Morgunblaðið - 21.11.2004, Blaðsíða 57

MORGUNBLAÐIÐ SUNNUDAGUR 21. NÓVEMBER 2004 57
TÓNLIST
Íslenskar plötur
Helgi og Hljóðfæraleikararnir –
Meira helvíti

Meira helvíti er tíunda plata Helga og
Hljóðfæraleikaranna. Textar fylgja í um-
slagi, svona að mestu leyti, en aðrar upp-
lýsingar er ekki að finna. Opinber vefsíða
sveitarinnar er vistuð á www.nett.is/
~bobbi/
HELGI og Hljóðfæraleikararnir
eiga merka sögu að baki. Hljóm-
sveitin, sem á ættir að rekja til
Eyjafjarðar, hefur verið starfrækt
í fimmtán ár og plöturnar eru
orðnar tíu. Sveitin er skipuð
bræðrum og frændum sem gera út
frá bænum Kristnesi, þar sem þeir
dufla við hljómlist og brugga rab-
arbaravín auk þess sem þeir
leggja land
undir fór stöku
sinnum og
halda tónleika
sem þykja
jafnan mikil
upplifun. Það
er einkenni-
legur ævintýrablær yfir þessu öllu
saman.
Engu að síður vita furðu fáir af
tilvist sveitarinnar. Vil ég kalla
hana helstu „költ“-sveit landsins,
þar sem hinn tiltölulega fámenni
aðdáendahópur er um leið fádæma
dyggur.
Á Meira helvíti er sveitin í
pönkgír miklum en helst hefur hún
gefið sig að pönkskotinni þjóðlaga-
tónlist í gegnum tíðina. Titillinn
vísar í ákveðið ákall sem á upp-
runa sinn á Húsavík, rokkbæ Ís-
lands, en upp úr 1990 ca var til
siðs að kalla þar á tónleikum:
„Meira pönk! Meira helvíti.“ Þessi
undarlegi siður breiddist svo út
um land allt og við og við má
heyra þessi öskur á sveittum rokk-
samkundum.
Lögin eru alls fjórtán en heild-
artími plötunnar nær þó ekki hálf-
tíma. Svona á þetta að vera! Þau
eru í þessum Ramones/Fræbbbla-
stuðgír, flest öll haglega saman
sett og rokka barasta feitt. Það að
Helgi og hans lið séu að fást við
þetta form gefur lögunum svo
skemmtilegt blæbrigði. Helgi
sjálfur, söngvarinn, hljómar t.d.
eins og settlegur fornfræðingur
sem orðinn er vitskertur. Textarn-
ir eru fyndnir og skemmtilegir,
eru pólitískir, galgopalegir og
meinhæðnir.
Umslagið er einkar „frumstætt“
og föndurslegt, ljósritað og nafn
sveitarinnar skribblað á. Fyrsta
lagið heitir „Höfum hátt“ en er
skrifað sem „Höfu hátt“ aftan við.
Maður er nánast ekki viss hvort
handvömmin sé viljandi eður ei.
A.m.k. eykur þetta bara á dulúðina
í kringum sveitina. Hvert er hún
að fara með þessu?
Eina umkvörtunin er að þó að
hljómur plötunnar hæfi viðfangs-
efninu, en hann er hrár og skít-
ugur, þá er hann í sumum tilfellum
einfaldlega aðeins of hrár og skít-
ugur. Að öðru leyti er ég verulega
sáttur og eins og forsöngvarinn
hefur haft á orði er hér á ferðinni
heimilisleg brjálsemi af bestu sort.
Arnar Eggert Thoroddsen
Skál fyrir
deginum!
ÞEGAR þrír meðlimir hinnar
geysivinsælu sveitar Destiny’s
Child hófu að vinna að einkaverk-
efnum í tónlist og kvikmyndum
höfðu aðdáendur áhyggjur af því
að tríóið leystist upp. Sú varð ekki
raunin eins og platan Destiny Ful-
filled, sem kom út í vikunni sannar.
„Efst í forgangsröðinni er Dest-
iny’s Child,“ sagði Kelly Rowland,
sem skipar sveitina ásamt Michelle
Williams og Beyoncé Knowles.
Kelly var með toppsmellinn „Dil-
emma“ ásamt rapparanum Nelly
og lék í hryllingsmyndinni Freddie
Vs. Jason. „Ég held að við komum
með ýmislegt inn í Destiny’s Child
af því sem við höfum verið að gera
hver í sínu lagi og það gerir okkur
betri saman,“ sagði hún en þetta
er fyrsta plata sveitarinnar í þrjú
ár.
Ef einhver hefði verið líklegur til
að draga sig í hlé frá hljómsveit-
inni þá er það Beyoncé en fyrsta
sólóplata hennar, Dangerously in
Love, hefur selst í margfaldri plat-
ínusölu. Til viðbótar hefur hún
leikið í myndunum Austin Powers
in Goldmember og The Fighting
Temptations.
Beyoncé var meðstjórnandi á
upptökum á mörgum af lögunum á
Destiny Fulfilled. Hún segist vera
staðráðin í að standa með Dest-
iny’s Child og deilir þeirri skoðun
Kelly að þær séu sterkari samein-
aðar.
„Við höfum allar lært svo mikið
um okkur sjálfar og hvað við get-
um gert. Við höfum allar þroskast
svo mikið að ég get varla lýst því.
En ég á sama tíma er ég búin að
vera í sveitinni síðan ég var níu
ára. Þetta eru systur mínar og ég
elska þær. Það er ekkert sem
neinn getur gert í því, svona er
þetta og á alltaf eftir að vera
svona,“ sagði Beyoncé, sem virðist
ekki á leiðinni að hætta.
Sameinaðar
standa þær
Tónlist | Destiny’s Child snýr aftur með nýja plötu
Reuters
Örlagasysturnar Michelle Williams, Kelly Rowland og Beyoncé Knowles
hafa farið víða að kynna nýju plötuna. Hér eru þær að taka lagið í morg-
unþætti ABC, Good Morning America, í vikunni.