Morgunblaðið - 11.12.2005, Blaðsíða 18
18 SUNNUDAGUR 11. DESEMBER 2005 MORGUNBLAÐIÐ
Þ
egar Peter Jackson
var níu ára drengur
að alast upp á Nýja-
Sjálandi sá hann
kvikmynd Merian
Cooper, King Kong
frá árinu 1933, í
fyrsta sinn. Sú
stund breytti lífi hans og frá og með
þeim degi dreymdi hann um að verða
kvikmyndaleikstjóri sem gerði ná-
kvæmlega svona myndir. Hann gerði
fyrst tilraun til að endurgera þessa
uppáhaldskvikmynd sína tólf ára
gamall og hafði þá til þess litla vídeó-
upptökuvél og plastgórilluapa. Tals-
vert löngu síðar, nánar tiltekið árið
1995, þegar Jackson hafði haslað sér
völl sem hæfileikaríkur og spennandi
leikstjóri, stóð svo til að hann legði út
í endurgerð King Kong af alvöru. En
eftir nokkurra mánaða undirbún-
ingsvinnu var hætt við verkið, að-
standendum þess til mikilla von-
brigða. Eftir á að hyggja reyndist sú
ráðstöfun mikið gæfuspor því það var
þá sem Jackson bauðst tækifæri til
að leggja af stað með verkefnið sem
kom honum á spjöld kvikmyndasög-
unnar, það er að segja þríleikinn
byggðan á Hringadróttinssögu eftir
J.R.R. Tolkien. Að því ævintýri loknu
kom ekkert annað til greina af hálfu
Jackson en að leggja til atlögu við
myndina sem var og er enn í mestu
uppáhaldi hjá honum, og eins og við
mátti búast er útkoman mikið sjón-
arspil.
Skull Island og Manhattan
árið 1933 búin til stafrænt
King Kong er tekin á Nýja-Sjá-
landi en sagan gerist annars vegar á
Manhattan og hins vegar á hitabelt-
iseyjunni Skull Island. Bæði eyjan og
hennar margslungna, yfirnáttúrlega
plöntu- og dýralíf og Manhattan eins
og hún leit út árið 1933 eru búnar til
stafrænt en að baki liggur tveggja
ára þrotlaus vinna 750 manna starf-
liðs. Þeir Joe Letteri og Richard
Taylor, sem höfðu yfirumsjón með
tæknibrellum og stafrænni vinnslu
myndarinnar, fóru einnig fyrir
tæknivinnslunni við gerð Hringa-
dróttinssöguþríleiksins og hafa að
miklu leyti sama fólk í liði sínu nú.
Þeir segjast afar fegnir að hætt hafi
verið við gerð King Kong á sínum
tíma, því annars hefði hún aldrei get-
að orðið sú mynd sem hún varð, bæði
vegna þess hversu tækninni hefur
fleygt fram og ekki síður vegna
þeirrar reynslu sem mannskapurinn
bjó að við gerð hennar eftir að hafa
unnið að þríleiknum. Þeir leggja
áherslu á að í þeirri gríðarlega miklu
vinnu sem lögð sé í tæknilega hlið
þessara mynda sé aldrei litið svo á að
stafræna vinnslan og tæknibrellurn-
ar séu eitt og sagan sjálf annað. Í
þeirra huga sé þetta allt samtvinnað,
sagan búi í því sem birtist stafrænt
og tæknibrellurnar hafi þann tilgang
að fleyta sögunni áfram.
Svo virðist sem kvikmyndir Jack-
sons séu unnar í mikilli og náinni
samvinnu og að sú samvinna nái yfir
allt sköpunarferlið. Starfslið hans,
hvort sem um ræðir brellumeistara
eða leikara, tekur fram að Jackson sé
einstaklega opinn fyrir hugmyndum
og athugasemdum annarra og að
hann vilji ræða stærstu og smæstu
atriði í þaula og þróa og bæta hug-
myndir eins lengi og þörf krefur.
Sjálfur hneigist Jackson til að nota
fornafnið „við“ en ekki „ég“ þegar
hann talar um vinnuna við King
Kong og gerir það meira að segja
þegar hann spurður út í eigið vinnu-
lag sérstaklega.
Unnið fram á allra síðustu stundu
Á blaðamannafundi sem haldinn
var í New York um síðustu helgi
svaraði Jackson spurningum blaða-
manna sem höfðu fengið tækifæri til
að sjá myndina kvöldið áður á forsýn-
ingu. Jackson byrjaði á því að við-
urkenna að hann væri mjög þreyttur,
enda tveggja ára stíf vinnutörn við
gerð myndarinnar að baki, og sagði
að vinnan við að fullklára myndina
hefði bókstaflega staðið fram á síð-
ustu stundu. Fáeinum dögum áður
hafi hann enn verið að ganga frá síð-
ustu smáatriðum við lokaútgáfu
myndarinnar og segir hann að þeirri
vinnu hafi í raun ekki lokið fyrr en
hann og hans fólk varð að leggja af
stað frá Nýja-Sjálandi til Bandaríkj-
anna til að hefjast handa við kynn-
ingu myndarinnar.
„Þetta snerist aldrei um að við
hefðum ekki mynd í höndunum til að
frumsýna 14. desember, það var eng-
in hætta á því að það myndi gerast,“
segir Jackson. „En við erum þess
háttar kvikmyndagerðarfólk að við
notum hvert einasta augnablik sem
gefst til að vinna í myndinni okkar.
Því um leið og maður hættir þá finnst
manni eins og það hljóti að þýða að
myndin sé fullkomin. En myndin er
auðvitað ekki fullkomin, engin mynd
er nokkurn tímann fullkomin og
þessi mynd er ekki fullkomin. En
mynd hefur yfirleitt tilheigingu til að
verða betri því lengur sem maður
vinnur við hana og því meiri tíma sem
maður eyðir í hana.“
Ef King Kong væri gervilegur
væri myndin dauð
Jackson er spurður að því hver
hafi verið stærsta áskorunin við að
kvikmynda söguna um King Kong.
Hann svarar því strax til að ekkert
hafi verið auðvelt við gerð þessarar
myndar og að allt hafi í raun verið
áskorun, en sú stærsta hafi líklega
verið að sú að gera King Kong sjálfan
að trúverðugri persónu.
„Ef Kong væri gervilegur, ef fólk
tryði ekki á hann í hverju einasta at-
riði þar sem hann kemur við sögu og
hugsaði með sér; þessi Kong er nú
meira hallærið, þá mætti gleyma
myndinni eins og hún leggur sig.
Myndin væri dauð, hún yrði að at-
hlægi. Þannig að ef ég sný spurning-
unni við og segi ykkur hvað ég hafi
óttast mest við gerð myndarinnar þá
væri það að Kong myndi ekki virka
sem persóna og í framhaldi af því að
samband hans og Anne Darrow yrði
ótrúverðugt. Ég hafði ekki miklar
áhyggjur af tæknihliðinni, ég er með
snillinga sem vinna í tæknibrellum
og það er ekkert erfitt fyrir mig sem
leikstjóra að segja við mitt fólk; hey,
finnum nýja leið til að láta Kong
drepa fleiri risaeðlur, og þá er hægt
að búa til mikið fjör í tíu mínútur eða
svo. En vandinn fyrir mig er að
byggja upp þetta samband, tilfinn-
ingasamband sem lætur fólk finna
fyrir einhverju í hjarta sínu.“
Jackson segir að við gerð handrits-
ins hafi verið ljóst að samband þeirra
King Kong og Anne Darrow, sem
leikin er af Naomi Watts, yrði þunga-
miðja sögunnar og að þær Philippa
Boyen og Fran Walsh, sem skrifuðu
með honum handritið, hafi verið sam-
mála honum um hvað ætti að draga
fram í samskiptum þeirra og hvað
ætti að forðast.
„En eitt af því sem gerðist á
Peter Jackson segir leikaranum Jack Black til á tökustað.
Æsku-
draumur
rætist
Hvað er svona merkilegt við allt of stóran górilluapa sem heldur á sætri stelpu í annarri krumlunni og sveiflar sér á toppi Empire State-byggingarinnar
með hinni? Birna Anna Björnsdóttir komst að því þegar hún sá glænýja útgáfu af King Kong og sat blaðamannafundi með aðstandendum myndarinnar
í New York um síðustu helgi, þeirra á meðal aðalleikkonunni Naomi Watts og leikstjóranum Peter Jackson.
Adrien Brody í hlutverki handritshöfundarins verður einhvers var á Skull Island.