Fréttablaðið - 28.05.2004, Side 46

28. maí 2004 FÖSTUDAGUR18
Ystafell í Köldukinn:
Verkfæri frá upphafi vélaaldar
Sverrir Ingólfsson á Ystafelli í
Köldukinn er að ljúka við að gera
upp ‘51 módel af Land-Rover og
er búinn að verja mörgum stund-
um í hann í vetur. Massey Harris
Pony dráttarvél frá 1952 hefur
líka fengið ærlega andlits-
lyftingu. Bílar og vélar skipa
stóran sess í lífi Sverris og hann
leikur á als oddi innan um þessar
gersemar. Sverrir veit manna
best hvers virði hjólatæki eru.
Hann hefur sjálfur verið bund-
inn við hjólastól frá því hann var
23 ára. Það aftrar honum samt
ekki frá því að fást við sitt hugð-
arefni, viðgerð á vélum og bílum
og varðveislu þeirra. Hann
kveðst reyndar fá heilmikla
hjálp frá fjölskyldu, vinum og
kunningjum. Sverrir er með
heimasíðu þar sem hægt er að
fylgjast með því sem hann er að
bralla. Slóðin er ystafell.is
Ábúendur á Ystafelli fögnuðu ár-
þúsundamótum með því að koma
samgönguminjasafni upp á eigin
spýtur og nú í vor var sett upp
gamaldags bílaverkstæði í hluta
húsnæðisins, þar sem verkfæri
frá upphafi vélaaldar eru til
sýnis. Safnið verður opið gestum
alla daga í sumar kl. 10–20. „Við
höfum fengið svona rúmlega
4000 gesti á ári og getum verið
ánægð með það,“ segir Sverrir.
VESTMANNAEYJAR
Tyrkjarán og saga
fiskveiða
„Við Vestmannaeyingar mun-
um fagna sjómannadeginum
með hefðbundnum hætti og
gott betur því hér verða
opnaðar tvær merkar sýning-
ar undir yfirskriftinni Vor í
Eyjum,“ segir Kristín
Jóhannsdóttir, nýráðinn
ferðamálafulltrúi í Vest-
mannaeyjum. Hún verður að
segja okkur meira. „Önnur
sýningin heitir Maður og öng-
ull og er tileinkuð hinum
landsþekkta sægarpi Binna í
Gröf, en hann hefði orðið
hundrað ára á þessu ári. Þar
verður brugðið ljósi á 100 ár í
sögu fiskveiða í Eyjum og inn
í það tvinnast upphaf vélbáta-
útgerðar, notkun köfunar-
búnaðar frá byrjun og margt
fleira forvitnilegt.“
Kristín segir hina sýning-
una snúast um Tyrkjaránið
1627 en eins og flestir vita
höfðu þeir atburðir gríðarleg
áhrif á lífið í Eyjum. En hvar
verða þessar sýningar í bæn-
um og hversu lengi munu þær
standa? „Maður og öngull er í
húsnæði niðri við höfn og
verður opin fram yfir gos-
lokahátíð, sem er mánuði
eftir sjómannadag. Tyrkja-
ránssýningin er í Dal, sem
var lengi eini alvöru sveita-
bærinn hér og stendur
skammt frá flugvellinum. Sú
sýning verður uppi í viku.“