Fréttablaðið - 28.05.2004, Blaðsíða 38

28. maí 2004 FÖSTUDAGUR10
Behind the Mounta
Pósthólf 1622, 101 Reykjavík
Sími : 511 3070
info@fjallabak.is
www.fjallabak.is
Tilvalið tækifæri að ferðast um
stórkostlega náttúru með erlendum
ferðafélögum !
©
G
ab
ri
el
P
at
ay
F
ili
pp
us
so
n
Gönguferðir um Ísland, Færeyjar og Grænland
Íslensk fararstjórn - litlir blandaðir hópar, Íslendingar ,Frakkar,
Ítalir, Englendingar og Bandaríkjamenn.
Á Stöðvarfirði er guðlegasta gistihús landsins enda vitna altari og
predikunarstóll í setustofunni um fyrra hlutverk þess. Þetta er gamla
kirkjan sem nú heitir Kirkjubær.
Hvernig skyldi Birgi Albertssyni og Ingibjörgu Eyþórsdóttur hafa
dottið í hug að breyta henni í gistihús? „Það kom þannig til að vinafólk
okkar sat hér inni í eldhúsi og sá kirkjuna blasa við út um gluggann. Þá
var búið að afhelga hana. Því datt í hug að kaupa hana fyrir sumar-
bústað og þá kviknaði hugmyndin,“ svarar Birgir. Hann segir marga
ferðamenn hafa gist í kirkjunni á síðustu árum, bæði íslenska og er-
lenda. Sumir komi bara vegna sögu hússins, aðrir hætti við vegna
hennar en þeir séu fáir. „Yfirleitt er fólk ánægt með þetta og börn eru
hrifin af að leika sér í altarinu enda tímum við hvorki að fjarlægja það
né stólinn þar sem það er engin kvöð.“
Birgir gerir meira en gefa kost á gistingu í áður helgu húsi. Hann
fer líka á sjóstöng eða í útsýnissiglingu með fólk og býður upp á bíltúra
í traustum fjallabílum, til dæmis upp í Snæfell og Kárahnjúka. Hann
segir dálítið um merkta gönguslóða í Stöðvarfirði og mælir með göngu-
ferðum yfir fjöllin til næstu þéttbýlisstaða. En er ekki Austfjarðaþokan
alltaf til vandræða? „Nei, hún er nú stórlega orðum aukin,“ segir hann
fastmæltur.
1. Guðlegasta gistihús
landsins.
2. Altarið og predikunar-
stóllinn eins og hverjar
aðrar mublur.
3. Hér er hægt að matreiða
fiskana sem veiddir eru á
sjóstöng í firðinum. Ekki
spillir brauð með.


Stöðvarfjörður:
Gist í gamla
guðshúsinu
1
[ LÓNKOT Í SKAGAFIRÐI ]
Pálína Jónsdóttir rekur bragðlaukaeldhús í Lónkoti í Sléttuhlíð í
Skagafirði. Fær flinka kokka um helgar og kveðst búin að bóka
nokkra slíka í sumar. „Við bjóðum auðvitað upp á mat alla daga því
á virkum dögum eldum við mamma og erum líka listakokkar,“
segir hún sannfærandi. „En það er gaman að fá hingað fólk til að
skapa og nota ímyndunaraflið,“ bætir hún við.
Lónkot er fjölskyldusetur því auk Pálínu eru bróðir hennar,
Ólafur Jónsson, og móðir þeirra, Ólöf Ólafsdóttir, við stjórnvölinn.
Þau hafa breytt útihúsum í veitingastað með gistingu og túninu í
níu holu golfvöll. Ómótstæðilegur matarilmur í Sölva-Bar er kom-
inn í stað fjósalyktar og fólk getur gist í fjárhúsunum og á hlöðu-
loftinu. Í risatjaldi eru ættarmót haldin og ýmsir mannfagnaðir.
Einnig er þar markaður síðustu sunnudaga hvers mánaðar þar sem
allt er selt, bæði ætt og óætt. Sýningar verða í galleríinu á staðn-
um sem eins og veitingastaðurinn er tileinkað Sölva Helgasyni,
einum þekktasta flakkara landsins.
Útsýnið er fallegt frá Lónkoti út á sundið og óvíða nýtur mið-
nætursólin sín betur. Pálína segir siglt út í Drangey og Málmey frá
Sauðárkróki og Hofsósi. Hún nýtur þess að vera á miklu menning-
arsvæði og nefnir Hóla í Hjaltadal, Síldarminjasafnið á Siglufirði
og Vesturfarasetrið á Hofsósi sem dæmi. „Allt er þetta á sama
rúntinum,“ segir hún. „Skemmtilega mikið út úr.“
Skemmtilega
mikið út úr