Morgunblaðið - 11.12.2003, Blaðsíða 37
DAGLEGT LÍF
MORGUNBLAÐIÐ FIMMTUDAGUR 11. DESEMBER 2003 37
Eitt af því fjölmarga semgerir jólin svo skemmtilegeru jólakortin. Óhætt er að
segja að Íslendingar séu nokkuð
iðnir við að halda við þeirri hefð
að senda vinum og ættingjum jóla-
kort, bæði innanlands og utan. Og
nú þegar tölvur hafa tekið við
hlutverki bréfaskrifta er dálítið
sérstakt og notalegt að fá hand-
skrifuð kort með góðri kveðju á
jólunum. Sumir ganga svo langt að
segja að mesta tilhlökkunin á að-
fangadagskvöld sé einmitt að opna
öll jólakortin sem streymt hafa inn
um bréfalúguna í desembermán-
uði.
Misjafnt er hversu mikið fólk
leggur á sig við jólakortaskrifin,
sumir drífa það af í einum græn-
um, aðrir gera það í skorpum og
skrifa nokkur kort á hverju kvöldi
við bjarma frá kertaljósi. Stundum
er myndum skotið inn í kortin og
jafnvel heimagerðum vísum. Sumir
búa kortin til sjálfir, aðrir kaupa
þau úti í búð og svo eru þeir sem
leggja sig eftir því að styrkja gott
málefni með því að kaupa kort af
líknarfélögum. Og vissulega er það
í takt við sannan jólaanda að gera
þannig góðverk um leið og jóla-
kortin eru keypt. Á vef póstsins
www.postur.is er hjálplegur listi
þar sem sjá má hvar hægt er að
nálgast jólakort líknarfélaga en
þau fást ekki öll í bókabúðum.
Upplagt er að nota jólkortin sem
skraut yfir hátíðirnar og um að
gera að láta hugmyndaflugið ráða
för. Kortin má hengja upp á snúru,
trjágreinar, á korktöflu, festa í
kringum spegil, næla á dúk eða
striga og jafnvel setja í poka sem
síðan eru hengdir upp.
JÓL | Heimagerðar jólaskreytingar
Jólakort í nýju
hlutverki
Kortaskraut: Nota má jólakortin
sem skreytingu yfir hátíðirnar.
khk@mbl.is
KVENNASAMKOMUR á
borð við saumaklúbba kunna
stundum að vera lítið annað en
afsökun fyrir að skiptast á
slúðri og kjaftasögum, en að
sögn bandarískra sérfræðinga
halda slíkar samkomur konum
við góða heilsu.
Rannsókn, sem var fram-
kvæmd á vegum Háskólans í
Kaliforníu, sýndi fram á að
konur vinna á áhrifum streitu
með því að leita í félagsskap
vinkvenna sinna.
Hefur Lundúnadagblaðið
Evening Standard eftir dr.
Lauru Klein, sem stjórnaði
rannsókninni, að streita kalli á
framleiðslu hormónsins oxytoc-
in sem hvetji konur bæði til að
sýna móðurlegar tilfinningar
gagnvart börnum og til að hitta
vinkonur sínar. „Þetta róar
þær, fyllir tilfinningalegt tóma-
rúm sem koma kann upp í
hjónabandi og hjálpar þeim að
skynja hverjar þær raunveru-
lega eru,“ hafði blaðið eftir
Klein.
Í rannsókninni komu einnig
fram vísbendingar þess efnis
að ein ástæða þess að konur ná
hærri aldri en karlar er sú að
þær eru oft vinameiri.
Hollt er
kvenna-
hjal
HEILSA
SMS FRÉTTIR mbl.is