Morgunblaðið - 24.11.2005, Qupperneq 22

22 FIMMTUDAGUR 24. NÓVEMBER 2005 MORGUNBLAÐIÐ
MINNSTAÐUR
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
Starf: Umsjónarmaður í
félagsmiðstöð
Við félagsmiðstöðina í Giljaskóla er laus 50% staða hjá ÍTA.
• Æskilegt er að viðkomandi hafi lokið tómstunda- og
félagsmálafræðum frá KÍ eða hafi sambærilega menntun eða
reynslu af að starfa með börnum og unglingum.
• Umsækjandi þarf að vera framtakssamur, hugmyndaríkur og
hafa ánægju af að starfa með börnum og unglingum.
• Greitt er samkvæmt kjarasamningi Launanefndar sveitarfélaga
og Kjalar.
• Upplýsingar um kaup og kjör veitir starfsmannaþjónusta
Akureyrarbæjar í síma 460 1060.
• Umsóknir þurfa að berast þjónustuanddyri Akureyrarbæjar
Geislagötu 9 á eyðublaði sem þar fæst eða á heimasíðu
Akureyrarbæjar www.akureyri.is
• Starf umsjónarmanns félagsmiðstöðvar heyrir undir
forstöðumann tómstundastarfs íþrótta- og tómstundadeildar.
• Umsóknarfrestur er til 2. desember 2005.
Tekið verður tillit til samþykktar bæjarstjórnar Akureyrarbæjar um
jafnréttismál við ráðningu í starfið.
Upplýsingar um starfið gefur: Bergljót Jónasdóttir forstöðumaður
tómstundastarfs í síma 460 1466 eða bergljot@akureyri.is
Ofbeldi gegn konum | Alþjóð-
legur baráttudagur gegn ofbeldi
gegn konum er á morgun og af því
tilefni verður fyrirlestur kl. 12.10 í
stofu L101 á Sólborg.
Hann markar upphafið að 16
daga átaki gegn kynbundnu of-
beldi.
Á þriðja tug samtaka og stofnana
standa sameiginlega að átakinu
dagana 25. nóvember til 10. desem-
ber en yfirskrift þess er Heilsa
kvenna, heilsa mannkyns: Stöðvum
ofbeldið.
Framsögu hafa Birna Þórarins-
dóttir, framkvæmdastýra UNIFEM
á Íslandi og Amal Tamini, stjórn-
arkona í UNIFEM á Íslandi og Sam-
taka kvenna af erlendum uppruna
og fræðslufulltrúi í Alþjóðahúsinu.
FJÁRMÁL eru stór þáttur í lífi
allra og undirstaða þess að fólki
farnist vel er að fjármálin séu í
góðu lagi. Þetta kom fram í máli
Elnu Sigrúnar Sigurðardóttur, við-
skiptafræðings hjá Ráðgjafarstofu
um fjármál heimilanna, en hún
ræddi þessi mál við 10. bekkinga í
Síðuskóla. Stofan og Akureyr-
arbær vinna saman að forvörnum í
fjármálum fyrir nemendur í 10.
bekk í grunnskólum Akureyrar og
hafa samskonar fyrirlestrar verið
haldnir í haust í öðrum grunn-
skólum bæjarins. Frá árinu 2003
hefur verið í gildi þjónustusamn-
ingur milli þessara tveggja, Ráð-
gjafarstofunnar og bæjarins, og
hafa ráðgjafar á vegum hennar
verið á ferð norðan heiða tvisvar í
mánuði og veitt viðtöl í fjöl-
skyldudeild Akureyrarbæjar, en
þannig hafa þeir íbúar bæjarins
sem eiga í greiðsluerfiðleikum
fengið betri þjónustu.
Á grundvelli þessa samnings var
ákveðið að gera tilraun með for-
varnir fyrir unga fólkið og skipu-
lögð kennsla um fjármál fjölskyld-
unnar í öllum 10. bekkjum á
Akureyri, en það er eitt stærsta
verkefni sem unga fólkið á eftir að
takast á við í lífinu og því þykir
mikilvægt að hefja fræðsluna sem
fyrst.
Elna Sigrún fræddi nemendur
m.a. um fjárhagsáætlanir, sparnað,
ýmis hugtök er varða fjármál, lán,
hvað það er að vera í ábyrgð fyrir
aðra, greiðsluerfiðleika, vanskil og
gaf einnig ýmis góð ráð. Þannig
nefndi hún að krakkarnir ættu að
skoða vel í hvað peningar þeirra
færu, nefndi að þau ættu að huga
að því hversu mikið færi t.d. í að
leigja bíómyndir, skyndibita, sæl-
gæti, hvað kostaði að tala í símann
og að reykja svo dæmi væru tekin.
Einnig benti hún á að nú væri rétti
tíminn til að huga að því hvað kost-
aði að taka bílpróf. Tók hún sem
dæmi að ef 3.900 krónur væru
lagðar fyrir í hverjum mánuði og
vextir væru 6,45% næmi sparn-
aðurinn um 100 þúsund krónum
eftir tvö ár, eða þegar að bílpróf-
inu kæmi.
Ráðgjafarstofa um fjármál heimilanna og Akureyrarbær
Unga fólkið frætt um fjármálin
Morgunblaðið/Kristján
Fjármál Elna Sigrún Sigurðardóttir fræðir nemendur Síðuskóla um fjármál fjölskyldunnar.
Eftir Margréti Þóru Þórsdóttur
maggath@mbl.is
HÁSKÓLARÁÐ Háskólans á Akur-
eyri samþykkti fyrr í þessum mánuði
að sameina þrjár deildar skólans í
eina nýja deild; viðskipta- og raun-
vísindadeild. Í tengslum við ákvörð-
un ráðsins, og umræðu sem skapast
hefur á opinberum vettvangi í kjöl-
farið, hefur gætt ákveðins misskiln-
ings um áhrif þessara aðgerða á
námsframboð við Háskólann á Ak-
ureyri segir í tilkynningu frá háskól-
anum.
Til að fyrirbyggja frekari mis-
skilning er óskað eftir að komið sé á
framfæri að ekki er verið að leggja
niður námsbrautir við Háskólann á
Akureyri. Við nýja viðskipta- og
raunvísindadeild verður boðið upp á
nám í viðskiptafræði, umhverfis-
fræði, tölvunarfræði, sjávarútvegs-
fræði og líftækni, þ.e. sömu náms-
greinar og áður voru í boði í
deildunum þremur sem sameinaðar
verða. Hin nýja deild verður sterkari
eining, bæði faglega og rekstrarlega,
og mun í krafti þess geta boðið upp á
fleiri námsleiðir í framtíðinni, t.a.m.
nám þar sem viðskiptafræði og tölv-
unarfræði er blandað saman. Þannig
mun sameining auðlindadeildar,
upplýsingatæknideildar og við-
skiptadeildar í viðskipta- og raunvís-
indadeild leiða til þess að fjölbreytni
í námsframboði við Háskólann á Ak-
ureyri muni aukast á næstu árum
segir í tilkynningunni.
Deildir
ekki lagðar
niður
GUÐMUNDUR Jóhannsson, for-
maður umhverfisráðs, sagði að um-
hverfisráð hefði samþykkt á fundi
sínum í sumar að bæði Dalsbraut og
Miðhúsabraut yrðu inni á nýju að-
alskipulagi. Sú ákvörðun hefði verið í
samræmi við niðurstöðu verkefnis-
hóps um tengibrautir í Lundar-
hverfi. Guðmundur sagði að bæjar-
stjórn hefði breytt þeirri ákvörðun
og samþykkt að Dalsbrautin yrði
tekin út af aðalskipulagi og þess í
stað gert ráð fyrir göngu- og hjól-
reiðastíg í vegstæðinu.
Guðmundur Guðlaugsson, fyrr-
verandi deildarstjóri framkvæmda-
deildar Akureyrarbæjar, gagnrýndi
þá ákvörðun mjög harkalega í Morg-
unblaðinu nýlega og sagði það al-
gjört slys að hætt var við Dalsbraut-
ina og afdrifaríkustu mistök í
skipulagsmálum bæjarins. Hann
beindi gagnrýni sinni ekki hvað síst
að nafna sínum, formanni umhverf-
isráðs. Bæði Dalsbraut og Miðhús-
abraut, hafa verið á skipulagi í rúm
30 ár. Guðmundur, formaður um-
hverfisráðs, sagðist hafa verið ung-
lingur á skellinöðru þegar Dals-
brautin var sett á aðalskipulag. Hins
vegar hefði Guðmundur Guðlaugs-
son þá verið starfsmaður bæjarins.
„Ég skil því ekki af hverju hann er að
skamma mig fyrir að fara að ákvörð-
un bæjarstjórnar, sem breytti
ákvörðun umhverfisráðs frá í sumar.
Ef Dalsbrautin hefði verið lögð
áfram frá Þingvallastræti að
Miðhúsabraut um leið og Skógar-
lundurinn var lagður á sínum tíma,
værum við ekki í þessari stöðu í dag.“
Varðandi þá gagnrýni Guðmundar
Guðlaugssonar, að um afdrifaríkustu
mistök í skipulagsmálum bæjarins
væri að ræða, sagði formaður um-
hverfisráðs, að þótt Dalsbrautin væri
tekin af skipulagi, yrði ekki hróflað
við vegstæðinu. „Það segir mér að
menn séu ekki alveg sannfærðir um
að Dalsbrautin verði ekki lögð ein-
hvern tímann. Þetta hefur líka haft
áhrif í Naustahverfi og þessi vanda-
mál varðandi tengingu hverfisins við
aðra bæjarhluta geta hreinlega heft
uppbyggingu Naustahverfis á
ákveðnu tímabili. Fólki finnst sam-
göngumálin ekki í lagi og þessu hef
ég haldið fram lengi.“
Íbúar þurfa að fá svefnfrið
Bæjaryfirvöld hafa takmarkað
umferð stórra bíla um Mýrarveg um
nætur og helgar og hefur það einnig
verið gagnrýnt í Morgunblaðinu,
bæði af Guðmundi Guðlaugssyni og
Guðmundi Gunnarssyni, fram-
kvæmdastjóra GV grafa, en fyrir-
tæki hans stundar efnisflutninga,
m.a. um Mýrarveg í tengslum við
uppbygginguna í Naustahverfi.
Framkvæmdastjórinn benti á að
með þessari takmörkun væri verið
að hlusta á raddir örfárra íbúa á
kostnað fjöldans og jafnframt væri
verið að beina flutningum að hluta til
inn á Þórunnarstræti og hluta Þing-
vallastrætis. Við þær götur byggi
líka fólk. Guðmundur Guðlaugsson
tók undir gagnrýni framkvæmda-
stjóra GV grafa.
Formaður umhverfisráðs sagði
það hálfgert neyðarbrauð að tak-
marka umferð stórra bíla en það
væri þó heldur ekkert sjálfsagt mál
að fara þar um með stór tæki á nán-
ast öllum tímum sólarhrings. „Úr því
að menn ekki virða þann rétt íbú-
anna að geta sofið sæmilega um næt-
ur, verður að takmarka umferð um
húsa- og safngötur. Þórunnarstræti
og Þingvallastræti eru tengibrautir
og það er mikill munur þar á.“
Miðhúsabraut yfir golfvöllinn
Í þeirri aðalskipulagstillögu sem
kynnt verður bæjarbúum á opnu
húsi í Amtsbókasafninu næsta laug-
ardag, er Miðhúsabraut sýnd vestan
við Mjólkursamlag Norðurmjólkur
og sunnan við svokallaða Jólasveina-
brekku. Einnig mun Miðhúsabraut
fara yfir hluta golfvallarins að Jaðri,
m.a. yfir flötina á 3. braut og mun sú
braut styttast nokkuð. GA fær hins
vegar land í staðinn, að sögn for-
manns umhverfisráðs. Miðhúsa-
brautin mun því liggja áfram frá
Mýrarvegi og tengjast Þingvalla-
stræti við Súluveg. Forhönnun göt-
unnar er lokið en Guðmundur sagði
ekki ljóst hvenær framkvæmdir
gætu hafist.
Ákvörðun um að taka Dalsbraut út úr aðalskipulagi
Bæjarstjórn breytti sam-
þykkt umhverfisráðs
Eftir Kristján Kristjánsson
krkr@mbl.is
FÉLAGSFUNDUR Vinstrihreyf-
ingarinnar – græns framboðs á Ak-
ureyri hefur samþykkt að halda for-
val til að velja sex efstu fram-
bjóðendur flokksins í næstu sveitar-
stjórnarkosningum og mun það fara
fram 21. janúar næstkomandi frá kl.
10 til 18 í húsnæði VG, Hafnarstræti
98 á Akureyri.
Þau sem bjóða sig fram til forvals
eiga að skila inn tilkynningu fyrir
klukkan 12 fimmtudaginn 1. desem-
ber 2005, á netfangið vgforval@gma-
il.com.
Kosningarétt hafi allir skráðir fé-
lagsmenn 16 ára og eldri með lög-
heimili í Akureyrarkaupstað. Hægt
er að skrá sig í félagið fram til lokunar
kjörstaðar.
Til að tryggja jafna stöðu kynjanna
á listanum munu fulltrúar af gagn-
stæðu kyni skipta tvö efstu sætin sem
og hver tvö sæti þar á eftir.
Félagsfundur Akureyrardeildar
VG sem haldinn var nýlega kaus fimm
manna kjörstjórn til að annast fram-
kvæmd forvalsins. Formaður hennar
er Hallur Gunnarsson en aðrir eru
Ólafur Þ. Jónsson, Guðný Anna Rík-
arðsdóttir, Hlynur Hallsson og Stein-
unn Rögnvaldsdóttir.
Kjörstjórn annast talningu at-
kvæða strax að loknum kjörfundi og
birtir niðurstöðu kosningarinnar á
formlegum fundi sem haldinn verður
að kvöldi kjördags.
Forval hjá VG í janúar