Morgunblaðið - 11.12.2003, Blaðsíða 59

BRÉF TIL BLAÐSINS
MORGUNBLAÐIÐ FIMMTUDAGUR 11. DESEMBER 2003 59
KÆRU landar mínir!
Sauðfjárbóndinn Guðfinnur S.
Finnbogason í Strandasýslu „út-
skýrir fyrir mér mál bænda“ í bréfi
til mín í Mbl. frá 28.11. Þakka ég
kærlega athyglisverðar upplýsingar
og hef reyndar engu þar við að bæta.
Æðarbóndinn Eysteinn G. Gísla-
son skrifar svo í Mbl. 7.12. bréf sem
reyndar er ekki til mín, en öllu held-
ur um mig, auk þess sem hann dvelur
enn í fortíðinni megnið af þessu
langa bréfi. Hirði ég ekki meira um
útúrsnúninga hans og rangtúlkanir,
svo sem eins og að ég „segi eitt og
meini annað“.
Bréfritari má eyða eins miklu rými
í blaðinu og honum þurfa þykir til að
rifja upp sögu rollunnar. Sjálf hef ég
margoft sagt að hún hafi einu sinni
verið „fæðan og klæðin“ en sé það
alls ekki í dag.
Reyndar væri landið í mun betra
ástandi nú, ef við hefðum borið gæfu
til að feta í fótspor Grænlendinga og
notað selinn í stað hennar, í „kjöt og
föt“. Bréfritari viðurkennir í lok
bréfsins að „sauðkindin sé ekki leng-
ur okkar eina úrræði en geti tví-
mælalaust verið áfram sem eitt af
þeim. (Sammála.) „Þó með þeim for-
merkjum að hafa gát á gosbeltun-
um“! Hraunin okkar, já! Einmitt þar
eru víða einu griðlönd gróðursins svo
sem eins og kjarrsins okkar fagra,
þar sem rollan á svo erfitt með að
fóta sig í úfnum hraunum.
En kjarni málsins í dag er þessi
frá mínum bæjardyrum séð:
1. Ég er á móti öllum bein-
greiðslum og ÖLLUM öðrum at-
vinnutengdum styrkjum, hverju
nafni sem þeir nú nefnast. ÖLLUM.
Má ég benda á að venjuleg fjölskylda
er tvo klukkutíma á hverjum einasta
degi að vinna fyrir bændur eina.
2. Ég er á móti því að borga með
framleiðslu á kjöti, borga það svo aft-
ur við búðarborðið og síðan enn aftur
með því kjöti sem ekki selst. Þetta er
fáránlegt.
3. Ég vil fækka fé úr 500.000 vetr-
arfóðruðum rollum í 200- 250.000,
hámark. Ef 14 bændur geta séð okk-
ur fyrir (of miklu) svínakjöti þarf
örugglega ekki 2000 bændur til að
framleiða (of mikið) rollukjöt ofan í
okkur, svo mikið er víst. Ég vil og
fækka hrossum úr 80.000 í 50.000,
hámark.
4. Ég vil friða allar viðkvæmar
brattar hlíðar, heiðar og allt hálend-
ið. Svo og allt kjarr sem enn er ekki
uppétið af rollum og öðrum búfénaði.
5. Ég vil að öll dýr séu í „fjárheld-
um“ beitarhólfum. Ég vil að fólk geti
keypt sér veiðileyfi á öll dýr sem eru
í vegköntum, friðuðum svæðum,
skógræktum og ógirtum löndum,
eftir að viðkomandi sveitarstjórn
hefur fengið aðvörun. Gripina mætti
handsama, bæta í eigin hjörð eða
leiða til slátrunar.
6. Ég vil stórauka alla uppgræðslu
lands, svo og skógrækt. Þar vil ég sjá
skattpeningana mína notaða í að
endurheimta klæði fjallkonunnar.
7. Ef bændur komast upp með að
sleppa afborgunum á lánum sínum
næstu þrjú árin, eins og nefndin hans
Guðna boðaði fyrir fáeinum vikum,
finnst mér að allir aðrir landsmenn
ættu að njóta sömu kjara. Ég vil
jafnrétti.
8. Ég vil að rúllubaggaplast í sveit-
um landsins verði hulið með gróðri,
girðingum eða öðru, og allir skurðir í
túnum og við vegi verði fylltir. (Að
sjálfsögðu með þar til gerðum „dren-
um“. Nánar um skurði síðar.)
Að svo mæltu vona ég að þið, allir
landsmenn mínir, eigið ánægjuleg jól
og gleðilegt komandi ár. En... munið
að eyða ekki öllum ykkar peningum í
fjölskyldur ykkar, því þið verðið að
eiga eitthvað afgangs upp í alla þessa
milljarða sem við þurfum líka að
greiða með ÖLLUM bændum næsta
ár ... og næsta og næsta og næsta.
MARGRÉT JÓNSDÓTTIR,
Melteigi 4, Akranesi.
melteigur@simnet.is
Margrét
Skagakona svarar
Frá Margréti Jónsdóttur:
Bréfritari vill að rúllubaggaplast verði hulið.
Tveimur bændum og
ykkur öllum kemur það við
Morgunblaðið/Rax ÞRIÐJUDAGINN í síðustu viku
birtist í Morgunblaðinu grein um ís-
lenska fjárhundinn (bls. 32) þar sem
höfundur fór heldur ófögrum orðum
um hann.
Helst mátti skilja á greininni að ís-
lenski fjárhundurinn væri óargadýr
sem væri um það bil að má út allt fé á
Íslandi og leggja heilu sveitirnar í
eyði með grimmd sinni og að það
besta sem hægt væri að gera við téð-
an hund væri að flytja hann út í slát-
ur.
Þar sem greinin var skemmtilega
skrifuð hélt ég í fyrstu að hún væri
grín, en þegar ég hafði lesið hana alla
gerði ég mér grein fyrir að hún var
eitthvert argasta níð sem skrifað hef-
ur verið um íslenska fjárhundinn, að
meðtöldum þeim ofsóknum sem
komu fram þegar herferðin gegn
sullaveikinni stóð sem hæst.
Ég átti von á að lesa svargrein ein-
hvern næstu daga frá þeim sem
stendur það næst, (þ.e.a.s. forvígis-
mönnum HRFÍ eða DÍF)... en ekki
orð!
Hvað er þetta fólk að hugsa?
Er hægt að vera svo óábyrgur í
starfi sem formaður þessara félaga
að taka ekki á svona bulli þegar það
er lagt fram fyrir almenning í víð-
lesnu dagblaði?
Það er þeirra að vera málsvari
hundsins þegar á hann er ráðist með
jafn óréttmætum hætti og þarna var
gert.
Höfundur greinarinnar, sem
greinilega á einhverra harma að
hefna, ætti að skammast sín og reyna
að kynnast betur eðli þess sem hann
skrifar um áður en hann geysist fram
á ritvöllinn aftur til að eyðileggja
orðstír þeirra sem ekki geta varið sig.
Að mínu mati er þó skömm þeirra
sem vita betur og ættu að verja hund-
inn enn meiri en höfundar greinar-
innar – skammist ykkar, formenn
HRFÍ og DÍF.
Fyrir hönd nokkurra eigenda ís-
lenskra fjárhunda,
JÓHANNA HARÐARDÓTTIR,
Áslandi 14,
Mosfellsbæ.
Níðskrif
um ís-
lenska fjár-
hundinn
Frá Jóhönnu Harðardóttur:
DILBERT mbl.is
KRINGLAN - SMÁRINN - AKUREYRI
Nýkomin sending
Verð frá
Kr. 14.995
Efnið í stígvélunum er
vatnsfráhrindandi og
þolir regn, snjó, salt og
kulda.
Þægilegt að þrífa, ein
stroka með rökum klút
og stígvélin verða
gljáandi falleg.