Morgunblaðið - 14.12.2003, Síða 31

MORGUNBLAÐIÐ SUNNUDAGUR 14. DESEMBER 2003 31
Veiðihornið
vinsæla veiðibúðin
Harðir pakkar, mjúkir pakkar, litlir pakkar, langir pakkar,
Fyrir skotveiðimanninn, stangaveiðimanninn og fluguhnýtarann
Veiðihornið - Hafnarstræti 5 - Sími 551 6760
Veiðihornið - Síðumúla 8 - Sími 568 8410
www.veidihornid.is
Opið alla daga - Sendum samdægurs
Fyrir skotveiðimanninn: Gott úrval af felulitagöllum. Fóðraður PVC-galli aðeins kr. 8.990. Mad Dog galli, vatns-
heldur með öndun, jakki og smekkbuxur, verð frá kr. 19.995. Gott úrval af byssupokum og hörðum byssu-
töskum á frábæru verði. Úrval af bókum og myndböndum fyrir skotveiðimanninn. Hvergi meira úrval af
nytsömum gjafavörum.
Mikið úrval af veiðistöngum og
hjólum. Spinnhjól frá kr. 2.995.-
Fluguhjól frá kr. 6.995.- Ron
Thompson fluguveiðisett
aðeins frá kr. 12.500.-
SAGE fluguveiðisett
aðeins kr. 21.500.-
Frábært úrval - Gott verð.
Fyrir stangaveiðimanninn: Vöðlur, jakkar, vesti, töskur, rotarar, vaðstafir,
stangir, hjól og fleira og fleira. Úrvalið af veiðivörum er hvergi meira en í
Veiðihorninu. Ron Thompson neopren vöðlur kr. 10.900. Scierra öndunar-
vöðlur ásamt Scierra vöðluskóm, aðeins kr. 17.995. Ron Thompson jakki,
vatnsheldur með öndun, aðeins kr. 10.995. Ron Thompson
nestisbakpoki, aðeins kr. 4.995.
Frábært úrval - gott verð. Einnig úrval af vöðlum,
jökkum, vestum, skóm og hönskum frá Simms.
Fyrir fluguhnýtarann: Danvise, sá vinsælasti, jólatilboðsverð aðeins kr. 6.595.
Vönduð amerísk verkfærasett í boxi, aðeins kr. 3.995. Mjög gott úrval af
kennsluefni á bókum og geisladiskum. Einnig fluguhnýtingasett á fínu verði.
Nýtt! Aðeins í Veiðihorninu: Nýtt íslenskt myndband með kennslu í hnýtingum
kemur í búðir eftir helgina. Sigurjón Ólafsson leiðbeinir á myndböndunum.
Laxaflugur, silungaflugur, túpur og straumflugur.
Gott úrval af gæsaflautum
og andaflautum frá Faulk´s
og fleirum kr. 1.495.
Fyrir skotveiðimanninn.
Gervigæsir, 12 í kassa með festingum,
aðeins kr. 9.800.
Einnig flotgæsir kr. 1.890
og gerviendur kr. 695.
Frábært úrval af töskum, bakpok-
um, byssupokum og hörðum tösk-
um frá mörgum framleiðendum.
Mikið úrval, gott verð.
Börn og unglingar vænta sér oftmikils af jólagjöfum, einkum
átti þetta við meðan fólk hafði
minna umleikis en nú gerist víða
og eyðsla í annað en brýnustu
nauðsynjar í lágmarki.
Þetta var umræðuefni eitt sinn
við jólahlaðborð sem ég tók þátt í
ásamt nokkrum konum og jafn-
framt hver væri eftirminnilegasta
jólagjöfin sem
þær hefðu fengið.
Þá sagði ein
þeirra sagði sög-
una af bláu úlp-
unni.
„Svoleiðis var
að ég er alin upp
hjá ömmu minni
og hún átti vinkonu sem einnig ól
upp litla stúlku, barnabarn sitt,
sem var jafngömul mér. Þær vin-
konurnar vildu auðvitað að við
stelpurnar værum miklar vinkonur
eins og þær og létu okkur hittast
með ákveðnu millibili og leika okk-
ur saman. Þannig liðu árin og við
hittumst og lékum okkur, til tak-
markaðrar ánægju á báða bóga,
því okkur kom hreint ekki eins vel
saman og ömmum okkar,“ sagði
sögumanneskjan.
„Svo var það fyrir ein jólin, þeg-
ar ég var 11 ára, að amma sagði
mér að nú skyldum við fara í bæ-
inn því ég ætti að hjálpa henni að
velja jólagjöf fyrir umrædda
stelpu. Ég hoppaði nú ekki hæð
mína af gleði yfir þessu verkefni
en dróst þó á að fara með ömmu
niður í bæ til að velja gjöfina. Við
fórum í nokkrar verslanir og
amma vildi endilega að stelpan
fengi úlpu frá okkur í jólagjöf.
Mér fannst það nú nokkuð vel í
lagt en hugsaði sem svo að ef
amma endilega vildi gefa svona
stóra gjöf þá hún um það. Ég
skoðaði úlpuúrvalið vandlega og
var með það á hreinu að ekki
skyldi stelpan fá fallegustu úlpuna,
– svo mikið væri víst.
„Veldu nú úlpu sem þér þykir
verulega falleg,“ sagði amma.
Ég grautaði í úlpunum og valdi
loks bláa, pokalega og rennda úlpu
með hettu, og sagði ömmu að
þessa úlpu skyldum við kaupa
handa stelpunni.
„Finnst þér þessi virkilega fal-
legust?“ sagði amma, talsvert
hissa. „Já, mér finnst hún mjög
fín,“ sagði ég ákveðin.
„Ertu viss um að þú myndir
vilja hana helst fyrir sjálfa þig,
með þannig hugarfari á að velja
gjafir,“ sagði amma.
„Já, hún verður ábyggilega mjög
ánægð með þessa úlpu,“ svaraði
ég, – með vondri samvisku þó.
„Jæja, þá kaupum við hana og
höfum hana vel við vöxt, annað
þýðir ekki þegar börn eru að taka
út þroska,“ sagði amma og borgaði
úlpuna, sem við fórum svo með
heim í strætó.
Leið nú að jólum og mikið ann-
ríki var á heimilinu við bakstur og
undirbúning hátíðarinnar. Sam-
hliða því jókst eftirvætning mín
eftir að komast að hvað biði mín í
jólapökkunum – einkum þó pakk-
anum frá ömmu sem alltaf var
mest í borið.
Loks rann upp hið langþráða að-
fangadagskvöld. Búið að hlusta á
jólamessu í útvarpinu og borða
lambasteik með brúnuðum kart-
öflum með fromage á eftir og við
amma sestar við jólatréð að lesa
sundur pakkana.
Kemur þar sögu að upp í fangið
á mér kemur stór pakki frá ömmu.
Með nokkrum hjartslætti fór ég að
rífa pakkann upp. – Mikil voru
skapbrigði mín þegar upp úr pakk-
anum kom bláa úlpan. Ég hef
ábyggilega verið mjög einkennileg
í framan meðan ég var að máta
úlpuna fyrir ömmu. Ég varð satt
að segja fyrir hræðilegum von-
brigðum en jafnframt varð ég að
reyna eins og ég gat að láta ömmu
ekki verða vara við þau. Ég hafði
jú sjálf valið úlpuna og hælt henni
mjög, ég varð því að láta sem ég
væri mjög ánægð með gjöfina.
Með beiskum huga fór ég svo í
bláu úlpunni í skólann eftir nýárið
og af því hún var keypt svo vel við
vöxt þurfti ég að ganga í henni í
þrjá vetur. En ég mátti þó eiga að
ég gerði þetta möglunarlaust. Hins
vegar varð atvik mér mjög lær-
dómsríkt. Ég skildi að ég hafði
verið meinfýsin, ekki heiðarleg og
hreint ekki fallega hugsandi. Ég
verð aldrei svo gömul að ég gleymi
bláu úlpunni, svo mikið er víst,“
sagði sessunautur minn við jóla-
borðið – og ég hef ekki gleymt
þessari sögu heldur.
ÞJÓÐLÍFSÞANKAR/Hver er
eftirminnilegasta jólagjöfin?
Bláa úlpan
eftir Guðrúnu
Guðlaugsdóttur
HEIMDALLUR hefur sent frá
sér eftirfarandi ályktun vegna
fjárframlaga til flokka og þing-
manna:
„Heimdallur mótmælir þeim
tillögum sem lagðar hafa verið
fram um hækkun þingfararkaups
til þeirra formanna stjórnmála-
flokka sem ekki eru ráðherrar.
Þingmenn sem eru í slíkum
störfum eiga ekki að fá greitt
sérstaklega fyrir það úr vasa
skattgreiðenda. Ekki er rétt að
bera slík störf saman við störf
ráðherra, enda eru ráðherrar í
vinnu hjá almenningi en formenn
stjórnmálaflokka í vinnu hjá við-
komandi flokki.
Yfirstandandi þing samþykkti
fyrir stuttu aukin framlög til
stjórnmálaflokka.
Þess háttar framlög líkt og
greiðslur til formanna flokka eru
ekki eðlileg. Stjórnmálaflokkar
eiga að geta fjármagnað sig sjálf-
ir, auk þess sem réttara hefði
verið að nota umræddar fjárhæð-
ir til að lækka skatta á almenn-
ing.
Ennfremur telur Heimdallur
mikilvægt að varlega sé farið
þegar eftirlaun og aðrar
greiðslur til þingmanna eru
hækkaðar með lögum frá Al-
þingi. Þýðingarmikið er að í til-
vikum sem þessum liggi fyrir út-
reikningar á kostnaði
skattgreiðenda við hækkanirnar
enda eru þingmenn að taka
ákvarðanir sem varða hag þeirra
sjálfra. Jafnframt er nauðsynlegt
að laun þingmanna og ráðherra
séu með þeim hætti að hæfir ein-
staklingarnir fáist til slíkra
starfa. Í þeim efnum er þó nauð-
synlegt að gæta hófs eins og
jafnan þegar um er að ræða fjár-
muni skattgreiðenda.
Athuga þarf leiðir til að
ákvarða kjör alþingismanna án
beinnar þátttöku þeirra. Slíkt
fyrirkomulag ríkir nú hvað varð-
ar ákvörðun grunnlauna þing-
manna en vera kann að rétt sé
að taka upp svipað kerfi hvað
varðar álagsgreiðslur einstakra
þingmanna sem og ákvarðanir
um lífeyrisréttindi.“
Mótmæla tillög-
um um hækkun
þingfararkaups