Morgunblaðið - 01.12.2005, Síða 14

14 FIMMTUDAGUR 1. DESEMBER 2005 MORGUNBLAÐIÐ
FRÉTTIR
STJÓRNENDUR 365 prent- og ljósvakamiðla
ætla að hætta við að flytja 120 starfsmenn til við-
bótar í húsnæði fyrirtækisins í Skaftahlíð og ráða
öryggisverði til að gæta þess að löglega sé lagt,
en íbúar við götuna hafa mótmælt aukinni um-
ferð og fjölda bíla starfsmanna 365 sem lagt hef-
ur verið ólöglega vegna skorts á bílastæðum.
Dagur B. Eggertsson, formaður skipulagsráðs
Reykjavíkur, átti viðræður við forsvarsmenn 365
í gær og fyrradag og segir hann að fyrirtækið
ætli að ganga lengra en því beri skylda til í við-
leitni við að bregðast við kvörtunum íbúa.
„Við ræddum áhyggjur íbúa af ástandinu í göt-
unum í tengslum við flutning fyrirtækisins, sem
ég held að séu áhyggjur sem allir taka undir,“
segir Dagur. „Ástandið í götunum hefur ekki
verið gott og við vorum sammála um það í þess-
um viðræðum að það þurfi að taka á því af
ábyrgð og festu, og ég er ánægður með nið-
urstöðuna,“ segir Dagur.
Áfram við Krókhálsinn
Gunnar Smári Egilsson, framkvæmdastjóri
365 prent- og ljósvakamiðla, segir að félagið
verði áfram með aðstöðu við Krókháls, þar verði
áfram framleiddir þættir aðrir en þeir sem snúa
að dægurmálum og fréttum. Auk þess verði
ákveðnar deildir fyrirtækisins til húsa þar áfram,
t.d. flutnings- og þýðingardeild og þjónustuver.
„Fyrirtækið mun standa fyrir átaki gegn bílum
sem lagt er ólöglega, og hafa fengið öryggisþjón-
ustufyrirtækið Securitas með sér í lið í því efni.
Borgaryfirvöld ætla að endurbæta hraðahindr-
anir og fjölga þeim, auk þess sem við erum með
til skoðunar að loka íbúðargötum til að stoppa
gegnumakstur, en það getur kallað á formlega
breytingu á skipulagi, svo það mál er ekki full-
unnið,“ segir Dagur.
Enn fremur hefur verið gefið leyfi til að
byggja bílakjallara fyrir 75 bíla á lóð 365 og segir
Gunnar Smári að vinna við kjallarann hefjist
næsta sumar.
„Óánægjan [hjá íbúunum] á sér í sjálfu sér 30
ára sögu, alveg frá því þessi hús voru byggð. Ég
á ekki von á að það breytist, en það er heldur
ekki þannig að fyrirtæki þurfi að sækja um leyfi,
frekar en fólk almennt, til þess að flytjast á milli
húsa. Ég lít hins vegar á það sem skyldu mína og
skyldu borgaryfirvalda að koma til móts við
ábendingar eftir því sem hægt er,“ segir Dagur,
aðspurður hvort aðgerðirnar dugi til að slá á
óánægju íbúa í nágrenni 365 prent- og ljós-
vakamiðla.
Sómi af því að axla ábyrgð
„Mér finnst raunar ákveðinn sómi af því að
fyrirtækið bregðist svona við þessum áhyggju-
röddum og finni 120 starfsmönnum aðrar starfs-
stöðvar, og í raun axli það ábyrgð umfram sínar
skyldur með því að kalla til öryggisverði, og
leggja í kostnað við að stýra notkun bílastæða í
götunum þarna, sem auðvitað var vandamál
löngu áður en 365 flutti inn á þetta svæði,“ segir
Dagur.
365 prent- og ljósvakamiðlar bregðast við mótmælum íbúa við Skaftahlíð í Reykjavík
Fleiri starfsmenn ekki fluttir
Morgunblaðið/Ásdís
Þessi ökumaður lagði við brunahana við húsnæði 365 prent- og ljósvakamiðla í gær.
Eftir Brján Jónasson
brjann@mbl.is „ÞAÐ er ánægjulegt að það sé
komið til móts við okkur, það er
alveg klárt að þarna verða færri
en gert var ráð fyrir, það munar
um 120 manns. Það hlýtur að
minnka álagið miðað við það sem
fyrirséð var,“ segir Hilmar Sig-
urðsson, formaður nýstofnaðra
Íbúasamtaka 3. hverfis, og íbúi
við Skaftahlíð.
Hann segist vonast til þess að
þetta sé fyrsta skrefið að því að
365 prent- og ljósvakamiðlar og
Reykjavíkurborg setjist niður með
íbúunum til að leysa þetta vanda-
mál. Hann viðurkennir þó að
besta lausnin fyrir íbúana væri að
starfsemi 365 flyttist úr götunni
og í staðinn yrði þar sett upp
íbúavæn þjónusta, t.d. heilsu-
gæsla.
Hilmar segir ástandið í götunni
hafa verið afar erfitt, bílum lagt
beggja vegna götunnar svo varla
sé rúm fyrir bíla að keyra á milli,
hvað þá að mætast, og af því
hljótist bæði tafir og verði jafnvel
árekstrar. Íbúar hafi jafnvel lent í
því að lagt var fyrir bílskúr þeirra
svo bíllinn var lokaður inni.
Ekki er víst að það dugi að vera
með öryggisvörð til að stöðva fólk
í að leggja ólöglega, enda segir
Hilmar ljóst að bílstjórarnir muni
leggja einhvers staðar, og í raun
sé bara verið að beina þeim
lengra inn í hverfið. Það sé engan
veginn viðunandi lausn.
Fyrsta skrefið
að lausn
vandamálsins?
FRJÁLS framlög vegna bleiku slaufunnar svokölluðu námu
1,4 milljónum króna, en ágóðinn rennur til fræðslu og for-
varna um gildi brjóstaskoðunar og brjóstakrabbameins-
leitar. Krabbameinsfélagið og Samhjálp kvenna fengu
styrkinn afhentan í vikunni.
Í mörgum löndum hefur októbermánuður ár hvert verið
helgaður árvekni um brjóstakrabbamein. Íslendingar tóku
nú í sjötta sinn þátt í þessu átaki á þann hátt að á þrjátíu út-
sölustöðum Estée Lauder snyrtivara var dreift bleikum
slaufum, tákni átaksins, og tekið við frjálsum framlögum í
sérmerkta söfnunarbauka. Ágóðanum, 1400 þúsund krón-
um, verður varið til að fræðslu og forvarna um gildi brjósta-
skoðunar og brjóstakrabbameinsleitar.
Árveknisátakið fólst einnig í því að vekja athygli á þessum
sjúkdómi, sem tíunda hver kona á Íslandi greinist með ein-
hvern tíma á lífsleiðinni, fræða um hann og hvetja konur til
að nýta sér boð Leitarstöðvar Krabbameinsfélagsins um
röntgenmyndatöku. Konurnar brugðust vel við því að
óvenju góð aðsókn var í október.
Í tengslum við átakið voru Bessastaðir lýstir upp í bleik-
um lit í byrjun október, í boði Orkuveitu Reykjavíkur, og
bleiku ljósi varpað á mannvirki á mörgum öðrum stöðum á
landinu.
Í frétt frá Krabbameinsfélaginu segir að félagið meti mik-
ils þennan stuðning við baráttuna gegn brjóstakrabbameini
og vilji þakka öllum sem lögðu lið við októberátakið.
Morgunblaðið/Ómar
Sigurður Björnsson, formaður Krabbameinsfélags Íslands, og Guðrún Sigurjónsdóttir, formaður Samhjálpar, tóku við ágóða
af söfnun vegna bleiku slaufunnar frá Evu Garðarsdóttur Kristmanns og Guðlaugi Kristmanns frá Estée Lauder. Ólafur
Ragnar Grímsson, forseti Íslands, var viðstaddur afhendinguna.
1,4 milljónir söfnuðust með bleiku slaufunni
GRUNUR um að nauðgarar hafi
eitrað fyrir fórnarlömbum sínum
með lyfjum vaknar í um 5–7 málum á
hverju ári. Blóðrannsókn fer aðeins
fram ef málið er kært til lögreglu en
Eyrún Jónsdóttir, umsjónarhjúkr-
unarfræðingur Neyðarmóttöku
vegna nauðgana, telur að betur færi
á því að Neyðarmóttakan fái fjár-
magn til að láta gera slíkar rann-
sóknir, óháð því hvort málin eru
kærð eða ekki.
Konur eru um 96% þeirra 115–120
einstaklinga sem leita til Neyðar-
móttökunnar ár hvert. Um 37%
þeirra sem þangað koma eru yngri
en 18 ára og 67% eru yngri en 25 ára.
Hugsanlega gefið sljóvgandi lyf
Fyrir stuttu var 28 ára gamall
maður, Stefán H. Ófeigsson, dæmd-
ur í 2½ árs fangelsi fyrir að nauðga
stúlku, fæddri árið 1986, á hrotta-
fenginn hátt. Fram kom í dómnum
að stúlkan taldi hugsanlegt að hann
hefði gefið henni sljóvgandi lyf áður
en hann réðst á hana. Þó að minni
hennar af árásinni hefði verið glopp-
ótt varðandi sum atriði mundi hún
eftir henni og streittist bæði á móti
og gaf skýrlega til kynna að hún vildi
að maðurinn hætti. Jafnframt kemur
fram að hún dró að leggja fram kæru
þangað til starfsmaður á Neyð-
armóttökunni hafði samband við
hana og sagði henni að önnur kona
hefði lent í sama manni og ráðlagði
henni að hafa samband við lögfræð-
ing. Í framhaldi af því ákvað hún að
leggja fram kæru vegna málsins.
Rétt er að taka fram að Stefán H.
Ófeigsson neitaði því að hafa byrlað
stúlkunni ólyfjan og hann neitaði
jafnframt að hafa átt nokkurt kyn-
ferðislegt samneyti við hana. Áverk-
ar á líkama stúlkunnar þóttu hins
vegar renna stoðum undir trúverð-
uga frásögn hennar en að sama
skapi þótti frásögn Stefáns ótrú-
verðug. Þá segir í dómnum að lög-
reglumaður sem hafði afskipti af
stúlkunni eftir að hún fór af heimili
Stefáns, fannst hún vera í annarlegu
ástandi og ekki í dæmigerðu ölv-
unarástandi. Vinkona hennar bar
einnig um að stúlkan hefði verið und-
ir áhrifum áfengis en vel áttuð á stað
og stund þegar hún skildi við hana
um klukkan átta um morguninn,
daginn sem hún varð fyrir árásinni.
Um fimm klukkustundum síðar,
þegar vinkona hennar hringdi í
hana, hafi hún verið undir ann-
arlegum áhrifum eða mun drukknari
en um morguninn.
Eftir að stúlkan kom á Neyð-
armóttöku, að kvöldi dagsins sem
árásin var framin, var tekið úr henni
blóðsýni en niðurstaða rannsóknar á
því var að hún hefði hvorki verið
undir áhrifum áfengis né þeirra lyfja
sem rannsóknin náði til.
Dýrar rannsóknir
Eyrún Jónsdóttir hjá Neyðarmót-
tökunni segir að oft sé erfitt að skera
úr um hvort eitrað hafi verið fyrir
fórnarlömbum nauðgana. Lyf sem
notuð séu til slíks skiljist gjarnan
hratt frá blóði og því mikilvægt að
viðkomandi leiti sem allra fyrst til
Neyðarmóttökunnar. Blóðsýni
geymast í allt að eitt ár og sé sýni
tekið fljótlega eftir að árás hefur
verið framin er því hægt að greina
lyfin allt að einu ári síðar.
Rannsóknir á því hvort lyf séu í
blóði kosta frá 40.000–100.000 krón-
ur. Eyrún segir að Neyðarmóttakan
hafi ekki efni á því að láta gera slíkar
rannsóknir og þær eru aðeins gerðar
ef mál hefur verið kært til lögreglu.
Hún telur að betra væri að Neyð-
armóttakan fengi heimildir til að láta
gera slíkar rannsóknir er ástæða
væri til. Fólk sem verði fyrir nauðg-
unum þar sem grunur léki á því að
því hefði verið byrluð ólyfjan, myndi
oft lítið sem ekkert eftir árásunum
og vildi jafnvel ekki leggja fram
kæru fyrr en staðfest hefði verið að
eitrað hefði verið fyrir þeim.
Eyrún segir að mikilvægast sé að
taka meira tillit til upplifunar og frá-
sagnar fórnarlambanna, fremur en
að einblína á hvort tiltekin efni hafi
verið í líkama þeirra. Ástæða sé til
að horfa í auknum mæli til þess
hvort báðir aðilar hafi átt kynmök af
fúsum og frjálsum vilja. Í Noregi sé
m.a. farið að dæma fyrir nauðgun af
gáleysi og menn krafðir svara um
það hvers vegna þeir hafi komið
fram vilja sínum gegn manneskju
sem hvorki hafi getað samþykkt eða
neitað að taka þátt í kynferðislegum
athöfnum vegna áhrifa lyfja eða
áfengis.
Grunur um lyfjanauðganir
vaknar 5 til 7 sinnum á ári
Eftir Rúnar Pálmason
runarp@mbl.is