Morgunblaðið - 21.11.2004, Blaðsíða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 21. NÓVEMBER 2004 VERÐ Í LAUSASÖLU 350 KR. MEÐ VSK.
Heilsukoddar
Heilsunnar vegna
UM 40 kindur brunnu inni þegar
eldur kviknaði í hlöðu á bænum
Hrútatungu í Hrútafirði á föstu-
dagskvöldið. Hjónin Sigrún Sigur-
jónsdóttir og Gunnar Sæmundsson
búa í Hrútatungu með rúmlega 400
fjár og voru um 100 fjár í bygging-
unni sem brann. Tókst bóndanum og
nágrönnum sem komu til hjálpar
með snarræði að bjarga fjölda fjár
út úr brennandi byggingunni.
Að sögn Sigrúnar fundu Gunnar
og annar maður sem aðstoðaði við að
ná fé út úr húsunum fyrir óþægind-
um í hálsi og voru þeir á sjúkrahúsi í
fyrrinótt vegna gruns um reykeitr-
un. Þeir fengu að fara heim í gær að
lokinni skoðun. Talið er að eldurinn
hafi kviknað út frá dráttarvél sem
var inni í hlöðunni. Hlaðan er áföst
stóru fjárhúsi og tókst að bjarga öllu
fé sem þar var inni og koma í veg
fyrir að eldur bærist í fjárhúsið.
Tókst að bjarga fjárhúsunum
„Hlaðan sem brann var að hálfu
notuð sem fjárhús,“ segir Sigrún.
„Það hefur sennilega kviknað í
dráttarvélinni. Hún var sett þarna
inn vegna þess að það var svo kalt.
Húsbóndinn, sem var einn heima,
var búinn að gefa klukkan sex en
hann varð var við eldinn um hálfátta.
Þá dreif mjög fljótt að nágranna og
slökkviliðið á Borðeyri sem kom
fyrst. Það bjargaðist sem bjargað
varð en það hefur áreiðanlega staðið
tæpt að bjarga fjárhúsunum en það
tókst. Slökkvilið kom einnig í tæka
tíð frá Hvammstanga og Búðardal.“
Ljóst er að mikið tjón hefur orðið í
brunanum. Að sögn Sigrúnar er
þakið á hlöðunni ónýtt og innrétt-
ingar að einhverju leyti líka.
,,Það er alltaf mikið tjón þegar
svona á sér stað og það er auðvitað
andstyggilegt þegar skepnur far-
ast,“ segir Sigrún.
Sigrún segir að slökkvistörf hafi
gengið vel og var búið að ráða nið-
urlögum eldsins um kl. hálfeitt í
fyrrinótt. Voru menn á vakt við hlöð-
una í fyrrinótt og bar enn á glóð í
sperrum í gærmorgun. Sigrún segir
að það hafi verið lán í óláni að veður
var stillt meðan á björgunaraðgerð-
um stóð og engin ófærð þegar þetta
gerðist. Hins vegar var mikið frost
eða allt að 18 gráður.
Útveggir hússins eru steyptir og
gerir Sigrún ráð fyrir að reynt verði
að setja nýtt þak á bygginguna.
Misstu um 40
kindur í hlöðu-
brunanum
Bóndinn og annar maður á sjúkra-
hús vegna gruns um reykeitrun
Morgunblaðið/Karl Sigurgeirsson
Bjarki Haraldsson, slökkviliðsstjóri á Hvammstanga, við dráttarvélina
sem brann í hlöðunni að Hrútatungu, en hún er talin brunavaldur.
Miklar skemmdir urðu í brunanum og um 40 kindur brunnu inni.
ÞESSI silkitoppur á Húsavík bar
sig nokkuð vel í kuldanum en
sjaldan hefur sést jafnmikið af
silkitoppi hér á landi og í vetur.
Heimkynni hans eru einkum í
barrskógum Skandinavíu enda
lifir hann að mestu á berjum.
Silkitoppurinn er sólginn í epli en
lítið þýðir að gefa honum hefð-
bundið fuglakorn. Hann hefur
aldrei verpt hér á landi svo vitað
sé en hefur komið hingað í
hundraðatali í vetur og sést víða
um landið. Þannig sáust til að
mynda um 60 fuglar á Akureyri í
fyrradag, að sögn Jóhanns Óla
Hilmarssonar, fuglafræðings og
ljósmyndara.
Jóhann Óli segir menn tengja
ferðir silkitoppsins hingað því að
óvenjugóð skilyrði hafi verið fyr-
ir hann á heimaslóðum í vor og
að lítið hafi verið orðið um fæðu
fyrir hann þar og hann því leitað
til Íslands. Raunar óvenju
snemma því vanalega komi silki-
toppurinn hingað seint að vetr-
inum. Jóhann Óli segir silkitopp-
inn leita uppi skóglendi eða
svæði með trjágróðri eins og
gróna garða og hreki þá oft
þrestina á brott enda nokkuð
heimaríkur.
Jóhann Óli segir ekki ástæðu
til að óttast um afrdrif fugla í því
kuldakasti sem gengið hefur yfir
landið. Að vísu fari mikil orka í
það hjá fuglunum að halda á sér
hita en þetta séu aðeins nokkrir
dagar og fuglinn eigi vel að þola
þá en hins vegar reynist um-
hleypingar fuglunum oft erfiðari.
Mikið af silkitoppi
Ljósmynd/Sigurður Ægisson
SIGRÍÐUR Ásdís Snævarr var skipuð
sendiherra fyrst kvenna árið 1991 og hefur
starfað í utanríkisþjónustunni í rúman ald-
arfjórðung. Hún segir í
viðtali við Helgu Krist-
ínu Einarsdóttur í Tíma-
riti Morgunblaðsins að
eitt minnisstæðasta at-
vikið frá fyrstu árum
sínum sem sendiherra,
sé afhending trún-
aðarbréfs í Eistlandi og
Lettlandi. „Mig hafði
aldrei órað fyrir því að fá
tækifæri til þess að
leggja hönd á plóginn í
upphafi diplómatískra samskipta Íslands
við Eystrasaltslöndin, þegar við Petrína
Bachmann, samstarfskona mín í sendiráði
Íslands í Moskvu, fórum í helgarferðir til
landanna vorið 1981,“ segir hún.
Sigríður Ásdís skrifaði jafnframt í dag-
bók í Tallinn: „Ég sé hér í anda Sovét-
Ísland óskalandið. Í Moskvu er ég vön að
standa utan við allt, vera meira áberandi út-
lendingur en nokkurs staðar þar sem ég hef
áður verið, en hér er ég stöðvuð á götu og
spurð til vegar eða um tímann, tekin fyrir
Sovétborgara, tilhugsunin er ógnvekjandi.“
Annað minnisstætt atvik varðar síðan af-
hendingu trúnaðarbréfsins í Lettlandi og
ökuferð yfir landamærin við Eistland um
miðja nótt með laumufarþega sem falinn
var undir teppi. „Í dag er samkennd okkar
með Eystrasaltsríkjunum enn mjög rík og
frændgarðurinn er alltaf að stækka, þar
sem þau skipa sér æ meira á bekk meðal
Norðurlandanna,“ segir hún.
Sigríður er nýkomin heim frá París, þar
sem hún hefur verið sendiherra síðastliðin
fimm ár og fer bráðlega að kynna og und-
irbúa framboð Íslands til setu í öryggisráði
Sameinuðu þjóðanna.
Tekin fyrir
Sovétborgara
í Tallinn
Sigríður Ásdís
Snævarr
Tímarit
„ÉG HELD að það væri gaman. Eddu-
kvæðin gætu verið góður efniviður í sögu-
legan dans,“ segir Robby Barnett, einn af
stofnendum hins heimsfræga dansflokks
Pilobolus, í viðtali við Morgunblaðið en
Pilobolus heldur
danssýningu hér
á landi í mars á
næsta ári.
Barnett stofn-
aði Pilobolus
ásamt skóla-
félögum sínum
fyrir 35 árum og
síðan þá hefur
dansflokkurinn
vakið sívaxandi
athygli í Banda-
ríkjunum og víð-
ar um heim, fyr-
ir sérstæðar danssýningar og ótrúlega
fimi dansaranna.
Barnett hefur komið til Íslands og seg-
ist hafa mikinn áhuga á að búa til dans
fyrir Pilobolus sem byggist á Eddukvæð-
unum.
„Pilobolus gerir bæði dansa sem byggj-
ast á orku og hreyfingu og söguleg verk,
sem byggjast á því hvernig hreyfingar
geta þjónað sögunni. Eddukvæðin gætu
verið góður efniviður.“
Vill semja
dans upp úr
Eddukvæðum
Vanþekking/58
Robby Barnett
stofnandi Pilobolus
GPG Norge, dótturfélag GPG fisk-
verkunar ehf. á Húsavík, á þessa
dagana í viðræðum um kaup á
norska sjávarútvegsfyrirtækinu
Mackzymal. Frá þessu var greint á
norskum vefmiðlum í gær. Þar kem-
ur einnig fram að fyrirtæki stórút-
gerðarmannsins Kjell Inge Røkke,
Norway Seafoods, standi að kaupun-
um með GPG.
Mackzymal er þriðja stærsta sjáv-
arútvegsfyrirtækið í Noregi og er í
eigu norska bjórframleiðandans
Mack Bryggeri. Mackzymal var
stofnað fyrir aðeins þremur árum en
á í dag í miklum rekstrarerfiðleikum.
Hefur fyrirtækið verið til sölu í tals-
verðan tíma en Mack Bryggeri hefur
tapað verulegum fjármunum á
rekstrinum. Skip félagsins stunda að
mestu bolfiskveiðar og hefur yfir að
ráða umtalsverðum veiðiheimildum.
Einnig stundar fyrirtækið vinnslu á
ferskum fiski og gerir út rækjuskip.
Á í viðræðum við Mack
Margir stórir aðilar í norskum
sjávarútvegi renna hýru auga til fé-
lagsins en Jón Þórðarson, fram-
kvæmdastjóri GPG Norge, staðfesti
við norska blaðið Dagens Næringsliv
að félagið ætti í viðræðum við Mack
Bryggeri en vildi ekki tjá sig um
málið að öðru leyti. Gunnlaugur Karl
Hreinsson, framkvæmdastjóri GPG
Fiskverkunar, vildi heldur ekki tjá
sig um málið.
GPG Norge var stofnað í kjölfar
kaupa GPG fiskverkunar ehf. á yfir
40% hlut í norska saltfiskrisanum
Vanna, sem á og rekur fimm saltfisk-
vinnslur og eina þurrkverksmiðju í
Norður-Noregi.
GPG í
slagtogi
við Røkke?
♦♦♦