Morgunblaðið - 24.11.2005, Síða 20

20 FIMMTUDAGUR 24. NÓVEMBER 2005 MORGUNBLAÐIÐ
MINNSTAÐUR
HÖFUÐBORGARSVÆÐIÐ
AUSTURLAND
Reykjavík | Eldsneytisflutningar
um Reykjavík hafa aukist mjög und-
anfarna mánuði. Munar þar mikið
um 20-30% fjölgun ferða með dísil-
olíu eftir að henni var skipt í litaða og
ólitaða. Ekki er um magnaukningu
að ræða, en hver olíubíll þarf að fara
lengri ferð en áður þar sem nú er um
tvær tegundir olíu að ræða og einn
olíubíll flytur einungis eina tegund af
olíu. Ennfremur hefur ferðum Olíu-
dreifingar hf. með þotueldsneyti
fjölgað um 20% frá því að olíubirgða-
stöðin í Hfj. var lögð niður.
Þetta kemur fram í svari Lúðvíks
E. Gústafssonar, deildarstjóra
mengunarvarna á umhverfissviði
Reykjavíkurborgar, við fyrirspurn
borgarfulltrúa D-lista á fundi um-
hverfisnefndar hinn 31. október sl.
Telja borgarfulltrúar Sjálfstæðis-
flokks að æskilegt hefði verið að um-
hverfisráð Reykjavíkurborgar hefði
verið upplýst um slíka aukningu áð-
ur en hún átti sér stað.
Í kjölfar ábendinga frá íbúum í
Vesturbænum um aukna eldsneytis-
flutninga um hverfið óskuðu fulltrú-
ar D-lista eftir upplýsingum um það
hvort ábendingarnar væru á rökum
reistar. Sjálfstæðismenn hafa óskað
eftir því að upplýsingar um sjálfa
magnaukninguna og fjölda bifreiða
verði lagðar fram á næsta fundi um-
hverfisráðs. Þá óska sjálfstæðis-
menn eftir upplýsingum um hvort
viðbragðsáætlun sé fyrir hendi
vegna slysahættu af völdum slíkra
flutninga.
Lúðvík E. Gústafsson segir um-
hverfissviði ekki hafa borist neinar
kvartanir eða ábendingar vegna
þessara eldsneytisflutninga, en telur
að athuga beri hvort og hvernig
hægt sé að minnka þessa flutninga.
Telur Lúðvík þarft að athuga hvort
Reykjavíkurborg vilji beita sér fyrir
því að meginbirgðastöð fyrir þotu-
eldsneyti verði sem næst þeim stað
þar sem notkunin er mest. Þetta
myndi minnka flutninga í gegnum
þéttbýli og draga úr útblæstri loft-
mengunarefna þar sem flutnings-
leiðir styttast.
Í tillögu sem Kjartan Magnússon
borgarfulltrúi lagði fram á fundi um-
hverfisráðs á þriðjudag er lagt til að
Reykjavíkurborg efni til viðræðna
við olíufélögin með það að leiðarljósi
að tryggja fyllsta öryggi í umrædd-
um eldsneytisflutningum. Tekur
Kjartan undir ábendingu Lúðvíks að
kannað verði í góðu samráði við olíu-
félögin hvort unnt sé að minnka
þessa flutninga og koma því við að
meginbirgðastöð fyrir þotueldsneyti
verði sem næst þeim stað, þar sem
notkunin er mest.
Sjálfstæðismenn í umhverfisráði Reykjavíkurborgar
Vilja minnka eldsneytis-
flutninga innan borgarinnar
Morgunblaðið/Arnaldur
Mengun Ferðum með dísilolíu hefur fjölgað til muna eftir að henni var skipt
í litaða og ólitaða dísilolíu. Þá hefur fjölgað ferðum með þotueldsneyti.
Reyðarfjörður | Samtals eru
nú yfir 1200 manns að vinna að
Fjarðaálsverkefninu, þegar tal-
inn er með fjöldi starfsmanna
Bechtel/HRV og undirverktaka
í Fjarðabyggð og í Montreal,
Kanada. Fjöldi starfsmanna á
framkvæmdasvæðinu er nú um
980. Á skrifstofum Fjarðaáls-
verkefnisins í Montreal vinna
um 240 manns, aðallega við
verkfræði- og hönnunarvinnu
en einnig við öflun aðfanga,
bókhald og aðra þjónustu. Um
130 manns vinna á skrifstofum
á byggingarsvæðinu sjálfu við
ýmiss konar þjónustu við fram-
kvæmdirnar. Um 620 iðnaðar-
og verkamenn eru í vinnu hjá
Bechtel/HRV sem vinna beint
við framkvæmdirnar sjálfar. Þá
eru ótaldir um 230 sem eru í
vinnu hjá hinum ýmsu undir-
verktökum á svæðinu. Hlutfall
Íslendinga sem vinna við fram-
kvæmdirnar er 31%.
830 íbúar í FTV þorpinu
Flestir starfsmenn sem
vinna á svæðinu búa í starfs-
mannaþorpinu, Fjardaal Team
Village, á Haga. Þorpið hefur
aðstöðu fyrir 1520 manns en
þar búa nú um 830.
Nýverið komu 44 nýir starfs-
menn frá Póllandi og mun nú
hægjast á ráðningum fram yfir
jól, en þær hefjast aftur í jan-
úar. Búist er við að starfsmenn
á framkvæmdasvæðinu verði
samtals um 1600 þegar mestu
framkvæmdirnar verða í gangi,
um miðbik næsta árs.
1.200
manns
vinna að
Fjarðaáls-
verkefninu
Reykjavík | Mál-
þing um miðborg
verður haldið í
fyrsta sinn í
Tjarnarsal Ráð-
húss Reykjavíkur
í dag kl. 15–18.
Á málþinginu,
sem er sam-
starfsverkefni
Höfuðborg-
arstofu, Þróun-
arfélags mið-
borgar og
skrifstofu borg-
arstjóra, verður m.a. fjallað um
ímynd borgarinnar og ferða-
mannaverslun.
Meginerindi málþingsins verða
í höndum þeirra Massimos Sant-
anicchia, arkitekts og sérfræð-
ings í borgarhönnun, og Ingi-
bjargar Ingvadóttur, lektors við
lagadeild Viðskiptaháskólans á
Bifröst. Erindi Santanicchia ber
yfirskriftina „Fjárfest í fegurð“,
en þar fjallar hann um áhrif stór-
hýsa og ímyndarbreytingar á út-
liti borga. Á eftir erindi Sant-
anicchia verða pallborðsumræður
þar sem þau Salvör Jónsdóttir,
skipulagsfræðingur hjá skipulags-
og byggingarsviði Reykjavík-
urborgar, og Sigurður Einarsson,
arkitekt hjá Batteríinu ehf., arki-
tektum, sitja fyrir svörum.
Erindi Ingibjargar fjallar um
ferðamannaverslun og endur-
greiðslu virðisaukaskatts. Að er-
indi hennar loknu sitja ásamt
henni þeir Jónas Hagan frá Ice-
land Refund og Hallgrímur Tóm-
as Ragnarsson frá Global Refund
í pallborði.
Að málþinginu loknu verða af-
hentar tvær viðurkenningar. Ann-
ars vegar viðurkenning Þróun-
arfélags miðborgarinnar fyrir
framlag til þróunar og uppbygg-
ingar í miðborg Reykjavíkur og
Njarðarskjöldurinn – ferða-
mannaverslun ársins, hvatning-
arverðlaun Reykjavíkurborgar og
Íslenskrar verslunar, en Njarð-
arskjöldurinn er kenndur við goð-
ið Njörð, sem upphaflega var
frjósemisguð en síðar guð sæfar-
enda og sagður fésæll mjög. Sæ-
farendur þess tíma stunduðu
gjarnan kaupskap og því er við
hæfi að kenna árleg hvatning-
arverðlaun til ferðamannaversl-
unar við guð siglinga og við-
skipta. Við tilnefningu
ferðamannaverslunar ársins er
leitast við að verðlauna verslun
sem hefur náð góðum árangri í
sölu- og markaðsstarfi til er-
lendra ferðamanna, sýnt frum-
kvæði og frumleika, veitir góða
þjónustu og hefur á að skipa af-
greiðslufólki sem býr yfir þjón-
ustulund, góðri tungumálakunn-
áttu og þekkingu á söluvörunum.
Auk þess er lagt mat á útlit versl-
unarinnar, lýsingu, merkingar og
aðkomu.
Aðgangur að málþinginu er
ókeypis og allir velkomnir.
Málþing um miðborgina
Morgunblaðið/Sverrir
Reyðarfjörður | Á dögunum hitt-
ust konur úr Sjálfstæðisfélögunum
á Austurlandi á Gistiheimilinu á
Egilsstöðum. Tilgangurinn var
stofnun Sjálfstæðiskvennafélags á
Austurlandi. Fékk það nafnið Auð-
ur og varnarþing þess verður á
Fljótsdalshéraði. Gestir á fundin-
um voru stjórnarfólk Kjördæmis-
ráðs NorðAusturkjördæmis. Rúm-
lega 40 konur gengu í félagið,
formaður var kosin Ólöf Nordal á
Egilsstöðum og með henni fjórar
konur í aðalstjórn og þrjár í vara-
stjórn. Stjórnin hefur haldið fyrsta
fund og skipt með sér verkum.
Varaformaður er Jóhanna Hall-
grímsdóttir, Reyðarfirði, ritari
Kristín Ágústsdóttir, Norðfirði,
gjaldkeri Eva Dís Pálmadóttir,
Egilsstöðum, og meðstjórnandi
Ásta Sigurðardóttir, Skriðdal.
Í varastjórn eru Katrín Reyn-
isdóttir, Seyðisfirði, Maríanna Jó-
hannsdóttir, Fellabæ, og Hallfríð-
ur Bjarnadóttir, Reyðarfirði.
Markmið félagsins er m.a. að
efla tengsl, samstarf og samstöðu
sjálfstæðiskvenna á Austurlandi.
Fyrsti félagsfundur verður haldinn
í byrjun desember en áætlað er að
fundir verði sem víðast á Austur-
landi.
Morgunblaðið/Hallfríður Bjarnadóttir
Sjálfstæðiskonur sameinast Frá stofnfundi Auðar, félags sjálfstæðiskvenna á Austurlandi.
Sjálfstæðiskonur eystra stofna Auði
Neskaupstaður | Nýlega lét Krist-
ín Guttormsson af störfum sem
læknir við Fjórðungssjúkrahúsið í
Neskaupstað. Kristín hefur starf-
að við sjúkrahúsið í samfellt fjör-
tíu og tvö ár, en hún hóf störf við
það árið 1963, þá nýkomin til
landsins frá Þýskalandi með eig-
inmanni sínum Hjörleifi Gutt-
ormssyni.
Við starfslok Kristínar bauð
Heilbrigðisstofnun Austurlands og
bæjarsjóður Fjarðabyggðar til
kveðjuhófs í Egilsbúð þar sem
Kristínu voru færðar góðar gjafir,
margir tóku til máls og þökkuðu
henni góð og farsæl störf í þágu
heilbrigðisþjónustu á Austurlandi.
Morgunblaðið/Ágúst Blöndal
Farsæl starfslok Kristín Guttormsson lætur af starfi við Fjórðungssjúkra-
húsið í Neskaupstað. Kristín ásamt manni sínum Hjörleifi Guttormssyni.
Hættir eftir
42 farsæl ár
Samningur vegna aldraðra | Á
dögunum var undirritaður samn-
ingur á milli sveitarfélaganna
Fljótsdalshéraðs, Fljótsdalshrepps
og Borgarfjarðarhrepps annars
vegar, og Heilbrigðisstofnunar
Austurlands hins vegar, um rekst-
ur dvalarheimilis og leiguíbúða fyr-
ir aldraða á Egilsstöðum. Samning-
urinn er gerður til endurnýjunar
fyrri samningi sömu aðila frá 2002
og er til 5 ára. HSA Egilsstöðum,
f.h. Heilbrigðisstofnunar Austur-
lands, tekur að sér að sjá um
rekstur og þjónustu dvalarheimilis/
sambýlis aldraðra að Lagarási 21–
25 og nýtir þau átta starfsleyfi sem
dvalarheimilið hefur til heilsdags-
vistunar, átta leiguíbúðir fyrir aldr-
aða að Lagarási 17 ásamt íbúðir nr.
27, 29, 31 og 33 við Lagarás. Í
samningum felst einnig meiri þjón-
usta við dvalarheimilið, m.a. aukin
fagleg yfirstjórnun.