Morgunblaðið - 24.11.2005, Side 4

4 FIMMTUDAGUR 24. NÓVEMBER 2005 MORGUNBLAÐIÐ
FRÉTTIR
Bókin geymir þúsund hagnýtar
skýringar sem hjálpa þér að afhjúpa
og skilja dulin tákn og merkingu
drauma. Einnig er greint frá því
hvernig draumar geta hjálpað þér
að túlka líf þitt.
www.jpv.is
Afhjúpaðu dulin tákn
og merkingu drauma
Bókin geymir líka
merkingu lita,
alls konar hluta
og fyrirbæra
og hvernig þú getur
séð ástarsamband
fyrir.
BÓKIN ER TÆPAR 500 MYNDSKREYTTAR BLAÐSÍÐUR
KARLMAÐUR sem réðst að fyrrv. sambýliskonu
sinni og barði hana ítrekað í höfuðið með felgulykli
var í gær dæmdur í 5½ árs fangelsi í héraðsdómi
fyrir tilraun til manndráps. Við árásina opnuðust
skurðir á höfði konunnar sem náðu niður að höf-
uðkúpu og taldi læknir að hún væri „sérstaklega
lánsöm“ að vera enn á lífi.
Árásarmaðurinn, Lárus Már Hermannsson, hef-
ur setið í gæsluvarðhaldi frá því árásin var framin.
Hann og konan bjuggu saman í um 12 ár en þegar
árásin var framin að morgni sunnudagsins 28. ágúst
sl. voru um tvö ár liðin frá því þau slitu samvistum.
Fram kemur í dómnum að hann sætti sig aldrei við
sambúðarslitin og afbrýðisemi, sem var mikil með-
an á sambúðinni stóð, ágerðist mjög þegar upp úr
henni slitnaði. Við geðrannsókn kom fram að mað-
urinn hafði lengi misnotað áfengi og verkjalyf, hann
lagðist endurtekið í þunglyndi sem jafnan tengdist
áfengisneyslu. Geðlæknir taldi hann samt sem áður
sakhæfan.
Frá miðnætti og þar til hann framdi árásina laust
fyrir klukkan níu, fylgdist maðurinn með húsi kon-
unnar á Akranesi þar sem hann hafði haft spurnir af
því að hún hefði farið út að skemmta sér um kvöldið.
Kvaðst hann hafa „frosið“ þegar konan gekk upp
götuna um nóttina í fylgd karlmanns og síðan kom-
ist í mikið uppnám.
Konan bar fyrir dómi að hún hefði verið að
skemmta sér að kvöldi laugardagsins 27. ágúst og
verið í heimahúsi. Hún var inni á baðherbergi og
hún sneri baki í hurðina þegar hún fékk fyrsta
höggið á höfuðið. Síðan var hún barin aftur og aftur,
bæði í höfuðið og í handlegg þegar hún reyndi að
verja sig. Konan öskraði, sneri sér við og sá þá að
það var fyrrverandi sambýlismaður hennar sem var
að ráðast á hana. Hún reyndi að opna baðherberg-
ishurðina en hann kom í veg fyrir að hún kæmist út.
Fipaðist þegar konan öskraði á hjálp
Hún öskraði aftur á hjálp og eitthvað virtist sem
manninum fipaðist við það og hann sagði henni að
vekja ekki börnin. Kvaðst konan hafa vitað að hún
væri að berjast fyrir lífi sínu, hún náði að bíta mann-
inn í hönd eða handlegg og í kjölfarið tókst henni að
komast út og upp í herbergi dóttur sinnar á 2. hæð
hússins. Dóttir hennar hringdi á Neyðarlínuna en
þegar lögregla kom á staðinn var maðurinn á bak og
burt. Konan hlaut fjóra skurði á höfði, þar af voru
sumir stórir, auk ýmissa annarra áverka.
Maðurinn neitaði að hafa ætlað að bana konunni
en sagðist lítið muna eftir atburðum.
Fyrir dómi greindi konan frá því að maðurinn
hefði áður ráðist á hana. Eftir eina árásina hafi hún
farið til lögreglu og ætlað að kæra. Eftir athugun
hafi hún komist að raun um að hann yrði ekki
dæmdur í fangelsi og því treysti hún sér ekki til að
halda málinu til streitu. Þá hafi hann beðið hana um
að draga kæruna til baka og hún orðið við því.
Nokkrum sinnum í viðbót hafi hann lagt hendur á
hana, tvisvar hafi hún leitað til heilsugæslunnar og
einu sinni hafi lögregla komið henni til hjálpar. Í
maí 2005 hafi hún gert kröfu um nálgunarbann en
ekki kemur fram hvort slíkt bann var lagt á.
Héraðsdómur Vesturlands taldi að í ljósi atvika
yrði ekki við annað miðað en að maðurinn hafi ásett
sér að bana konunni þegar hann fór inn í hús hennar
og að tilviljun hafi ráðið því að honum tókst ekki
ætlunarverk sitt. Auk fangelsisrefsingar var Lárus
Már Hermannsson dæmdur til að greiða konunni
700.000 krónur í skaðabætur.
Símon Sigvaldason kvað upp dóminn. Helgi
Magnús Gunnarsson, saksóknari hjá ríkissaksókn-
ara, sótti málið. Ingi Tryggvason hdl. var til varnar.
Ása Ólafsdóttir hdl. var réttargæslumaður konunn-
ar.
Dæmdur í 5½ árs fangelsi
fyrir tilraun til manndráps
Eftir Rúnar Pálmason
runarp@mbl.is
KRAKKARNIR í 2. bekk í Hlíða-
skóla eru byrjuð að læra spænsku.
„Þau læra eitt orð eða setningu á
dag. Við erum búin að fara yfir það
hvernig maður heilsar og kveður,
síðan höfum við farið í litina auk
þess að læra að telja. Fram undan er
að m.a. læra orðaforða sem tengist
hlutum sem finna má í kennslustof-
unni, s.s. húsgögn. Einnig munum
við læra ýmis dýraheiti og orð tengd
mat og fötum svo eitthvað sé nefnt,“
segir Guðný H. Sigurðardóttir, um-
sjónarkennari 2 GHS í Hlíðaskóla.
Að sögn Guðnýjar er spænsku-
kennslan þannig til komin að Hlíða-
skóli er þátttakandi í fjölþjóðlegu
samverkefni sjö skóla í Evrópu. Seg-
ir hún að krakkarnir í öðrum bekkj-
um Hlíðaskóla muni skrifast á við lít-
inn barnaskóla á Norður-Spáni.
„Þannig að okkur datt í hug að læra
svolítið í spænsku af þessu tilefni,“
segir Guðný og tekur fram að verk-
efnið sé hugsað til næstu þriggja
ára, en hugmyndin er að íslensku
krakkarnir haldi áfram að læra
spænsku á þeim tíma. Sjálf segist
Guðný ekki tala spænsku, en við
kennsluna nýtur hún aðstoðar Helgu
Snæbjörnsdóttur, sem kennir
spænsku í vali í 10. bekk í Hlíða-
skóla. „Krökkunum finnst ótrúlega
spennandi að læra spænskuna og
eru mjög áhugasöm um námið. Fyrr
í vikunni var svo mikið að gera hjá
okkur einn daginn að við náðum
ekki að fara yfir nýtt efni í spænsk-
unni, en krakkarnir voru ekki sein
að minna á þá staðreynd daginn eft-
ir og rukka mig um ný orð,“ segir
Guðný.
Áhugasöm um
spænskunámið
Morgunblaðið/Þorkell
„Krökkunum finnst ótrúlega spennandi að læra spænskuna og eru mjög áhugasöm um námið,“ segir Guðný H.
Sigurðardóttir umsjónarkennari um nemendurna í 2. GHS í Hlíðaskóla.
SKOSKIR jarðvinnuverktakar
urðu þess valdandi að netteng-
ing Íslands við umheiminn var í
lamasessi frá hádegi og fram
eftir degi í gær. Verktakarnir
grófu í sundur Farice-strenginn
þar sem hann liggur meðfram
þjóðvegi í Skotlandi og var öll
netumferð flutt um Cantat 3-
strenginn á meðan viðgerð stóð
yfir.
Strengurinn rofnaði um kl.
11.30 í gær, og tók viðgerð tæp-
lega fimm klukkustundir. Þetta
er í 15. skiptið á árinu sem sam-
band um strenginn rofnar, og
oftar en ekki vegna vinnu verk-
taka á Skotlandi, segir Guð-
mundur Gunnarsson, fram-
kvæmdastjóri Farice. Cantat
3-strengurinn annar hvergi
nærri þeirri umferð sem fer um
Farice-strenginn, og því var
netsamband við útlönd í lama-
sessi í gær.
Gerðar hafa verið athuga-
semdir við að strengurinn sé
ekki nægilega vel merktur inn á
kort sem verktakar notast við,
en hann liggur um 800 km leið á
landi í Skotlandi. Guðmundur
segir að þó verið sé að bæta úr
því um þessar mundir hafi það
ekki stoðað í gær.
Guðmundur segir lausn á
þessu tíða vandamáli í sjónmáli,
leggja eigi annan streng land-
leiðina á Skotlandi sem eigi að
koma í veg fyrir að hægt sé að
stöðva flutning eftir strengnum
með mistökum á borð við þau
sem gerð voru í gær. Hann seg-
ir að stefnt sé að því að nýi
strengurinn verði kominn í
gagnið í febrúar á næsta ári, en
þangað til sé ekki útilokað að
fleiri atvik á borð við það sem
varð í gær geti orðið.
Guðmundur segir að skoskur
eigandi strengsins, fyrirtækið
Thus plc., sé skaðabótaskylt
þegar svona fari, og sé Farice
gefinn ákveðinn afsláttur af
greiðslum fyrir hvert atvik sem
verði.
Farice-strengurinn rofinn á
Skotlandi í 15. skiptið á árinu
Netsamband við
útlönd í lamasessi
ELDUR kom upp á þaki lyfjafyr-
irtækisins Actavis við Reykjavík-
urveg í Hafnarfirði klukkan 13.15
í gær. Samkvæmt upplýsingum frá
Slökkviliði höfuðborgarsvæðisins
(SHS) voru iðnaðarmenn að vinna
við að bræða þakpappa á þaki
hússins og virðist sem neisti hafi
kveikt í pappanum.
Eldurinn var minni háttar, á um
tveggja fermetra svæði, og var
hann slökktur með hand-
slökkvitæki.
Um 15 mínútur tók að slökkva
eldinn. Ekki þurfti að rýma húsið
og var enginn í hættu, að sögn
SHS.
Eldur hjá
Actavis
LÍÐAN annars drengjanna sem
brenndust þegar þeir voru að með-
höndla eldfiman vökva og eld í
Naustabryggju í Grafarvogi á
mánudag er enn óbreytt. Hann
liggur í öndunarvél á gjörgæslu-
deild Landspítalans. Hinn dreng-
urinn er kominn á barnadeild Land-
spítalans eftir stutta viðveru á
gjörgæsludeild.
Slysið er í rannsókn hjá lögregl-
unni í Reykjavík
Óbreytt líðan