Morgunblaðið - 21.12.2005, Qupperneq 6

6 MIÐVIKUDAGUR 21. DESEMBER 2005 MORGUNBLAÐIÐ
FRÉTTIR
Gyrði Elíasson
Safn nýrra smásagna eftir
Gyrði Elíasson, þann
óviðjafnalega stílsnilling.
Eilífsdalur • Hús á tveimur hæðum • Keðjuverkun
Bók eftir bók • Að heyra blýant detta • Silfurnefið •
Píanóið• Teljósin • Fuglaveiðar • Bílhræið •
Heimurinn er einn • Skrifherbergið • Flugleiðin til
Halmstad • Morgunn í Vesturbænum • Fuglamál-
arinn frá Boston • Týnda Grimmsævintýrið •
Vetrarhótel • Trésmíðaverkstæðið • Vatnaskil •
Berjasaftin • Flyglakaupmaðurinn • Homo
pastoralis • Draumagleraugun • Sumarbókin
„Smásögur Gyrðis eru einfaldlega með
því besta sem er skrifað.“
Skafti Þ. Halldórsson, Mbl.
edda.is
– Úlfhildur Dagsdóttir um bækur Gyrðis
„Aldrei minna
en meiriháttar“
ÞORSTEINN Pálsson, fyrrverandi
ráðherra og sendiherra, hefur beðist
undan því að ritstýra bók um þing-
ræðisregluna og sögu hennar frá
1904. Hann greindi forsætisnefnd
Alþingis frá þessari ákvörðun sinni í
bréfi til nefndarinnar, fyrr í mán-
uðinum. Sólveigu Pétursdóttur, for-
seti Alþingis, þykir þessi ákvörðun
miður og segir að Þorsteinn sé vissu-
lega hæfur til verksins. Hún hefur
skipað dr. Þorstein Magnússon,
stjórnmálafræðing og forstöðumann
á skrifstofu Alþingis, í ritnefnd bók-
arinnar í stað nafna síns Pálssonar.
Halldór Blöndal, fyrrverandi for-
seti Alþingis, átti frumkvæðið að því
að bókin yrði rituð og fór þess á leit
við Þorstein að hann ritstýrði verk-
inu og ritaði það að meginhluta.
„Þegar Halldór Blöndal fór fram á
þetta við mig í fyrrahaust fannst
mér það áhugavert,“ útskýrir Þor-
steinn Pálsson, „en ég setti fram það
skilyrði um að það yrði að vera góð
samstaða vegna þess að verkefnið er
þess eðlis. Síðan samþykkti forsæt-
isnefnd Alþingis að fara í þetta verk-
efni og fela mér það. Það kom hins
vegar í ljós í umræðum um þetta
seint í október að ekki var um þetta
samstaða á Alþingi og að ákvörðun
forsætisnefndar naut ekki óskoraðs
stuðnings í þinginu. Þar með lá fyrir
að það væru brostnar forsendur fyr-
ir því að ég kæmi að málinu. Það lá
fyrir að ég myndi ekki gera þetta ef
ágreiningur yrði í þinginu.“
Í bréfi sínu til forsætisnefndar
gerir hann grein fyrir þessum sjón-
armiðum. Hann vísar til umræðna á
Alþingi í lok október sl. en þar
átöldu þingmenn stjórnarandstöð-
unnar þá ákvörðun Halldórs að fela
Þorsteini að sjá um verkið. Mörður
Árnason, þingmaður Samfylkingar-
innar og málshefjandi umræðunnar,
sagði m.a. að þótt Þorsteinn væri
mætur maður og lögfræðingur að
mennt, þá væri hann, að því er virt-
ist, byrjandi í fræðiskrifum. Aðrir
þingmenn stjórnarandstöðunnar,
sem til máls tóku, og Kristinn H.
Gunnarsson, þingmaður Framsókn-
arflokksins, töluðu á svipuðum nót-
um.
Einstaka þingmenn vitnuðu einn-
ig til ályktana stjórnar Hagþenkis,
félags höfunda fræðirita og kennslu-
gagna, stjórnar Sagnfræðinga-
félagsins og stjórnar Fróða, félags
sagnfræðinema við Háskóla Íslands,
en þær sögðu m.a. að óeðlilegt væri
að leita ekki til fræðimanna sem
hefðu stundað rannsóknar á um-
ræddu sviði.
Þorsteinn segir í bréfi sínu að í
þingumræðunni hafi komið í ljós að
einhugur forsætisnefndarinnar, um
að fela honum verkið, hafi ekki
endurspeglast á Alþingi sjálfu. „Um-
ræðan varpaði þeim skugga á
ákvörðun forsætisnefndarinnar að
forsendur voru þar með brostnar
fyrir því að ég ætti þar hlut að máli í
samræmi við það sem fyrir lá af
minni hálfu þegar málaleitan Al-
þingis var borin fram.“
Verði ekki safn fræðigreina
Forsætisnefnd Alþingis fjallaði
um bréf Þorsteins á fundi sínum í
fyrradag. Sólveig Pétursdóttir segir
að nefndin hafi þar samþykkt að
halda verkinu áfram. Jafnframt bók-
aði nefndin þá samþykkt sína að rit-
stjórn verksins yrði þriggja manna, í
stað tveggja, og að forseta þingsins
yrði falið að skipa þriðja manninn
sem hefði menntun í stjórnmála-
fræði.
Sólveig ákvað í kjölfarið að skipa
dr. Þorstein Magnússon stjórnmála-
fræðing í nefndina, eins og áður
sagði. Fyrir voru í nefndinni þau
Ragnhildur Helgadóttir, lektor í
stjórnskipunarrétti við Háskólann í
Reykjavík, og Helgi Skúli Kjartans-
son, prófessor í sagnfræði við Kenn-
araháskóla Íslands. Að sögn Sólveig-
ar er ritnefndinni ætlað að skipta
með sér verkum og velja sér for-
mann.
Í bókun forsætisnefndarinnar er
ritnefndinni falið að gera tillögu um
hvernig staðið verði að ritun bók-
arinnar. Sömuleiðis er ritnefndinni
sjálfri ætlað að leggja „fram skerf til
ritunar bókarinnar, en [forsætis-
nefnd] hvetur jafnframt til þess að
ritnefnd kanni áhuga annarra fræði-
manna til að skrifa um nánar tiltekin
atriði um þingræðisregluna, sögu
hennar og framkvæmd,“ eins og seg-
ir í bókuninni.
Sólveig segir að þarna sé hafður
sami háttur á og við ritun þúsund
ára sögu kristni á Íslandi, en það rit-
verk kom út fyrir nokkrum árum að
tilhlutan Alþingis. „Ég legg áherslu
á að hugmyndin er ekki sú að þetta
verði safn fræðigreina, heldur heild-
stætt verk í höndum ritnefndarinn-
ar,“ segir hún.
Sólveig kveðst aðspurð ekki eiga
von á öðru en að full samstaða eigi
eftir að ríkja um þetta verk hér eftir.
„Ég hef enga trú á þetta mál fái ein-
hverja gagnrýni. Þetta eru ákaflega
hæfir einstaklingar sem skipa rit-
nefndina.“ Hún segir að lokum um
umrædda ákvörðun Þorsteins að
„orð á Alþingi séu greinilega dýr“.
Þorsteinn Pálsson biðst undan því að
ritstýra bók um þingræðisregluna
Segir forsendur
brostnar fyrir
aðkomu sinni
Eftir Örnu Schram
arna@mbl.is
Þorsteinn
Pálsson
Sólveig
Pétursdóttir
FASTEIGNASKATTUR á íbúða-
húsnæði í Reykjavík lækkar um tæp
22% á næsta ári, úr 0,32% í 0,25%, og
kemur lækkunin til vegna mikilla
hækkana á fasteignaverði. Þetta var
samþykkt í borgarstjórn í gær.
Lóðaleiga verður óbreytt, 0,08% af
lóðamati.
Markmiðið er að borgin taki ekki
til sín óvenju mikla hækkun á tekjum
vegna hækkunar á húsnæðisverði,
eins og Steinunn Valdís Óskarsdóttir
borgarstjóri kynnti í umræðu um
fjárlög borgarinnar. Álögð upphæð
hækki því aðeins um sem samsvarar
hækkun byggingarvísitölu, eða um
5% að jafnaði. Fasteignaskatturinn
er reiknaður sem hlutfall af fast-
eignamati íbúðarhúsnæðis, en sam-
kvæmt úrskurði yfirfasteignamats-
nefndar hækkar fasteignamat
íbúðarhúsnæðis í sérbýli um 35%
milli áranna 2005 og 2006. Hækkunin
var minni í fjölbýli, eða 30%.
Álagning á atvinnuhúsnæði verð-
ur óbreytt, eða 1,32%.
Fasteignaskattar lækka
um 22% í borginni
FRAMFARAHÁTÍÐ starfsfólks
taugalækningadeildar B-2 á Land-
spítala – háskólasjúkrahúss Foss-
vogi og fulltrúa félaga taugasjúk-
linga fór fram í gær. Hátíðin var
haldin til þess að fagna stærra og
betra húsnæði dagdeildar tauga-
lækningadeildar, gjöfum til
deildarinnar og yfirlýsingu um
samstarf LSH og félaga taugasjúk-
linga og var Jón Kristjánsson heil-
brigðisráðherra viðstaddur hana.
Jónína H. Hafliðadóttir, deildar-
stjóri á taugalækningadeild,
greindi frá stækkun húsnæðis
deildarinnar. Hún sagði að dag-
deild taugalækningadeildar hefði
flutt í stærra og betra húsnæði 30.
nóvember síðastliðinn. Hún er nú á
deild A-2 í Fossvogi og þar verður
rými fyrir sex sjúklinga í ýmiss
konar meðferð. Göngudeild hjúkr-
unar fyrir taugasjúklinga verður
áfram í gamla húsnæði dagdeildar-
innar, fyrir framan deild B-2. „Það
hefur átt sér stað mikil endurskipu-
lagning á ferli og starfsemi bæði
innan taugadeildar og dagdeildar
og markmiðið er að veita sjúkling-
um markvissari og betri þjónustu
og stytta legutíma á legudeildum,“
sagði Jónína.
Þá afhentu fjögur félög, Heila-
heill, MND-félagið, MG-félagið og
Parkinsonsamtökin á Íslandi, deild-
inni gjafir fyrir 1,3 milljónir króna.
Um er að ræða tvær Ivac vökvadæl-
ur, sérútbúið borð fyrir hjúkrunar-
vörur og til lyfjagjafa, lífsmarka-
mæli og tvo hvíldarstóla fyrir nýtt
hvíldar- og slökunarherbergi á
taugalækningadeild B-2. Guðjón
Sigurðsson, formaður MND-
félagsins tók til máls og lýsti meðal
annars ánægju sinni með stækkun
taugalækningadeildarinnar. Þakk-
aði hann stjórnendum sjúkrahúss-
ins góða samvinnu.
Sú fyrsta sinnar tegundar
Ennfremur var á hátíðinni í gær
undirrituð viljayfirlýsing um sam-
starf Landspítala – háskólasjúkra-
húss og félaga taugasjúklinga og
var heilbrigðisráðherra vottur að
undirrituninni. Samstarfsyfirlýs-
ingin er sú fyrsta sinnar tegundar
en þau félög sem undirrituðu hana
eru MND félag Íslands, MG-félag
Íslands, MS- félag Íslands, Heila-
heill, Lauf – landssamtök áhuga-
manna um flogaveiki og Parkinson-
samtökin.
Magnús Pétursson, forstjóri
LSH, sagðist meta afar mikils þátt-
töku og samstarf líknarfélaga og
allra þeirra samtaka sem tengdust
sjúkrahúsinu. Þau léttu sjúklingum
dvöl og oft starfsmönnum einnig.
Þetta mætti bæði rekja til gjafa fé-
laganna en einnig til þátttöku
þeirra í starfi sjúkrahússins. Magn-
ús sagði að stjórnendur LSH hefðu
sett sér það markmið á næsta ári að
rækta samskiptin við samtök,
líknarfélög og ýmsa velunnara. Því
væri yfirlýsingin nú fagnaðarefni.
Jón Kristjánsson sagði að með
undirritun samstarfsyfirlýsingar-
innar væri verið að formfesta sam-
starf og samvinnu nokkurra félaga
og Landspítala – háskólasjúkra-
húss. „Hér er enn ein staðfestingin
á hinu góða sambandi sem grasrót-
in hefur við heilbrigðisstofnanir í
landinu, líknarfélög og sjúklinga-
félög,“ sagði heilbrigðisráðherra
og bætti við að þetta ætti áreiðan-
lega eftir að verða til góðs í þjón-
ustu við þessa hópa fólks og aðra.
Morgunblaðið/RAX
Heilbrigðisráðherra var meðal gesta sem fylgdust með undirritun viljayfirlýsingarinnar á LSH í gær.
Framfarahátíð á taugalækningadeild B-2 á LSH
Samstarf LSH og félaga
taugasjúklinga staðfest
Eftir Elvu Björk Sverrisdóttur
elva@mbl.is