugsað sé fyrir aðstöðu fatlaðra.
Reyndar leggur hann mikla áherslu á
að hugsað sé fyrir því að fatlaðir kom-
ist allra ferða sinna um þetta svæði.
Þar eigi þeir að geta sótt þjónustu
eins og aðrir og stundað æfingar.
Jafnvel eru lyftur hannaðar með það
fyrir augum að geta flutt sjúkrarúm.
Í anddyri hússins verður veit-
ingasala sem er öllum opin. Full-
komið eldhús er á staðnum og þar
verður framreiddur matur við hæfi.
Einnig er svokallaður Boozt-bar, þar
sem skyrhræringar eru útbúnir, að-
gengilegur fyrir þá sem eru að æfa. Á
efri hæðinni verður svo afmarkaður
veitingastaður þar sem hægt verður
að panta sér fínni rétti af matseðli og
þar verða vínveitingar. Aðaldyrnar
snúa í suðurátt og þar er hægt að
setja út stóla og borð í góðu veðri.
300 æfingatæki
Björn segir að fjölbreytt þjónusta
verði í húsinu. Stærsti hlutinn af þeim
7.150 fermetrum sem gólfflöturinn
þekur fer undir sjálfa líkamsrækt-
arstöðina. Búið er að parketleggja
salinn og er hátt til lofts og vítt til
veggja. Björn segir að 150 upphit-
unartæki verði í salnum og allt í allt
300 tæki til þjálfunar. „Hér verða 300
æfingatæki. Það eru um þrisvar sinn-
um fleiri tæki en eru í Fellsmúl-
anum,“ segir hann. Öll munu þau
snúa eins, út að sundlaugargarðinum,
sem glerveggur aðskilur frá tækja-
salnum. Leiðist fólki að horfa þangað
verða 16 stórir flatir sjónvarpsskjáir
hangandi fyrir ofan með fjölbreyttu
afþreyingar- og fréttaefni.
Björn segir búið að kaupa 200 ný
upphitunar- og lyftingatæki. Önnur
komi úr Fellsmúlanum þar sem
World Class er nú til húsa. Innst í æf-
ingasalnum verða svo lóð og lyft-
ingastangir og aðstaða fyrir teygju-
æfingar á svölum þar fyrir ofan.
Boðið upp á fundaraðstöðu
Þrír misstórir salir eru á sömu hæð
fyrir margvíslega hóptíma eins og
jóga, hjólaþrek, pallaleikfimi og
fleira. Einn salanna er hægt að nýta
fyrir fundi með tilheyrandi fund-
arbúnaði. Björn segir það einn þátt í
þjónustunni að bjóða upp á góða
fundaraðstöðu þar sem hægt verður
að fá veitingar í skemmtilegu um-
hverfi. Svo geta gestir auðvitað slapp-
að af í laugunum, gufunni og heitu
pottunum eftir langa fundarsetu.
„Þetta verður miklu víðtækari starf-
semi en bara heilsuræktarstöð. Bæði
geri ég ráð fyrir fundahöldum og
nokkrum ferðamannastraumi. Það
fléttast saman við alla þjónustuna
sem hér er að finna,“ segir Björn.
Fjölbreytt gufuböð
Kjallarinn undir húsinu er 3.200
fermetrar. Þar eru búningsherbergin
fyrir bæði kynin með samanlagt 1.200
skápum. Búningsaðstaðan er tvískipt.
Annars vegar er almenn aðstaða fyrir
þá sem vilja fara í sund og í líkams-
rækt. Hins vegar er boðið upp á dýr-
ari aðstöðu með aðgangi að sérstakri
baðstofu. Þar er 18 ára aldurs-
takmark, stærri skápar og sturtur og
hvíldaraðstaða. Þegar farið er í bað-
stofuna er hægt að velja um sex mis-
munandi tegundir gufu, sem hver
hefur sitt sérkenni. Það fyrsta sem
tekið er eftir er foss sem rennur niður
einn vegginn og er listaverk eftir Sig-
urð Guðmundsson. Þar eru líka sér-
stök fótaböð, saltvatnspottur, steypi-
böð og hvíldaraðstaða með arni og
hægindastólum. Inn af þessari að-
stöðu er veitingasala eingöngu fyrir
baðstofugesti.
Í kjallaranum er einnig 200 fer-
metra gæsluaðstaða fyrir börnin.
Björn segir þetta svæði þrískipt; í
einu rýminu verður leikfimisalur,
sjónvarpssalur í öðru og pláss fyrir
leikkastala í því þriðja. Hægt verður
að vera með íþróttanámskeið þarna á
meðan foreldrar nýta aðra þjónustu
og segir Björn mikilvægt að búa vel
að börnunum.
Þarna er einnig að finna átta nudd-
herbergi og fjögur snyrtiherbergi
með sérstakri sturtuaðstöðu. Boðið
verður uppá margar tegundir af
nuddi, bæði óvenjulegu sem hefð-
ubundnu.
Á efstu hæð hússins verður Nátt-
úrulækningafélag Íslands með að-
stöðu og Björn segist vera í samn-
ingaviðræðum við íþrótta- og
tómstundaráð Reykjavíkur (ÍTR) um
aðstöðu fyrir íþróttafélög þar, t.d.
júdódeild Ármanns. Þar séu góðir
salir og sérstök búningsaðstaða. Í ná-
grenninu séu líka einstaklega
skemmtilegar hlaupaleiðir og margir
hlaupahópar hafi sett sig í samband.
Vel heppnað hús
„Húsið er einstaklega vel heppnað.
Það er aðgengilegt, látlaust og flott,“
segir Björn og er ánægður með af-
raksturinn enda hefur hann lagt allt
sitt undir við þessar framkvæmdir.
Hann segir vandað til verks og mikið
lagt í stóra sem smáa hluti.
Heilsumiðstöðin kostar um 1,5
milljarða króna og er byggð af Ístaki.
Björn Leifsson á helminginn í húsinu
á móti Nýsi hf. en sundmiðstöðin er í
eigu Reykjavíkurborgar. Björn rekur
sjálfur heilsuræktina en svo koma
ýmsir aðilar að öðrum rekstri. Gert er
ráð fyrir að um 150 manns starfi í
húsinu, þar á meðal fagfólk.
Heilsumiðstöðin Laugar sögð hafa sama gildi fyrir Reykjavík og Bláa lónið fyrir Ísland
„Hér verða 300
æfingatæki“
Morgunblaðið/Þorkell
Í dag eru 23 dagar þangað til ný heilsumið-
stöð verður opnuð í Laugardalnum. Búið er
að setja upp 1.200 fataskápa og segist Björn
Leifsson framkvæmdastjóri þurfa sjö
þúsund árskortshafa svo dæmið gangi upp.
BJÖRN Leifsson, framkvæmdastjóri
World Class, segir að tólf manna
hópur Þjóðverja hafi komið hingað
til lands gagngert til að setja upp sex
gufur í baðstofu heilsumiðstöðv-
arinnar í Laugardalnum. Dvöldu
þeir hér í um tvær vikur við þá
vinnu. Þeir sem kaupa lúxuskort fá
aðgang að baðstofunni. Þar eru fjór-
ar þurrgufur, hver með mismunandi
hitastigi og innréttingum. Sérstök
lýsing skapar einstaka stemningu og
hver þeirra hefur sinn ilm. Ein
þeirra er t.d. innréttuð eins og
bjálkakofi. Einnig eru tvær misheit-
ar blautgufur. Þær eru frábrugðnar
því sem þekkist í sundlaugunum að
því leyti að gufan stígur upp þegar
vatn sýður. Í annarri er rautt ljós
staðsett fyrir ofan gufustrókinn og
myndar sjónræn áhrif sem líkist eld-
gosi.
Björn segir þetta nýtt á Íslandi og
líkist baðstofum sem Evrópubúar
þekki, t.d. í Þýskalandi og í Aust-
urríki.
Ein gufan líkist bjálkakofa
„Mesti vaxtarbroddurinn er í heilsurækt sem tengist vatni,“ segir Björn Leifsson.
– góður staðgreiðsluafsláttur
Skráður 08/01, ekinn 33 þús. km,
beinskiptur, 2.0 l, einstakur 4x4 bíll.
Verð 1.540.000 kr.
Ingvar Helgason hf. · Sími 525 8000 · Sævarhöfða 2 ih@ih.is www.ih.is · opið virka daga kl. 9-18
notaðir bílarIngvarHelgason
SUBARU IMPREZA GX
GÓÐIR NOTAÐIR BÍLAR
R A F T Æ K J A V E R S L U N
HEKLUHÚSINU • LAUGAVEGI 172 • 105 REYKJAVÍK • SÍMI 590 5090
Brauðrist
Verð 5.990,-kr
Verð 4.990,-kr