Morgunblaðið - 24.11.2005, Qupperneq 47

MORGUNBLAÐIÐ FIMMTUDAGUR 24. NÓVEMBER 2005 47
FRÉTTIR
HEIMSMEISTARAMÓTI 20 ára
og yngri lauk fyrir skömmu í Istan-
búl í Tyrklandi en teflt var í opnum
flokki og kvennaflokki. 92 keppend-
ur voru í opnum flokki en 68 kepp-
endur í kvennaflokki. Opni flokkur-
inn var gríðarlega vel skipaður þar
sem 16 stórmeistarar voru á meðal
keppenda og þeirra stigahæstur var
Azerinn Shakhriyar Mamedyarov
(2.674). Shak, eins og hann er kall-
aður, varð heimsmeistari unglinga
árið 2003 og að loknum níu umferð-
um í Istanbúl hafði hann 8½ vinning.
Frammistaða hans samsvaraði þá
tæpum 3.000 skákstigum en í síðustu
fjórum umferðunum gerði hann stutt
jafntefli sem þýddi að frammistaða
hans samsvaraði ,,bara“ 2.783 stig-
um. Eigi að síður vann hann mótið
með yfirburðum og hafði tryggt sér
sigurinn fyrir lokaumferðina. Hann
er fyrsti skákmaðurinn sem vinnur
HM unglinga tvívegis en margir
hafa gert tilraun til þess. Skákstíll
þessa vinalega Azera er um margt
óhefðbundinn. Hann teflir hratt og á
mótinu þræddi hann ekki algengustu
byrjunarafbrigðin. Hann er afar
lunkinn að bæta stöðu sína hægt og
sígandi og á auðvelt með að staðsetja
menn sína í samræmi við þarfir stöð-
unnar. Þessi eiginleiki einkennir
fremur skákmenn með mikla
reynslu en tvítugan skákmeistara.
Endataflstæknin hans er einnig ann-
áluð og sem dæmi um það má grípa
inn í eina af sigurskákum hans frá
Istanbúl:
Sjá stöðumynd
Shak hafði hvítt í stöðunni gegn
landa sínum Vugar Gashimov
(2.608). Eins og svo oft áður hafði
hann fengið þægilegra tafl eftir byrj-
unina og jók síðan yfirburði sína
hægt og sígandi. Nú var komið að því
að innbyrða vinninginn og það gerði
hann með því að leika 43. f5!
Svartur getur nú ekki með góðu
móti girt fyrir að hvíti kóngurinn
hreiðri um sig á d5 og við það verður
taflið tapað. Framhaldið varð:
43. … e5+ 44. Kd5 Kd7 45. g4
Rd8 46. Rd6 Ke7 47. Re4 Rf7 48.
Kc6 Kd8 49. b6 Kc8 50. b7+ Kb8 51.
Rc5 Rd8+ 52. Kb6 og svartur gafst
upp.
Lokastaða efstu manna í opnum
flokki varð þessi:
1. Shakhriyar Mamedyarov (2.674) 10½
vinning af 13 mögulegum.
2. Ferenc Berkes (2.596) 9½ v.
3.-4. Evgeny Alekseev (2.632) og Vugar
Gashimov (2.608) 9 v.
Í kvennaflokki varð þýski alþjóð-
legi meistarinn Elisabeth Paehtz
(2.408) efst eftir harða keppni við
kínversku stúlkuna Gu Xiaobing
(2.330). Systir Shaks, Turkan Mame-
dyarova (2.223), blandaði sér einnig í
toppbaráttuna en varð að lokum að
láta sér lynda að enda í 3.–5. sæti. Ís-
land var eina Norðurlandaþjóðin
sem sendi ekki keppanda á mótið.
Finnski stórmeistarinn Tomy Ny-
bäck (2.563) var í toppbaráttunni í
opna flokknum en tap gegn Ferenc
Berkes í síðustu umferð gerði að
verkum að hann lenti ekki í verð-
launasæti. Nánari upplýsingar er að
finna á góðri heimasíðu mótsins,
http://www.tsf.org.tr/worldchess/.
Dagur Arngrímsson
Unglingameistari Íslands
Unglingameistaramót Íslands var
haldið á Akureyri dagana 19.–20.
nóvember sl. og tóku 37 keppendur
þátt. Tefldar voru sjö umferðir þar
sem umhugsunartíminn var 25 mín-
útur á skák. Eftir fyrri daginn og
fjórar umferðir voru Dagur Arn-
grímsson og Hjörvar Steinn Grét-
arsson efstir og jafnir með fullt hús
vinninga. Dagur sýndi mikið öryggi
síðari daginn, lagði Hjörvar að velli
og gulltryggði sér svo sigurinn með
því að gera jafntefli við Vilhjálm
Pálmason í lokaumferðinni. Loka-
staða efstu manna varð þess:
1. Dagur Arngrímsson 6½ vinning af 7
mögulegum.
2.–5. Hjörvar Steinn Grétarsson, Vilhjálmur
Pálmason, Ágúst Bragi Björnsson og Jó-
hanna Björg Jóhannsdóttir 5½ v.
6.–7. Svanberg Pálsson og Daði Ómarsson 5
v.
8.–9. Hallgerður Þorsteinsdóttir og Jóhann
Óli Eiðsson 4½ v.
Þeir þátttakendur Unglingameist-
aramótsins sem voru 14 ára og yngri
gátu unnið til verðlauna í drengja- og
telpnameistaramóti Íslands. Hjörv-
ar Steinn og Vilhjálmur Pálmason
þurfa að heyja einvígi um titilinn
drengjameistari Íslands 2005 en Jó-
hanna Björg Jóhannsdóttir varð
telpnameistari Íslands 2005. Skák-
félag Akureyrar sá um mótshaldið
og skákstjórar voru Gylfi Þórhalls-
son, Þór Valtýsson og Ari Friðfinns-
son.
Hjörvar Steinn
unglingameistari Hellis
Dagana 14. og 15. nóvember sl. fór
unglingameistaramót Hellis 2005
fram. Þátttaka var prýðileg en alls
voru 29 keppendur. Hjörvar Steinn
vann fyrstu fimm skákir sínar og
gerði jafntefli í lokaumferðunum
tveim sem dugði honum til sigurs.
Lokastaða efstu manna varð þessi:
1. Hjörvar Steinn Grétarsson 6 vinningar af
7 mögulegum.
2. Ingvar Ásbjörnsson 5½ v.
3.–6. Daði Ómarsson, Matthías Pétursson,
Sverrir Þorgeirsson og Patrekur Maron
Magnússon 5 v.
Vigfús Óðinn Vigfússon sá um
mótshaldið og skákstjórn en nánari
upplýsingar um keppnina er að finna
á heimasíðu Hellis, www.hellir.com.
Mamedyarov heims-
meistari í annað sinn
Mamedyarov, t.h., vann HM unglinga með yfirburðum.
Morgunblaðið/Ómar
Dagur Arngrímsson
HelgiI Áss Grétarsson
daggi@internet.is
SKÁK
Istanbúl í Tyrklandi
HM 20 ÁRA OG YNGRI
9.–22. nóvember 2005
MORGUNBLAÐIÐ hefur verið
beðið um að birta eftirfarandi bréf
frá þremur kennurum við Mennta-
skólann á Ísafirði:
„Við, undirritaðir kennarar við
Menntaskólann á Ísafirði, sem lagt
höfum fram meðfylgjandi tillögu á
félagsfundi Kennarafélags
Menntaskólans á Ísafirði, viljum
með þessu bréfi árétta afstöðu
okkar við stjórnarmenn Félags
framhaldsskólakennara, þar sem
tillagan hefur ekki fengið af-
greiðslu kennarafélagsins. Við höf-
um fundið að margir okkar sam-
starfsmanna eru okkur sammála,
en vilja ekki stíga fram vegna þess
ástands sem ákveðnir aðilar innan
skólans hafa alið á gagnvart
stjórnendum og öðrum kennurum.
Sjónarmið okkar hafa lítt eða ekki
fengið að koma fram á fundum
Kennarafélagsins til þessa. Tillag-
an hljóðar á eftirfarandi hátt:
Tillaga lögð fram á fundi Kenn-
arafélags Menntaskólans á Ísafirði
11. október 2005:
„Félagsfundur Kennarafélags
Menntaskólans á Ísafirði harmar
yfirlýsingu stjórnar Félags Fram-
haldsskólakennara og mótmælir
þeim rangfærslum sem koma þar
fram um starfshætti í Menntaskól-
anum og líðan starfsfólks. Sam-
starf kennara við skólameistara
einkennist ekki af þeirri ógnar-
stjórn sem þar er lýst né einelti
gagnvart kennurum og er alfarið
hafnað þeirri fullyrðingu að kenn-
arar þurfi að standa og sitja eftir
geðþótta skólameistara.
Þvert á móti teljum við að sam-
skipti flestra kennara og skóla-
meistara séu með eðlilegum og já-
kvæðum hætti og að skólameistari
starfi samkvæmt þeim lögum og
reglugerðum sem um hans starf
gilda.
Það er hins vegar umhugsunar-
efni hvernig ákveðinn hópur kenn-
ara virðir ekki skólameistara sem
yfirmann heldur hefur tekið nán-
ast allt skólastarf í gíslingu með
því að einoka umræðuna og gefa
neikvæða og hlutdræga mynd af
samskiptum og því starfi sem fram
fer innan skólans.“
Afgreiðslu tillögu þessarar var
frestað á félagsfundi sem haldinn
var 11. október sl. til mánudagsins
17. október. Á milli funda lögðum
við fram breytingartillögu þar sem
þriðja og síðasta efnisgrein er felld
út. Það var gert í þeim tilgangi að
ná fram málefnalegri umræðu og
meiri sátt meðal kennara innan
skólans. Á félagsfundi 17. október
lagði fundarstjóri fram frestunar-
tillögu, sem fól það í sér að ef hún
yrði samþykkt yrði öðrum liðum
fundarins frestað. Röksemdir
flutningsmanns voru þær, að ekki
hefði tekist að fá formann og full-
trúa stjórnar á fund sem væri for-
senda þess, að hægt væri að taka
tillöguna til afgreiðslu. Tillaga
þessi var samþykkt með 15 at-
kvæðum gegn 11 atkvæðum. Þeg-
ar þetta er skrifað hefur enn ekki
frést af væntanlegri komu ykkar
stjórnarmanna FF á félagsfund
með kennurum skólans.
Við gerum okkur grein fyrir að
starfsmenn og fulltrúar í stjórn
Félags framhaldsskólakennara
hafa fram til þessa fengið einhliða
mynd af deilum innan skólans og
að sjónarmið ákveðins hluta kenn-
aranna við skólann hafa ekki náð
eyrum ykkar. Sú ályktun sem
stjórn FF sendi frá sér 5. október
og hefur verið ítrekuð af ykkar
hálfu, ber það með sér að stjórnin
hafi ekki undir höndum réttar
upplýsingar um ástandið innan
skólans.
Alvarlegar ásakanir og æru-
meiðingar hafa verið bornar fram
gegn nafngreindum kennurum við
Menntaskólann á Ísafirði á fund-
um félagsins og á opinberum vett-
vangi. Með því er ljóst að siða-
reglur Kennarasambands Íslands
hafa verið þverbrotnar.
Hótunum og þrýstingi er beitt
gegn kennurum, sem ekki styðja
þá sem háværastir eru í aðkasti og
gagnrýni gegn skólameistara.
Öllum tillögum og viðleitni til að
bæta ástandið innan skólans er
mætt með andúð og tortryggni og
hafnað sem óvinveittu bragði af
hálfu okkar sem ekki fylgjum
þessum andófsaðgerðum að mál-
um.
Málflutningur ákveðinna kenn-
ara og framferði á fundum innan
skólans, í skrifum og viðtölum í
fjölmiðlum, t.d. viðtal í Svæðisút-
varpi Vestfjarða 26. maí síðastlið-
inn og víðar, gengur svo langt, að
ekki verður við það unað. Fara þar
saman aðdróttanir að persónum
og rangfærslur á staðreyndum
gagnvart samstarfsfólki og skóla-
stjórnendum, svo furðu gegnir að
ábyrgur aðili, sem Félag fram-
haldsskólakennara er, láti slíkan
áróður stjórna gerðum sínum, án
þess að rannsaka eða grennslast
fyrir um hið rétta í þessum mála-
tilbúnaði.
Nú er mál að linni. Við hvetjum
alla til að taka saman höndum með
okkur við að breyta og bæta
starfsanda við Menntaskólann á
Ísafirði og eyða þeim meinsemd-
um sem fengið hafa að búa um sig í
skólanum síðustu misseri. Starfs-
fólk og stjórnendur skólans er fag-
fólk, sem vinnur sína vinnu af alúð
og tryggð gagnvart Menntaskól-
anum og þeim sem treyst hefur
verið til að halda þar um stjórnvöl-
inn. Við ætlum ekki að láta fá-
mennan hóp innan skólans eyði-
leggja þann góða árangur, sem
náðst hefur í skólastarfinu síðustu
ár.
Neikvæð umræða um skólann
og það starf, sem þar fer fram hef-
ur, því miður, verið allt of áber-
andi. Þar teljum við, að ákveðnir
einstaklingar innan skólans hafi
sett persónulega hagsmuni sína of-
ar hagsmunum skólans og þá um
leið samfélagsins hér. Margir
mjög jákvæðir þættir, sem lúta að
aukinni fagmennsku kennara,
betri og árangursríkari kennslu
nemenda svo og bættum stjórn-
unarháttum hafa ekki fengið þá at-
hygli og viðurkenningu sem
skyldi. Hér nægir að nefna stór-
minnkað brottfall nemenda og
aukna aðsókn þeirra að skólanum,
nýja námsmöguleika og síðast en
ekki síst stóraukið hlutfall rétt-
indakennara og bætt vinnuaðstaða
fyrir þá, sem fellur mjög vel að
16.gr. laga Félags framhaldskóla-
kennara sem kveður á um að vinna
að eflingu kennarastéttarinnar og
fagmennsku.
Það er einlæg von okkar að
þetta bréf og þau sjónarmið sem
hér koma fram varpi skýrara ljósi
á þær deilur sem ríkt hafa innan
Menntaskólans á Ísafirði. Það er
nauðsynlegt að sjónarmið allra
komi fram til þess að viðeigandi
sættir náist milli deiluaðila. Félag
framhaldsskólakennara ber
ábyrgð á því að jafnræðis sé gætt
gagnvart öllum félagsmönnum og
að fagmennska sé ætíð höfð að
leiðarljósi við allar athafnir og um-
fjöllun.
Með vinsemd og virðingu,
Emil Ingi Emilsson, Guð-
mundur Þór Kristjánsson,
Katrín Gunnarsdóttir.“
Bréf þriggja kennara við
Menntaskólann á Ísafirði
KRAFTUR – stuðningsfélag fyrir
ungt fólk sem greinst hefur með
krabbamein og aðstandendur þeirra
gefur út jólakort sem myndskreytt
er af Kolbrúnu Hrund Sigurgeirs-
dóttur og gaf hún Krafti vinnu sína.
Jólakortin eru seld 10 stk. í pakka
og kostar pk. 1.000 kr. Hægt er að
nálgast kortin á skrifstofu Krafts í
Skógarhlíð 8, á mánu- og mið-
vikudögum kl. 9–15, þá er einnig
hægt að panta þau í síma 540 1915 á
áðurnefndum dögum.
Jólakort
Krafts
STYRKUR, samtök krabbameins-
sjúklinga og aðstandenda þeirra,
selur nú eins og áður jólakort til
ágóða fyrir starfsemi samtakanna.
Um er að ræða tvær gerðir af kort-
um eftir Daða Guðbjörnsson listmál-
ara. Önnur myndin heitir Vorgleði
og hin heitir Bleik músík.
Kortin verða m.a. seld á skrifstofu
Krabbameinsfélagsins í Skógarhlíð
8, Reykjavík.
Jólakort
Styrks