Morgunblaðið - 27.01.2004, Blaðsíða 19

AKUREYRI
MORGUNBLAÐIÐ ÞRIÐJUDAGUR 27. JANÚAR 2004 19
Parket
Flísar
Furugólfborð
Kamínur
Njarðarnesi 1, Akureyri,
sími 462 2244.
Grenivík | „Menn eru farnir að iða í skinn-
inu,“ sagði Jón Helgi Pétursson, formaður
Golfklúbbsins Hvamms, sem stofnaður var á
Grenivík í lok nóvember á liðnu ári. Rétt
tæplega 50 manns hafa þegar gengið í klúbb-
inn og áhuginn er mikill, að sögn formanns-
ins.
„Þetta átti sér ekki langan aðdraganda, við
fórum að hugsa um þetta fyrir svona einu og
hálfu ári, fengum góðan hljómgrunn þannig
að farið var í undirbúningsvinnu og klúbb-
urinn svo formlega stofnaður í lok síðasta
árs,“ sagði Jón Helgi. Hönnuður var fenginn
til að koma og líta á aðstæður í fyrrasumar,
en klúbburinn hefur fengið afnot af landi
Hvamms og einnig Jarlsstaða. „Hvammur var
til sölu síðasta sumar og við fengum mann til
að líta á landið og athuga hvort það hentaði
undir golfvöll og niðurstaðan var sú að það
hentar prýðilega,“ sagði Jón Helgi. Edwin R.
Rögnvaldsson golfvallahönnuður var fenginn
til að hanna völlinn og þegar liggur fyrir
hönnun á vellinum eins og hann mun í fram-
tíðinni líta út. Um er að ræða 9 holu völl
ásamt litlum par-3 velli og æfingasvæði.
Áætlanir ganga út á að til bráðabirgða verði
unnt að notast við 6 holu völl fljótlega eða
þegar næsta sumar, en fjórar brautanna eru
nánast tilbúnar frá náttúrunnar hendi og því
hluti af framtíðarskipulaginu. Tveimur
brautum er því ekki hugað langt líf.
Mun meiri vinna verður við að rækta upp
þær 5 brautir sem upp á vantar til að mynda
framtíðargolfvöll á svæðinu. Þeim hefur þó
verið valinn staður á landi sem talið er auð-
unnið, þar sem ýmist eru tún eða melar og
framræsla góð. „Við munum hefjast handa
við framkvæmdir þegar í vor þannig að hægt
verði að spila á þessum 6 holum næsta sum-
ar,“ sagði Jón Helgi.
Stefnt að því að byggja
völlinn upp á 4–5 árum
Hann sagði að vissulega yrði kostnaður
umtalsverður en menn treystu á mikla sjálf-
boðavinnu og eins að hagstæðir samningar
næðust við verktaka, m.a. vegna vélavinnu.
Þá sagði hann að næsta viðfangsefni klúbbs-
ins yrði að leita eftir styrktaraðilum. „Við
stefnum að því að byggja völlinn upp á 4–5
árum, við ætlum að fara varlega af stað og
gefa okkur góðan tíma.“ Jón Helgi sagði að
íbúar hreppsins hefur fram til þessa ekki
leikið golf af miklu kappi. „Ætli megi ekki
telja það á fingrum annarrar handar,“ sagði
hann. Mikill hugur væri hins vegar í fólki og
greinilegt að áhuginn væri mikill, tæplega 50
manns hefðu þegar gengið í klúbbinn af tæp-
lega 400 íbúum.
„Nú þegar útlit er fyrir að hér verði golf-
völlur og hægt að byrja að spila strax næsta
sumar verður maður var við að marga langar
að prófa þessa íþrótt. Menn eru þegar farnir
að næla sér í sett og nú er bara að bíða eftir
sumrinu,“ sagði Jón Helgi. Þá er stefnt að því
að ráða til starfa umsjónarmann með vell-
inum sem jafnframt gæti tekið að sér að
kenna hinum væntanlegu golfleikurum
Grýtubakkahrepps að sveifla kylfunum.
Um fimmtíu manns hafa þegar gengið í nýjan golfklúbb á Grenivík
Búið að
hanna golf-
völl í landi
Hvamms og
Jarlsstaða
Spennandi: Edwin R. Rögnvaldsson hefur hannað þennan 9 holu golfvöll í landi Hvamms og
Jarlsstaða við Grenivík. Stefnt er að því að leika á nokkrum bráðabirgðabrautum næsta sumar.
HJÁLPARSVEITIN Dalbjörg í Eyja-
fjarðarsveit hefur fjárfest í tveimur nýj-
um og öflugum vélsleðum af Polaris-
gerð, sem afhentir voru sveitinni fyrir
helgina. Nýju sleðarnir, sem kostuðu
samtals um eina og hálfa milljón króna,
þykja henta sveitinni mjög vel og þeir
leysa af hólmi eldri sleða. Félagsmenn
fjármögnuðu kaupin með sjálfboðavinnu,
þar sem þeir unnu m.a. við girðingavinnu
fyrir Vegagerðina.
Hjálparsveitin Dalbjörg gerir nú út
þrjá vélsleða, snjóbíl, öflugan jeppa og
stóran fólksflutningabíl. Sveitin er með
aðstöðu í Steinhólaskóla, skráðir félagar
eru um 90 og þar af eru um 40 þeirra
virkir.
Nýju sleðarnir voru afhentir formlega
í húsnæði Toyota á Akureyri, sem er um-
boðsaðili Polaris á Akureyri. Á myndinni
eru Elmar Sigurgeirsson, formaður Dal-
bjargar, og Örn Traustason frá Toyota.
  
Morgunblaðið/Kristján
Nýju vélsleðarnir afhentir á Akureyri.
Dalbjörg eignast
nýja vélsleða
HÁTT í þrjátíu slökkviliðsmenn, frá
Húsavík og Þingeyjarsveit, þ.e.
Stórutjörnum og Laugum, komu að
slökkvistarfi á bænum Stóruvöllum í
Bárðardal sl. laugardagskvöld. Þar
varð milljóna króna tjón í stórbruna
þegar útihús á bænum, sambyggð
skemma og gamalt fjós brunnu til
grunna. Þar hafði verið unnið að
tólgarframleiðslu og kertagerð. Í
kjölfar brunans hefur komið upp sú
umræða, af hverju ekki var leitað
eftir aðstoð Slökkviliðsins á Akur-
eyri, sem er vel tækjum búið at-
vinnumannaslökkvilið, með að lág-
marki fimm menn á vakt allan
sólarhringinn. Þessi umræða kom
einnig upp fyrir fáum árum þegar
stórtjón varð í fjósbruna á bænum
Fremstafelli í Köldukinn. Aðeins
slökkviliðsstjórinn á Húsavík er í
fullu starfi en hvorki þar eða í Þing-
eyjarsveit er sérstök vakt á stöð.
Friðrik Steingrímsson, slökkvi-
liðsstjóri í Þingeyjarsveit, sagði að
vegalengdin frá Húsavík og Akur-
eyri í Bárðardal væri svipuð en mið-
að við þær aðstæður sem voru á
brunastað hefði það ekki breytt
neinu þótt kallað hefði verið á þraut-
þjálfaða menn frá Akureyri. Það
sama hefði verið upp á teningnum í
eldsvoðanum í Fremstafelli. „Það er
líka góð vakt á Húsavík og við höfum
mest samband þangað. Svo er alltaf
spurningin hversu marga menn á að
kalla út hverju sinni en í þessu tilfelli
þótti ekki ástæða til að kalla út fleiri.
Það var ekki skortur á tækjum eða
mannskap, heldur fyrst og fremst
tíma. Það hefði heldur ekki breytt
neinu þótt menn hefðu komið á stað-
inn hálftíma fyrr, húsið var farið.
Það hefði hins vegar getað farið verr
ef eldur hefði komist í íbúðarhúsið
eða ef olíutankurinn sem þarna var
hefði sprungið,“ sagði Friðrik.
Annar slökkvibíllinn frá Stóru-
tjörnum náði ekki alla leið á bruna-
stað og þá gekk boðun slökkviliðs-
manna í sveitinni ekki sem skyldi.
Friðrik sagði að unnið væri að því
lagfæra það sem miður fór „Við er-
um með tvö slökkvilið hér í sveitinni,
á Stjórutjörnum og á Laugum, alls
25 menn og ætlum okkur að vera
sjálfbjarga og eigum að geta það í
flestum tilfellum.“
Jón Ásberg Salómonsson, slökkvi-
liðsstjóri á Húsavík, sagðist ekki
geta svarað þeirri spurningu af
hverju ekki var leitað til Akureyrar
eftir aðstoð. Hans lið hefði verið sent
á staðinn að ósk lögreglunnar á
Húsavík og ferðin tekið um 50 mín-
útur. „Það var allt ónýtt í húsinu
þegar við komum á staðinn en við
náðum að verja bíla og olíutank sem
þarna var. Það tók svo nokkurn tíma
að slökkva í rústunum,“ sagði Jón
Ásberg.
Kristján Snæbjörnsson, varas-
lökkviliðsstjóri í Þingeyjarsveit,
stjórnaði aðgerðum á vettvangi í
Bárðardal á laugardagskvöld. Hann
sagði að þrír tankbílar hefðu verið á
staðnum, auk þess sem leiðsla var
lögð í Skjálfandafljótið, um 500
metra vegalengd. „Það gekk illa
þegar frá leið en vegna þess hversu
mikið frost var á staðnum fraus í
lögninni,“ sagði Kristján.
Erling Þór Júlínusson, slökkvi-
liðsstjóri á Akureyri, sagðist sjálfur
hafa leitt hugann að því af hverju
ekki var leitað til Akureyrar eftir að-
stoð. „Ég er ekki að gagnrýna þá
menn sem þarna stjórnuðu en við
hefðum sent þá menn sem voru á
vakt strax af stað og svo kallað inn
aðra menn á stöðina. Við erum hér
með tvo öfluga tankbíla upp á 17.000
lítra. Ég á eftir að heyra í slökkvi-
liðsstjóranum í Þingeyjarsveit og
ítreka að við erum boðnir og búnir til
aðstoðar hvenær sem er,“ sagði Er-
ling Þór.
Hátt í þrjátíu slökkviliðsmenn komu að brunanum í Bárðardal
Ekki þótti ástæða til að leita
til Slökkviliðs Akureyrar
Morgunblaðið/Kristján
Félagar í björgunarsveitinni Þingey í brunarústunum á Stóruvöllum í Bárðardal.
Akureyrarmót | Akureyrarmótið í skák,
Skákþing Akureyrar, hefst á sunnudag, 1.
febrúar, kl. 14. Skipt verður í flokka eftir
stigum og verða líklega tefldar 7 umferðir
á sunnudögum, þriðjudögum og fimmtu-
dögum. Opnað hefur verið fyrir skráningu
á heimasíðu félagsins, www.skakfelag.is.
Einnig verður hægt að skrá sig á skák-
stað. Teflt er í húsnæði félagsins, Íþrótta-
höllinni.
Jafn réttur karla og kvenna? |
Margrét María Sigurðardóttir, fram-
kvæmdastjóri Jafnréttisstofu, flytur
fyrirlestur á Lögfræðitorgi í dag kl.
16.30 í Þingvallastræti 23 og nefnist
hann Jafn réttur karla og kvenna?
„Jafnrétti kynjanna hefur löngum
verið deiluefni fólks. Þegar lög nr. 96/
2000 um jafna stöðu og jafnan rétt
kvenna og karla voru sett urðu tölu-
verðar breytingar á fyrri löggjöf,“
segir í frétt um fyrirlesturinn. Í er-
indi sínu fjallar Margrét María um
löggjöfina og hvernig hún hefur
þróast, svo og hvernig málaflokk-
urinn er uppbyggður. Hún gerir einn-
ig grein fyrir þeim úrræðum sem lög-
in bjóða upp á. „Lögin eru á margan
hátt sérstök og mjög háð bæði mati
og túlkun og þannig í sífelldri þróun.“
Nokkrir dómar svo og álit kæru-
nefndar jafnréttismála verða reifuð.
  
Íþróttir fatlaðra | Skautafélag
Akureyrar hefur sent erindi til
íþrótta- og tómstundaráðs þar sem
óskað er eftir stuðningi við að fjár-
magna kaup á búnaði fyrir fatlaða í
Skautahöllinni. Íþrótta- og tóm-
stundaráð tók jákvætt í hugmyndir
Skautafélagsins og vísar fjár-
mögnun kaupanna til stjórnar Vetr-
aríþróttamiðstöðvar Íslands.