Morgunblaðið - 11.12.2005, Blaðsíða 63
MORGUNBLAÐIÐ SUNNUDAGUR 11. DESEMBER 2005 63
MINNINGAR
✝ Ólöf VilhelmínaSigurbjörns-
dóttir fæddist í Götu
í Vopnafirði í Norð-
ur-Múlasýslu 13.
maí 1924. Hún lést á
hjúkrunarheimilinu
Sunnuhlíð 28. nóv-
ember síðastliðinn.
Foreldrar hennar
voru hjónin Þórunn
Karitas Ólafsdóttir,
f. á Teigi í Vopna-
firði 25. október
1884, d. 1. mars
1957 og Sigurbjörn
Stefánsson, f. á Egilsstöðum í
Hofssókn í Vopnafirði 1. október
1866, d. 8. mars 1949. Systkinin
sem komust til fullorðinsára voru
Óskar, f. 1904, Stefán, f. 1906,
Klara, f. 1910, Ólafur, f. 1913, Vig-
fús, f. 1915, Stefanía, f. 1918, og
Alfreð, f. 1921, þau eru öll látin.
Ólöf giftist Gísla Friðgeiri Guð-
jónssyni frá Viðborði á Mýrum í
Austur-Skaftafellssýslu, f. 31.
október 1918, d. 14. september
1986. Foreldrar hans voru hjónin
Pálína Jónsdóttir, f. í Flatey á
Mýrum í Austur-Skaftafellssýslu
22. október 1885, d. 11. desember
1941 og Guðjón Gíslason, f. í
Hraunkoti í Lóni í S-Múlasýslu 3.
júlí 1885, d. 3. mars 1937. Börn
Ólafar og Friðgeirs eru: 1) Erla, f.
1944, maki Guð-
mundur Jakobsson,
þau eiga fjögur
börn og tíu barna-
börn. 2) Drengur, f.
1945, lést nýfæddur.
3) Þóra, f. 1946,
maki Rafn Ólafsson,
þau eiga þrjú börn
og fimm barnabörn.
4) Sigurbjörg, f.
1948, maki Hreinn
Benediktsson, þau
eiga þrjú börn og
ellefu barnabörn. 5)
Pálína, f. 1951, maki
Jón Norðquist, þau eiga þrjú börn
og þrjú barnabörn. 6) Hulda, f.
1953, maki Sigurður Magnússon,
þau eiga þrjú börn og fimm barna-
börn. 7) Fríða, f. 1954, maki Helgi
Jónsson, þau eiga fjögur börn og
fimm barnabörn. 8) Guðjón, f.
1959, lést 1963. 9) Guðjón Hreinn,
f. 1964.
Ólöf og Friðgeir hófu búskap á
Vopnafirði en fluttu síðan til
Reykjavíkur árið 1945. Árið 1946
hófu þau byggingu á húsi sínu að
Álfhólsvegi 111 þar sem þau
bjuggu alla tíð. Ólöf dvaldist á
hjúkrunarheimilinu Sunnuhlíð frá
því í febrúar síðastliðinn við góða
umönnun.
Útför Ólafar fór fram 5. desem-
ber í kyrrþey.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Við þökkum þér elsku mamma fyr-
ir allt það sem þú varst okkur. Guð
geymi þig.
Þín
Erla, Þóra, Sigurbjörg,
Hulda, Fríða, Guðjón.
Þú áttir þrek og hafðir verk að vinna
og varst þér sjálfri hlífðarlaus og hörð.
Þú vaktir yfir velferð barna þinna.
Þú vildir rækta þeirra ættarjörð.
Frá æsku varstu gædd þeim góða anda,
sem gefur þjóðum ást til sinna landa
og eykur þeirra afl og trú.
En það er eðli mjúkra móðurhanda
að miðla gjöfum – eins og þú.
Ég flyt þér móðir þakkir þúsundfaldar,
og þjóðin öll má heyra kvæðið mitt,
er Íslands mestu mæður verða taldar,
þá mun það hljóma fagurt nafnið þitt.
Blessuð sé öll þín barátta og vinna.
Blessað sé hús þitt, garður feðra minna,
sem geymir lengi gömul spor.
Haf hjartans þakkir, blessun barna þinna, –
og bráðum kemur eilíft vor.
(Davíð Stefánsson frá Fagraskógi.)
Þín dóttir
Pálína.
Nú er tengdamóðir okkar komin á
sinn samverustað við hlið Friðgeirs
Guðjónssonar sem var henni allt í lif-
anda lífi. Ólöf og Friðgeir vöru frum-
býlingar í Kópavogi, árið 1947 hófust
þau handa við húsbyggingu við
Digraneshálsinn sem síðar varð að
Álfhólsvegi 111.
Við tengdasynirnir viljum þakka
fyrir allan þann stuðning og hjálpar-
hönd sem sómahjónin á Álfhólsvegi
veittu börnum og síðar barnabörnum
sínum við að stofna heimili og koma
undir sig fótunum í lífinu. En þá var
lítil íbúð á jarðhæðinni ávallt í boði
þeirra sem voru í byggingafram-
kvæmdum.
Eftir fráfall Friðgeirs sótti Ólöf
huggun og hugarró í sumarbústaðinn
við Meðalfellsvatn. Þar var tekið á
móti afkomendum og öðrum gestum
með opinn faðm og gjarnan gleymd-
um við stað og tíma við veiðar við
bakkann eða á smábát á vatninu.
Barnabörnin urðu glöð þegar Ólöf
amma tók að sér tíkina Tinnu og
löngu síðar læðuna sem fékk nafnið
Birta, þá var fjör á Álfhóli. Að leið-
arlokum viljum við kveðja ástkæra
tengdamóður og þakka henni sam-
fylgdina með ljóði Einars Benedikts-
sonar.
Ég fann á þínum dánardegi,
hve djúpt er staðfest lífs vors ráð. –
Ég sá allrar sorgar vegi
er sólskin til með von og náð. –
Og út yfir þitt ævikvöld
skal andinn lifa á nýrri öld.
Hvíli hún í friði.
Tengdasynir.
Mig langar með örfáum orðum til
að minnast ömmu minnar, Ólafar Vil-
helmínu Sigurbjörnsdóttur. Amma
var dugnaðarforkur mikill, hún ól alls
9 börn en upplifði þá sáru sorg að
missa 2 syni sína mjög unga. Ríki-
dæmi ömmu er mikið í afkomendum
talið en alls erum við 59 talsins. Á
mínum yngri árum var ég daglegur
gestur á heimili afa og ömmu. Þangað
var alltaf gott að koma, ilmurinn frá
kleinubakstrinum tók á móti manni er
maður gekk niður innkeyrsluna og
oftar en ekki var ég beðin um að máta
sokka eða vettlinga sem amma var að
prjóna á okkur barnabörnin. Amma
vann í mörg ár við að þrífa skólastofur
í Digranesskóla sem var minn barna-
skóli og var hún sérstaklega lagin
með kústinn og moppurnar, enda
lagði hún mikinn metnað í að skila
sínu verki vel.
Afi minn heitinn var góður maður
en hann dó fyrir tæpum 2 áratugum
síðan en amma saknaði hans mikið
allt til dánardags. Þau áttu lítið at-
hvarf upp við Meðalfellsvatn í Kjós og
þar fannst þeim gott að vera. Þar
höfðu þau aðstöðu til að rækta græn-
meti, setja niður kartöflur og gróð-
ursetja tré. Þegar aðstæður leyfðu
var farið út á vatn að veiða enda var
afi mikill og reyndur veiðimaður. Þau
ferðuðust utan saman og þessar ferð-
ir voru ömmu alla tíð ofarlega í huga
enda rifjaði hún þær ávallt upp þegar
minnst var á ferðalög til útlanda.
Það voru mikil forréttindi að hafa
átt þessa duglegu og góðu konu fyrir
ömmu en hún var mér bæði blíð og
kær. Ég veit að hún var hvíldinni feg-
in en ég á eftir að sakna hennar mikið.
Mig langar til að kveðja hana með
þessu fallega ljóði:
Kem ég nú að kistu þinni,
kæra amma mín,
mér í huga innst er inni
ástarþökk til þín.
Allt frá fyrstu æskustundum
átti ég skjól með þér
í þínu húsi þar við undum,
þá var afi líka hér.
Kem ég nú að kveðja ömmu
klökkvi í huga býr.
Hjartans þökk frá mér og mömmu
minning lifir skýr.
Vertu sæl í huldu heimi
horfnir vinir fagna hljótt
laus við þrautir, Guð þig geymi
góða amma sofðu rótt.
(Helga Guðmundsdóttir.)
Þín
Íris.
Guð gefur og tekur, þannig er
gangur lífsins, nú er komið að leið-
arlokum hjá ömmu eftir erfið veikindi
sl ár. Minningar um yndislega og
góða konu standa eftir og ylja manni
um hjartarætur.
Mér finnst við hæfi að kveðja með
þessu fallegu ljóði:
Horfinn er vinur handan yfir sundin,
hryggðin er sár, svo jafnvel tárast grundin.
Þá er svo gott, um ævi megum muna
milda og fagra geymum kynninguna.
Óvæntust ætíð kemur kveðjustundin
kærast í hjarta geymum minninguna.
(Vilhjálmur S.V. Sigurjónsson.)
Ólafur (Óli Palli).
ÓLÖF VILHELMÍNA
SIGURBJÖRNS-
DÓTTIR
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
ÚTFARARSTOFA
HAFNARFJARÐAR
Flatahrauni 5A, sími 565 5892
Kistur - Krossar
Prestur - Kirkja
Kistulagning
Blóm - Fáni
Val á sálmum
Tónlistarfólk
Sálmaskrá
Tilk. í fjölmiðla
Erfisdrykkja
Gestabók
Legstaður
Flutningur kistu á
milli landa og
landshluta
Landsbyggðar-
þjónusta
ÚTFARARSTOFA ÍSLANDS
Komum heim til aðstandenda ef óskað er
Sverrir
Einarsson
Bryndís
Valbjarnardóttir
Oddur
Bragason
Guðmundur
Þór Gíslason
Ástkær faðir okkar, tengdafaðir, afi og bróðir,
SIGURÐUR HÁKONARSON
danskennari,
Ástúni 8,
Kópavogi,
verður jarðsunginn frá Bústaðakirkju mánudaginn
12. desember kl. 13.00.
Ásdís Sigurðardóttir, Kristinn J. Reimarsson,
Halldór Bogi Sigurðsson,
Kristófer Rúnar, Sylvía Ósk og Líney Lára,
Stefán Stefánsson, Dalía Marija Morkunaite,
Pétur Jökull Hákonarson, Kolbrún Ólafsdóttir
og aðrir ástvinir.
Ástkær faðir okkar tengdafaðir, afi, langafi og
langalangafi,
PÁLL ÞÓRIR ÓLAFSSON,
Hrafnistu, Hafnarfirði,
áður til heimilis í Jökulgrunni 17,
Reykjavík,
verður jarðsunginn frá Áskirkju í Reykjavík þriðju-
daginn 13. desember kl. 13.00.
Blóm og kransar eru vinsamlega afþakkaðir en þeim, sem vilja minnast
hans, er bent á Félag aðstandenda Alzheimerssjúklinga.
Ólafur Pálsson,
Guðríður Pálsdóttir, Viktor S. Guðbjörnsson,
Elínborg S. Pálsdóttir, Guðmundur Einarsson,
Sigurður S. Pálsson, Kristín A. Jóhannesdóttir,
Páll Þ. Pálsson, Anna S. Agnarsdóttir,
Margrét Pálsdóttir, Jónas Bjarnason
og aðrir aðstandendur.
Þökkum auðsýnda samúð við andlát og útför
föður okkar, tengdaföður, afa og langafa,
GUÐBJÖRNS FRÍMANNSSONAR,
Heiðarvegi 8,
Selfossi.
María Guðbjörnsdóttir,
Sigurður Óli Guðbjörnsson, Svala Halldórsdóttir,
Sigurður Einar Steinsson, Soffía Gunnlaugsdóttir,
Hanna Steinsdóttir,
Ólafur Jens Sigurðsson,
Sigrún Sigurðardóttir, Erling Klingenberg,
Ívar Örn Sigurðsson,
Auður Sif , Steinn Hermann, Fjóla María,
Viktor Kolbeinn, Pétur Guðbjörn, Ragnheiður Lóa,
Katrín og Steinar Máni.
Þökkum öllum þeim, sem sýndu okkur samúð og
hlýhug við andlát og útför
EDDU EIRÍKSDÓTTUR
frá Kristnesi,
Reykhúsum 4c,
Eyjafjarðarsveit.
Eiríkur Rafnsson, Bryndís Snorradóttir,
Helgi Rafnsson, Hjördís Magnúsdóttir,
Emilía Rafnsdóttir, Gauja Rúnarsdóttir,
ömmubörn
og systkini hinnar látnu.
Innilegar þakkir sendum við öllum þeim sem
sýndu okkur samúð og hlýhug við andlát og útför
elskulegs eiginmanns míns, föður, tengdaföður
og afa,
GUNNARS ODDS SIGURÐSSONAR,
Ástúni 10,
Kópavogi.
Sérstakar þakkir færum við Kjartani Örvar lækni
og starfsfólki lyflækningadeildar St. Jósefsspítala.
Guð gefi ykkur öllum gleðileg jól.
Margrét Þórunn Þórðardóttir,
Þórdís Gunnarsdóttir, Scott M. Evans,
Sigurdís Gunnarsdóttir, Sigfinnur Þ. Lúðvíksson,
Sigþór Gunnarsson, Íris Guðmundsdóttir,
Gunnar, Óskar, Ólöf og Dagur Þór.