Morgunblaðið - 27.01.2004, Blaðsíða 56

Morgunblaðið/Garðar Páll
Vilhelm Þorsteinsson EA.
SKIPVERJAR á Vilhelm
Þorsteinssyni EA frystu tæp-
lega 600 tonn af loðnu frá
fimmtudagskvöldi fram á
mánudagsmorgun, eða um
sjö tonn á klukkustund að
meðaltali.
Guðmundur Jónsson skip-
stjóri segir að frystingin hafi
gengið svona vel vegna þess
hversu samstillt áhöfnin er.
„Við vorum vestur af Langa-
nesi og fórum svo inn á Reyð-
arfjörð og frystum. Við stopp-
uðum innan við sólarhring á
miðunum svo mesta vinnan er
að frysta þetta,“ segir Guð-
mundur.
Frystu 600
tonn á fjór-
um sólar-
hringum
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 27. JANÚAR 2004 VERÐ Í LAUSASÖLU 190 KR. MEÐ VSK.
SUNNLENDINGAR hafa veitt því eft-
irtekt, að óvenjumikið hefur sést af fálk-
um í fjórðungnum í vetur. Varp gekk mjög
vel norðanlands í sumar og gerist það
þrátt fyrir rjúpnaþurrð.
Ólafur Karl Nielsen fuglafræðingur,
sem rannsakað hefur fálkann í nær ald-
arfjórðung, segir að tíðarfar fyrir og á
varptíma ráði úrslitum um varpárangur.
Góð tíð var síðla vetrar og vorið 2003 og
komust margir ungar á legg.
Rjúpnaþurrðin gæti líka átt þátt í að
fálkarnir fari frekar á flakk. Fálkarnir
sunnan heiða hafa mest verið ungfuglar,
en þeir flakka víða í leit að æti. Fullorðnu
fuglarnir halda venjulega til á óðali sínu,
nærri hreiðurstaðnum, árið um kring.
Tveir ungir fálkar hafa haldið til í vetur
við Eyrarbakka og kringum Ölfusárós og
hafa þeir stundum sést að leik í vetrarsól-
inni. Annar þeirra tyllti sér á gamalt inn-
siglingarmerki við Eyrarbakkahöfn í lág-
stemmdri vetrarsólinni fyrir skömmu.
Eyrarbakkahöfn eða Einarshöfn var um
aldir ein aðalhöfn landsins.
Morgunblaðið/Jóhann Óli Hilmarsson
Ungur fálki á innsiglingarmerki við Eyr-
arbakkahöfn í vetrarsólinni.
Fjöldi fálka
á Suðurlandi
Eyrarbakki. Morgunblaðið.
NIÐURSTAÐA er komin í rann-
sókn Fjármálaeftirlitsins á miklum
viðskiptum með hlutabréf í Skelj-
ungi 30. júní í fyrra. Fjármálaeft-
irlitið hefur vísað þeim þætti máls-
ins sem snýr að Landsbankanum til
embættis ríkislögreglustjóra, en
engin eftirmál verða varðandi þátt
annarra fyrirtækja í viðskiptunum.
Í tilkynningu frá Landsbankan-
um vegna niðurstöðu Fjármálaeft-
irlitsins segir að málið varði tiltekin
viðskipti með hlutabréf í Skeljungi
sem hafi fyrir gáleysi verið í and-
stöðu við ákvæði laga um verð-
bréfaviðskipti. Bankinn segir atvik-
ið sem um ræðir afleiðingu afar
sérstæðra kringumstæðna sem
sköpuðust í tengslum við viðamikl-
ar breytingar á eignarhaldi Skelj-
ungs hinn 30. júní í fyrra. Þann dag
hafi almennur starfsmaður á verð-
bréfasviði tekið ákvörðun um sölu
bréfa í Skeljungi í samræmi við
daglegar starfsheimildir sínar. Á
sama tíma hafi yfirmaður sviðsins
haft trúnaðarupplýsingar um Skelj-
ung sem hann hafði ekki miðlað til
undirmanna sinna. Fjármálaeftir-
litið telji að skortur á ráðstöfunum
til að koma í veg fyrir að viðskiptin
færu fram við þessar aðstæður hafi
falið í sér gáleysi.
Segja óumdeilt að ekki
hafi verið ásetningur
Landsbankinn segir að lögmenn
innan og utan bankans telji starfs-
menn bankans hafa farið að settum
reglum. Ljóst sé því að uppi séu
mismunandi túlkanir á þessum við-
skiptum og réttarreglum sem að
þeim lúta. Óumdeilt sé þó, að ekki
hafi verið um að ræða ásetning
starfsmanna Landsbankans um að
eiga viðskipti í andstöðu við gild-
andi lög um verðbréfaviðskipti.
Benedikt Jóhannesson, fyrrver-
andi stjórnarformaður Skeljungs,
Burðaráss og Haukþings, segir að
meginniðurstaða Fjármálaeftirlits-
ins sé sú að engin eftirmál verði fyr-
ir þau fyrirtæki sem hann tengdist
vegna fyrrgreindra viðskipta.
Benedikt segist ánægður með
þessa niðurstöðu en hún komi hon-
um ekki á óvart.
Bjarni Ármannsson, forstjóri Ís-
landsbanka, staðfesti í samtali við
Morgunblaðið að bankanum hefði
borist niðurstaða frá Fjármálaeft-
irlitinu varðandi þátt bankans í við-
skiptum með bréf í Skeljungi hinn
30. júní í fyrra. Niðurstöðu Fjár-
málaeftirlitsins sagði Bjarni vera
þá að framkvæmd viðskiptanna hafi
verið í samræmi við ákvæði laga um
verðbréfaviðskipti. Bankinn hefði
engin viðskipti átt fyrir sína hönd
og þau viðskipti sem hann hefði haft
milligöngu um hefðu verið að fullu í
samræmi við reglur.
Einar Sveinsson, framkvæmda-
stjóri Sjóvár-Almennra trygginga,
staðfestir einnig að félaginu hafi
borist bréf þess efnis frá Fjármála-
eftirlitinu að málinu sé lokið og að
engin eftirmál verði. Hann segist
alla tíð hafa haft þá trú að þetta yrði
niðurstaðan af þessari athugun.
Rannsókn Fjármálaeftirlitsins á viðskiptum með Skeljungsbréf lokið
Þætti Landsbankans vís-
að til ríkislögreglustjóra
HJÓLAFÁKURINN er ekki að-
eins nytasamlegur á sumrin.
Hann getur komið að góðum not-
um í þéttbýli yfir vetrarmánuðina
þá fáu daga sem snjórinn og hálk-
an gefast upp í baráttunni við
hlýnandi loftslagið. Maðurinn á
myndinni ákvað þó að stíga af
fáki sínum á meðan hann spjallaði
í stutta stund við kunningja sinn á
Akranesi í gærdag. Akrafjallið í
baksýn minnir óneitanlega á árs-
tímann með snjófönn í hlíðum frá
fjallsrótum upp á topp – 643
metra yfir sjávarmál.
Morgunblaðið/Rax
Stigið af hjólafáki á Skaganum
SÍLDARVINNSLAN í Neskaupstað hefur
kannað möguleikana á því að setja upp fiski-
mjölsverksmiðju á Hjaltlandi í samvinnu við
heimamenn og hugsanlega fleiri aðila. Ætlunin
er að bræða kolmunna í verksmiðjunni en mun
styttra er af miðunum til Hjaltlands en Íslands.
Björgólfur Jóhannsson, framkvæmdastjóri
SVN, segir í samtali við Morgublaðið þessar
þreifingar á frumstigi og allt of snemmt sé að
segja til um hvort verksmiðja verði reist á
Hjaltlandi eða ekki.
Fiskeldisblaðið Fishfarming International
greinir frá þessu í janúarútgáfu sinni og að hug-
myndin sé að flytja verksmiðju í heilu lagi frá
Íslandi. Það segir að fulltrúar Síldarvinnslunn-
ar hafi fundað með fulltrúum stjórnvalda og
þróunarsjóðs eyjanna. Þar
hafi komið fram að um 6
heilsársstöður væru við
verksmiðjuna en auk þess
vinna fyrir 25 manns á vertíð
og að um 100.000 tonn af kol-
munna yrðu unnin á ári.
Leitað hefur verið eftir þátttöku heimamanna
til að taka á sig um helming kostnaðar sem met-
inn er á ríflega 1,2 milljarða króna.
Möguleg staðsetning fyrir verksmiðjuna hef-
ur verið könnuð og kemur helzt til greina lóð í
Dales Voe við Leirvík en þar eiga hafnaryfir-
völd byggingar og bryggju með miklu dýpi.
Blaðið segir að heimamenn geti sér til um að
áhugi Íslendinganna geti stafað af því að gott sé
fyrir þá að ná fótfestu innan Evrópubandalags-
ins, en þannig geti þeir komið til greina, þegar
kolmunnakvóta verði úthlutað í framtíðinni.
Fyrir er ein fiskimjölsverksmiðja á Hjalt-
landi, nánar tiltekið í Bressay. Blaðið ræðir við
framkvæmdastjóra hennar, Helge Korsage,
sem er ekki hrifinn af hugmyndinni og segir
hana ekki ganga upp. „Allir vita að vandamálið í
fiskimjölsiðnaðinum er umframafkastageta,“
segir hann. Þá sé líklegt að verulega verði dreg-
ið úr veiði á kolmunna, þar sem ríflega tveggja
milljóna tonna afli sé allt of mikið. „Auðvitað á
ég hagsmuna að gæta, en eins og aðstæður eru
nú er augljóst, og það getur hver maður séð, að
það eru engar rekstrarlegar forsendur fyrir
annarri verksmiðju hér,“ segir Korsage.
Íhuga að flytja fiskimjöls-
verksmiðju til Hjaltlands
STJÓRNENDUR Landspítala – há-
skólasjúkrahúss (LSH) eru að endur-
skoða ákvörðun um að loka bráðamót-
töku spítalans við Hringbraut um
helgar. Jóhannes Gunnarsson lækn-
ingaforstjóri segir að verið sé að leita
annarra leiða til að hagræða í rekstri
spítalans.
„Það hafa komið fram mjög harðar
ábendingar um alvarleika þessarar
lokunar. Þær ábendingar eru skoðað-
ar til þrautar og reynt að komast að
annarri lausn,“ segir hann og sú lausn
verði þá að hafa minni áhrif á starf-
semi spítalans en ná sama markmiði.
Fyrri ákvörðun um lokun bráðamót-
tökunnar hefur ekki enn verið breytt
eins og hún var kynnt, segir Jóhannes,
en það verði að fá niðurstöðu í málið
fyrir lok vikunnar.
Á bráðamóttöku LSH við Hring-
braut er veitt sérhæfð þjónusta fyrir
hjartasjúklinga og jafnframt er þar
eina hjartaþræðingarstofa landsins
auk hjartaskurðlækninga. Mörg sam-
tök hafa undanfarna daga mótmælt
fyrirhugaðri lokun deildarinnar um
helgar.
„Ef aðrar leiðir eru álitlegri tökum
við það til skoðunar en við höfum mjög
nauman tíma,“ segir Jóhannes.
Lokun bráðamóttöku
LSH endurskoðuð
Annarra
leiða leitað
 Áhyggjur/41