Morgunblaðið - 11.12.2005, Blaðsíða 48
48 SUNNUDAGUR 11. DESEMBER 2005 MORGUNBLAÐIÐ
MENNING
Falleg og vönduð plata
á ljúfum nótum.
Samúel Jón Samúelsson
sá um útsetningar og
upptökustjórn.
Inniheldur m.a. lagið
“We have all the time
in the world”
í flutningi Sollu og
Páls Óskars Hjálmtýssonar.
Útgáfa: sjsmusic
Dreifing: 12 Tónar
Útgáfutónleikar í Iðnó
ásamt 10 manna hljómsveit,
þriðjudaginn 13. desember kl. 21:00
Miðasala í Iðnó og á www.midi.is
Fyrsta sólóplata Sólveigar Samúelsdóttur
söngkonu komin í verslanir
www.solla.is
ÓLAFUR Egill Egilsson leikari hef-
ur ýmis járn í eldinum. Þó íslenskir
leikhúsgestir fái að njóta krafta hans
víða um þessar mundir; í Brimi Jóns
Atla Jónassonar sem ferðast hefur
um allt land frá því snemma á síðasta
ári; í Woyzeck Büchners í Borgar-
leikhúsinu og í Túskildingsóperu
Brechts, sem er jólasýning Þjóðleik-
hússins, hafa honum einnig borist til-
boð um að leika fyrir enska áhorf-
endur í þarlendum sýningum. Og það
fleiri en eitt tilboð.
„Það má nú segja frá þessu í stuttu
máli,“ segir Ólafur þegar við spjöllum
saman inni í nýju og enn ónotuðu
rými Þjóðleikhússins, Kassanum við
Lindargötu. „Við í Vesturporti höfum
farið með tvær sýningar út til Lond-
on, Rómeó og Júlíu og síðan Woyzeck
núna í haust. Í kjölfarið hefur verið
haft samband við mig frá tveimur
leikfélögum úti í London, með tilboði
um að leika með þeim.“
Young Vic og RSC
Leikfélögin sem hafa falast eftir
Ólafi eru engin smáleikfélög. Í það
minnsta er ekki hægt að segja það
um Royal Shakespeare Company,
eitt virtasta leikfélag heims, sem hef-
ur boðið Ólafi að ganga til liðs við
einn hópanna sem starfa innan vé-
banda þess á næsta ári, og setja með
þeim upp þrjú af leikritum Shake-
speares; Júlíus Sesar, Antoníus og
Kleópötru og Ofviðrið. Ætlun RSC er
að setja upp öll leikrit skáldsins á
árinu, og verður að venju sýnt að
sumri til í Stratford, en á öðrum tím-
um inni í London sjálfri. Einnig eru
fyrirhuguð ferðalög til Bandaríkj-
anna með sýningarnar. „Mér leist
ágætlega á þetta tilboð, en það sem
hékk á spýtunni var að ég þyrfti að
koma út til þeirra í janúar, og vera í
14 mánuði. Það hentaði mér engan
veginn, því ég var búinn að ráðstafa
mínum tíma í janúar, og því er þetta
ennþá í vinnslu,“ segir Ólafur.
Hann segist vera mest spenntur
fyrir Ofviðrinu af leikritunum þrem-
ur, í leikstjórn Ruperts Gould, og
hafa því komið upp hugmyndir um að
Ólafur ráði sig bara í það eina verk-
efni. „Það er hins vegar ekkert sér-
staklega praktískt fyrir þá að flytja
inn dýran starfskraft, sem ekki er
hægt að nýta meira að fullu,“ segir
hann, en kaup og kjör segir hann öll
hin bestu, fyrir utan launin sem því
fylgja að fá að leika með svo reyndum
hópi leikhúsfólks. „Það þarf að skoða
allt frá praktísku sjónarhorni, líka í
listum, þó það geti verið pirrandi.
Lögmál markaðarins verða að ráða, í
heimi þar sem allt er til sölu.“
Hitt leikfélagið sem hefur óskað
eftir kröftum Ólafs er honum að góðu
kunnugt, því það er Old Vic-leikhúsið,
þar sem Vesturport fékk inni á sínum
tíma með Rómeó og Júlíu. Leikhúsið
hefur verið lokað um skeið vegna
endurbóta, en verður opnað á ný á
næsta ári. „Vinur okkar David Lan,
leikhússtjóri í Young Vic, ætlar sjálf-
ur að leikstýra sýningu þar í haust og
vill fá mig til að taka þátt í því með
sér,“ segir Ólafur. Leikritið sem fyr-
irhugað er að setja upp þar heitir The
Soldier’s Fortune og er eftir Thomas
Otway, skrifað á fyrri hluta 19. aldar.
„Þetta er svona „british wit“, og í því
kemur Fransmaður við sögu sem ég
myndi leika. Svona til að afsaka
hreiminn.“
Velur verkefnin á þeirra
eigin forsendum
Ólafur segist ekki á því að rjúka
upp til handa og fóta út af öllum þess-
um tilboðum, eins spennandi og þau
séu og mikið hrós. Enn hafa engar
endanlegar ákvarðanir verið teknar,
en málið skýrist á næstu vikum.
„Þetta þarf allt að skoðast. Hér
heima þekkir maður yfirleitt leik-
stjórann eða leikhúsið eða einhvern
af aðstandendum verkefna, eða getur
aflað sér upplýsinga auðveldlega –
Mokar með teskeið-
inni á hverjum degi
Allt frá því að Ólafur
Egill Egilsson útskrif-
aðist úr Listaháskóla
Íslands fyrir fáeinum
misserum hefur hann
verið áberandi í ís-
lensku leikhúslífi.
Inga María Leifs-
dóttir ræddi við Ólaf
um tækifærin sem
honum hafa boðist,
bæði hér heima og nú
síðast í Englandi.
Ljósmynd/Jón Gunnar Ólafsson
Ólafur hneigir sig ásamt öðrum aðstandendum Woyzeck á frumsýningu í Barbican Center í London.
Úr Brimi eftir Jón Atla Jónasson.
Morgunblaðið/Ásdís
„Það þarf að skoða allt frá praktísku
sjónarhorni, líka í listum, þó það geti
verið pirrandi,“ segir Ólafur Egill
Egilsson, sem fer með hlutverk
Makka hnífs í Túskildingsóperunni í
Þjóðleikhúsinu um jólin.
smáauglýsingar mbl.is