Morgunblaðið - 14.12.2003, Side 9

FRÉTTIR
MORGUNBLAÐIÐ SUNNUDAGUR 14. DESEMBER 2003 9
Skógarhlíð 18, sími 595 1000. www.heimsferdir.is
Heimsferðir og Félag húseigenda á Spáni hafa
nú undirritað samning um sæti til Alicante
sumarið 2004 fyrir aðila að Félagi húseigenda á
Spáni. Beint flug alla miðvikudaga í sumar
tryggja þér þægilega ferð í glæsilegum nýjum
þotum og þægilegasta ferðatíma í sólina í
sumar. Sala er nú hafin og geta aðilar að Félagi
húseigenda á Spáni snúið sér til Heimsferða og
bókað sæti nú þegar.
Munið Mastercard
ferðaávísunina
Verð kr. 16.970
Flug aðra leiðina, 25. apríl, með
sköttum, húseigendaafslætti og með VR
ávísun að verðmæti kr. 5.000.
M.v. vefbókun á www.heimsferdir.is
Bókunargjald á skrifstofu eða síma er kr.
1.500 á mann.
Verð kr. 20.990
Fargjald, með húseigendaafslætti, fyrir
fullorðinn með sköttum, að frádreginni
VR ávísun að verðmæti kr. 5.000. Gildir
frá 19. maí.
M.v. vefbókun á www.heimsferdir.is
Bókunargjald á skrifstofu eða síma
er kr. 1.500 á mann.
Verð kr. 25.990
Fargjald, með húseigendaafslætti, fyrir
fullorðinn með sköttum, án VR ávísunar.
Gildir frá 19. mái.
M.v. vefbókun á www.heimsferdir.is
Bókunargjald á skrifstofu eða síma
er kr. 1.500 á mann.
Dagsetningar
í sumar
· 7. apr. 04 - Páskaferð*
· 21. apr. 04 - Aðeins heimflug
· 25. apr. 04
· 19. maí 04
· 26. maí 04
· 2. jún. 04
· 9. jún. 04
· 16. jún. 04
· 23. jún. 04
· 30. jún. 04
· 7. júl. 04
· 14. júl. 04
· 21. júl. 04
· 28. júl. 04
· 4. ágú. 04
· 11. ágú. 04
· 18. ágú. 04
· 25. ágú. 04
· 1. sept.04
· 8. sept.04
· 15. sept.04
· 22. sept.04
· 29. sept.04
· 6. okt. 04
· 13. okt. 04
· 20. okt. 04 - Aðeins heimflug
500 fyrstu sætin á ótrúlegu verði
Salan er hafin
Bókaðu sæti og
tryggðu þér afslátt
Félags húseigenda
á Spáni
30%
verðlækkun til
Alicante í sumar
Fyrstu 500 sætin
Afsláttur færist
á bókanir við
uppgjör ferða
Sæti verður að
staðfesta við bókun
Flugsæti til
Alicante
frá kr. 16.970
sumarið 2004
* Fargjald í páskaferðina
er hærra.
TILRAUNIR með nýtt lyf Íslenskr-
ar erfðagreiningar (ÍE) sem á að hafa
áhrif á fólk sem er með erfðavísi sem
veldur hjartaáföllum hefjast eftir
áramót, og mun hinn virti bandaríski
sérfræðingur dr. Eric Topol, yfir-
maður hjarta- og æðadeildar Cleve-
land Clinic í Bandaríkjunum, vera
ráðgjafi við uppsetningu og fram-
kvæmd lyfjaprófanna.
Dr. Topol hefur mikla reynslu á
sviði hjartalækninga og erfðafræði,
og hefur ennfremur mikla reynslu af
því að prófa lyf á stórum hópum og á
sú reynsla eflaust eftir að verða verð-
mæt í þessu samstarfi.
„Það sem við erum að prófa er
lyfjameðferð sem er sérhönnuð út frá
sérstökum erfðavísi sem ákveðnir
einstaklingar eru með, og veldur
hjartaáföllum. Við ætlum að setja á
stað prófanir á lyfinu þar sem fólk
sem hefur þennan erfðavísi og gefa
því annaðhvort lyfið eða lyfleysu og
sjá hvaða áhrif það hefur,“ segir dr.
Topol í samtali við Morgunblaðið.
Kannað á 180 Íslendingum
Fyrsta skrefið verður að prófa
hvernig gengur með lítinn hóp, u.þ.b.
180 Íslendinga. Vinna við það fer í
gang strax eftir áramót, og mun taka
3 til 4 mánuði. Ef það gengur vel fara
á stað prófanir á nokkur þúsund ein-
staklingum, bæði hér, í Bandaríkjun-
um og jafnvel víðar, sem reiknað er
með að fari í gang um mitt næsta ár,
og standi í eitt og hálft eða tvö ár. Ef
niðurstöður úr þessum prófunum
ganga að vonum má því vonast til
þess að lyfið verði tilbúið til fram-
leiðslu eftir tvö til tvö og hálft ár, fyr-
ir mitt ár 2006, segir dr. Topol.
Það sem er öðruvísi við þessar
lyfjaprófanir er að allir í hópunum
sem lyfið er prófað á eru með þennan
ákveðna erfðavísi sem sýnt hefur
verið fram á að veldur hjartasjúk-
dómum, í stað þess að hafa hóp fólks
sem ekki er vitað hvort hafi erfðavís-
inn eða ekki en er með hjartasjúk-
dóma, eins og gert væri ef um hef-
bundnar lyfjaprófanir að ræða, segir
dr. Topol.
„Hugmyndin á bak við þetta er að
hætta að þreifa sig áfram í myrkrinu,
hætta þessum heimskulegu þróunum
sem maður heyrir um og kosta 800
milljónir dollara eða yfir milljarð
dollara. Okkar aðferð gengur hraðar
fyrir sig og eykur líkurnar á vel-
gengni, svo þetta er mun fljótlegra. Á
móti kemur að þegar upp er staðið
hefur lyfið ekki jafnalmenn not og lyf
sem þróuð eru á hefbundinn hátt, það
nýtist bara þeim sem eru með þetta
ákveðna gen sem veldur hjartaáföll-
um. Þetta er sérhæft lyf við sérhæfðu
vandamáli, og það er alveg nýr hugs-
unarháttur í lyfjaframleiðslu,“ segir
dr. Topol.
Þessi sértæku lyf sem eru bara
notuð á takmarkaðan hóp njóta mjög
takmarkaðrar hylli hjá lyfjafyrir-
tækjum, sem kjósa heldur að fram-
leiða lyf sem hægt er að selja stórum
hópi í miklu magni. Þeirra þumal-
puttaregla er að lyf sem fer í fram-
leiðslu verði að geta skapað einn
milljarð dollara í tekjur á ári til að
það borgi sig að framleiða það.
„Erum að sjá
gjörbreytta framtíð“
Ef tilraunirnar ganga vel getur
það breytt öllu í baráttunni við arf-
genga sjúkdóma, segir dr. Topol.
„Það breytir þessu algerlega, þá er-
um við ekki lengur að tala um að allir
noti sömu lyfin heldur verði þau sér-
tækari, fólk með þennan erfðavísi
fengi eina tegund meðferðar og fólk
með annan erfðavísi fengi aðra með-
ferð.“
„Við sjáum gjörbreytta framtíð,
mjög spennandi og mjög ólíka því
sem við eigum að venjast í dag. Í dag
erum við með einhverja risaeðlu,
frumstæðan þankagang þar sem ein
stærð á að passa öllum. Það gengur
bara ekki upp,“ segir hann.
Dr. Topol segir að þó megi ekki
ganga of langt í þessari erfðafræði-
legu hugsun, og erfðir séu ekki það
eina sem hafi áhrif á það hvort og
hvenær fólk fái hjartaáföll.
„Við þekkjum enn ekki öll genin
svo við vitum ekki hvort fólk sem hef-
ur alls enga erfðavísa sem valda
hjartasjúkdómum getur fengið
hjartaáfall. Við einfaldlega vitum það
ekki. Kannski þarf maður að hafa
erfðavísi og stunda óheilbrigt líferni,
eða kannski eru það bara erfðirnar
sem skipta máli. Fólk ætti samt sem
áður að reyna að halda lágu kólester-
óli, halda þyngdinni niðri, stunda lík-
amsrækt og sleppa því að reykja.
Eftir tíu ár gæti verið að við vitum
meira, en ég sé ekki fram nokkurn-
tíma að segja við sjúkling að hann sé
ekki með neina erfðavísa sem valda
hjartasjúkdómum svo hann ætti
endilega að reykja,“ segir dr. Topol.
Það sem þessi þekking getur
hjálpað við er að fólk sem greinist
með þessa erfðavísa sem valda
hjartaáföllum snemma í lífinu geta
þá gert sér grein fyrir því og tekið
upp heilbrigðara líferni en það hefði
kannski annars gert, og þannig bar-
ist gegn þessum slæmu erfðavísum.
ÍE hefur prófanir á lyfi eftir áramót
Morgunblaðið/Árni Sæberg
Dr. Eric Topol reifaði rannsóknir sínar við starfsmenn ÍE.
Nýr hugsunar-
háttur í lyfja-
framleiðslu
Lyf við arfgengum sjúkdómum verða í
framtíðinni hönnuð sérstaklega fyrir
ákveðna erfðagalla. Brjánn Jónasson ræddi
um lyfjrannsóknir við dr. Eric Topol.
brjann@mbl.is