Morgunblaðið - 20.12.2003, Page 12

FRÉTTIR
12 LAUGARDAGUR 20. DESEMBER 2003 MORGUNBLAÐIÐ
Jólamarkaður
á Lækjartorgi
Fjölbreyttur varningur til sölu
í litlu tréhúsunum á torginu
Kl. 13:00 Lækjartorg - Álafosskórinn syngur jólalög
Kl. 13:30 Kammerkór Mosfellsbæjar syngur jólalög
Kl. 14:00 Hornaflokkur leikur jólalög
Kl. 14:30 Harmonikkuleikur
Kl. 15:00 Jólasveinar koma í heimsókn og líta á varninginn og skemmta börnunum
Kl. 15:30 Laugavegsbrassbandið leikur jólalög
Kl. 16:00 Hinn eini og sanni Steindór Andersen flytur jólarímur
Kl. 16:30 Eldgleypar blása eldi
Kl. 15:00 Trússhestalest (Jólahestalestin) verður við Lækjartorg ca kl. 15
Jólamarkaðurinn á Lækjartorgi
Líf
og
fjör
á torginu
Miðborgin laugardaginn 20. des. kl. 13:00- 22:00
(
Opið í dag laugardag frá kl. 13-22
JÓLABALL var haldið í Ingunn-
arskóla í Grafarholti en þar sem
skólinn er enn í byggingu og ekki
pláss fyrir jólatré í bráðabirgða-
húsnæðinu klæddu nemendur, og
starfsfólk skólans sig í útigallana
og dönsuðu í snjókomunni. Skyr-
gámur og Ketkrókur mættu á
svæðið og sungu með kennurum
sínum auk þess sem skólastjórinn
fékk að bragða á skyri úr fötunni
hjá Skyrgámi. Á myndinni er El-
ínrós Birta að spjalla við Ketkrók.
Jólaball í
Ingunnar-
skóla
MARKTÆK fækkun hefur ekki orð-
ið á fjölda félagsmanna Sjálfstæðis-
flokksins á undanförnum dögum eða
vikum, að sögn Hönnu Birnu Krist-
jánsdóttur aðstoðarframkvæmda-
stjóra er hún var spurð hvort breyt-
ing hefði orðið á fjölda flokksmanna
eftir að eftirlaunafrumvarpið var
lagt fram á Alþingi en í Morgun-
blaðinu í gær kom fram að tugir
manna hafa sagt sig úr Samfylking-
unni vegna óánægju með að fulltrúar
flokksins skyldu taka þátt í að leggja
frumvarpið fram.
Hanna Birna segir að hins vegar
hafi um 1.200 ungir sjálfstæðismenn
verið skráðir í flokkinn á undanförn-
um vikum, auk þess sem nánast dag-
lega bætist nýir félagsmenn við þá
rúmlega 30.000 sem þegar séu
skráðir í Sjálfstæðisflokkinn.
Þrír fóru frá VG
og Frjálslyndum
Fjórtán hafa sagt sig úr Fram-
sóknarflokknum í desember að sögn
Sigurðar Eyþórssonar, fram-
kvæmdastjóra flokksins. Hann segir
að 2–3 þeirra hafi lýst yfir óánægju
með eftirlaunafrumvarpið en annars
segir hann ekki spurt um ástæðu úr-
sagnar þegar fólk segi sig úr flokkn-
um. Á sama tíma hafa 27 sótt um að
ganga í flokkinn og segir Sigurður
það ívið fleiri umsóknir en í desem-
bermánuði undanfarin ár.
Þrír sögðu sig úr Vinstrihreyfing-
unni – grænu framboði daginn sem
sagt var frá eftirlaunafrumvarpinu
og gáfu það upp sem ástæðu úrsagn-
arinnar, að sögn Kristínar Halldórs-
dóttur, framkvæmdastjóra flokks-
ins. Hún segir þó fleiri hafa gengið í
flokkinn á sama tíma en að ekki sé
hægt að staðfesta að það tengist
frumvarpinu. Kristín telur að 6–7
einstaklingar hafi skráð sig í flokk-
inn eftir að frumvarpið kom fram.
Margrét Sverrisdóttir, fram-
kvæmdastjóri Frjálslynda flokksins,
segir þrjá hafa sagt sig úr flokknum í
tengslum við eftirlaunafrumvarpið.
Hún segir þó fleiri hafa gengið í
flokkinn á sama tíma og telur hugs-
anlegt að það tengist afstöðu flokks-
ins til frumvarpsins. Hún segist hafa
átt von á því að fleiri myndu segja sig
úr flokknum þar sem hvatning hafi
komið til fólks um að segja sig úr
flokkum. Hún segir minni og yngri
flokka viðkvæmari fyrir áskorun af
því tagi. Hún segir marga hafa haft
samband við skrifstofu flokksins,
ýmist til að lýsa yfir óánægju með
frumvarpið eða til að lýsa yfir
ánægju með afstöðu flokksins í mál-
inu, en allur þingflokkurinn greiddi
atkvæði á móti frumvarpinu.
Áhrif eftirlaunafrumvarpsins á
úrsagnir úr stjórnmálaflokkum
Fleiri hafa
gengið í flokk-
ana en úr þeim
„UMMÆLI ríkisskattstjóra um mig
persónulega eru alls kostar fráleit
og vart svara verð,“ sagði Guðjón
Rúnarsson, framkvæmdastjóri
Samtaka banka og verðbréfafyrir-
tækja, vegna ummæla í viðtali við
Indriða H. Þorláksson ríkisskatt-
stjóra um fjölgun skattasniðgöngu-
mála sem birtist í Morgunblaðinu í
gær.
Í viðtalinu vísaði Indriði til um-
ræðu um skrif hans í tímarit emb-
ættisins og sagði að það kæmi sér á
óvart að menn létu svo sem þeim
væri ókunnugt um skattasniðgöngu,
einkum með tilliti til þess að einn
þeirra sem hefðu tjáð sig um málið
hefði skrifað grein ásamt þekktum
dönskum sérfræðingi í skattasnið-
göngumálum þar sem beinlínis væru
gefnar leiðbeiningar og lagt á ráðin
um hvernig færa megi fé skatt-
frjálst úr landi.
Guðjón Rúnarsson sagði að rík-
isskattstjóri virtist vera að vísa til
þess að í upphafi árs 2000, þegar
Guðjón starfaði hjá Verslunarráði,
hafði hann haft frumkvæði að því í
samvinnu við hérlendan háskóla að
fá til Íslands virtan skattalögfræð-
ing frá Danmörku til að halda nám-
skeið um skattalega meðferð al-
þjóðaviðskipta, með sérstaka
áherslu á tvísköttunarsamninga.
Fundinn hafi setið, auk fulltrúa fyr-
irtækja, fulltrúar frá skattstjóran-
um í Reykjavík, ríkisskattstjóra og
yfirskattanefnd. Í tengslum við
komu Danans og nýsetta löggjöf um
alþjóðleg viðskiptafélög hafi þeir
birt saman faglega grein þar sem
fjallað var um þessi mál og þá sér-
staklega alþjóðleg viðskiptafélög og
dönsk eignarhaldsfélög.
Hlutverk ríkisskattstjóra
að hafa eftirlit
„Það er mjög alvarlegt að emb-
ættismaðurinn sé að reyna að gera
þetta tortryggilegt með þessum
hætti. Miklu frekar hefði ég haldið
að jafnt skattyfirvöld sem rekstr-
araðilar fögnuðu aukinni umræðu
um alþjóðaskattamál sem var mjög
takmörkuð fram til allra síðustu
ára,“ sagði Guðjón.
Hann bætti því við að mestu máli
skipti að ríkisskattstjóri gæti ekki
leyft sér úr sínum embættisstóli að
gefa í skyn að hópur fyrirtækja eða
heilu atvinnugreinarnar ástunduðu
ólögmætt atferli. „Telji hann ein-
hvers staðar pott brotinn er í verka-
hring hans að bregðast við með
þeim hætti sem starfsskyldur hans
segja til um. Hlutverk ríkisskatt-
stjóra er að hafa eftirlit með skatt-
framkvæmd í landinu á grundvelli
þeirra laga sem hér gilda, en ekki að
grafa undan trúverðugleika starf-
andi fyrirtækja á markaði og þeirra
einstaklinga sem fyrir þau starfa. Í
þeim efnum gengur engan veginn að
taka einstök mál sem úrskurðað hef-
ur verið um af yfirskattanefnd og al-
hæfa út frá þeim,“ sagði Guðjón.
Framkvæmdastjóri Samtaka banka
gagnrýnir ummæli ríkisskattstjóra
Nær að fagna
umræðunni
SIV Friðleifsdóttir
umhverfisráðherra
hefur ráðið Unu Maríu
Óskarsdóttur í stöðu
aðstoðarmanns ráð-
herra. Una María Ósk-
arsdóttir er 41 árs,
með BA-próf í uppeld-
is- og menntunarfræði
frá Háskóla Íslands.
Hún er formaður
Landssambands fram-
sóknarkvenna, vara-
bæjarfulltrúi í Kópa-
vogi og formaður
Íþrótta- og tómstunda-
ráðs Kópavogs. Á ár-
unum 1998–2003
gegndi hún starfi
framkvæmdastjóra op-
inberrar nefndar um
aukinn hlut kvenna í
stjórnmálum.
Una María Óskars-
dóttir er gift Helga
Birgissyni hæstarétt-
arlögmanni og eiga
þau þrjú börn.
Einar Sveinbjörns-
son, sem verið hefur
aðstoðarmaður um-
hverfisráðherra frá
miðju ári 1999, fer um
áramótin til starfa á
Veðurstofu Íslands.
Una María mun hefja
störf í umhverfisráðu-
neytinu 1. janúar nk.
Nýr aðstoðarmaður
umhverfisráðherra
Una María
Óskarsdóttir