Fréttablaðið - 03.05.2006, Page 8

8 3. maí 2006 MIÐVIKUDAGUR
BRETLAND Þótt kosningarnar sem
fram fara í Bretlandi á morgun,
fimmtudag, séu ekki þingkosning-
ar, þá telja stjórnmálaskýrendur
að úrslit þeirra geti ráðið miklu,
bæði um setu Tony Blair forsætis-
ráðherra í stólnum, sem og um
pólitíska framtíð tveggja ráðherra
í bresku ríkisstjórninni.
Fylgi við Verkamannaflokkinn
minnkar stöðugt og hafa hneyksl-
ismál John Prescott aðstoðarfor-
sætisráðherra og Charles Clarke
innanríkisráðherra ekki bætt þar
um. Nýlegar skoðanakannanir
sýndu að Íhaldsflokkurinn væri
kominn allt að níu prósentum fram
úr Verkamannaflokknum, sem jók
á ótta Verkamannaflokksmanna
um að þeir gætu misst tökin á 15
sveitarstjórnum þar sem flokkur
þeirra er nú í meirihluta.
Fylgi landsmanna við Blair
hefur hrapað undanfarið og er nú
svo komið að 66 prósent Breta
finnst hann hafa staðið sig illa í
embætti, samkvæmt könnun sem
Sunday Times birti um helgina.
Hljóti Verkamannaflokkurinn fá
atkvæði í kosningunum á morgun,
gæti það orðið til þess að Blair
setji dagsetningu á afsögn sína.
Hann hefur lýst því yfir að hann
muni stíga úr stólnum fyrir þing-
kosningarnar árið 2009, en hingað
til ekki gefið nánari dagsetningu
þar á.
Hneykslismál flokksins hafa
heltekið breska fjölmiðla undan-
farna daga. Í síðustu viku viður-
kenndi Prescott að hafa haldið
fram hjá eiginkonu sinni með rit-
ara sínum um tveggja ára skeið,
og um helgina sögðu fleiri konur
frá kynferðissamböndum sínum
við ráðherrann. Slúðurfréttablöð
Breta hafa smjattað mjög á þessu
máli og finnst koma vel á vondan,
því þegar ráðherra í ríkisstjórn
íhaldsmanna varð uppvís að fram-
hjáhaldi og sagði af sér í kjölfarið,
var Prescott einn harðasti gagn-
rýnandi hans. Nú fara fjölmargir
fram á afsögn Prescotts, og er ráð-
herrann fyrrverandi þar einna
fremstur í flokki.
Málið sem snýr að innanríkis-
ráðherranum er heldur alvarlegra
eðlis. Í síðustu viku kom fram að
1.023 glæpamönnum af erlendu
bergi brotnu hefði verið sleppt úr
haldi í Bretlandi á árunum 1999 til
2006, án þess að fjallað hefði verið
um hvort reka ætti þá úr landi og
hafa minnst fimm þeirra framið
frekari glæpi í Bretlandi síðan
þeim var sleppt. Þegar ljóst varð
að Clarke hefði verið kunnugt um
málið í þrjár vikur áður en hann
sagði Blair frá því, jókst til muna
þrýstingur á hann að segja af sér.
Í gær fór leiðtogi Íhaldsflokksins,
David Cameron, fram á frekari
upplýsingar um málið. „Við höfum
ekki fengið tæmandi upplýsingar
um hverjir (glæpamennirnir) eru,
hvar þeir eru og hvað hefur komið
fyrir þá,“ sagði Cameron í samtali
við BBC.
Haft hefur verið eftir leiðtoga
frjálslyndra demókrata, Menzies
Campbell, að málið hafi endanlega
fyrirgert framtíð Clarke í emb-
ættinu.
smk@frettabladid.is
VEISTU SVARIÐ
1 Bandarísk yfirvöld þora ekki að sleppa föngum sem þau hafa haldið
í illræmdum fangabúðum til síns
heima. Hvar eru fangabúðirnar?
2 35 voru myrtir í átökum í héraði í Indlandi þar sem múslimar eru í
meirihluta og berjast fyrir sjálfstæði.
Hvað heitir héraðið?
3 Íslenskir eigendur Stoke City vilja nú selja sinn hlut í knattspyrnufélag-
inu breska. Hver er stjórnarformaður
Stoke City?
SVÖR Á BLS. 38
Kjósendur snúa frá
Verkamannaflokki
Miklar hræringar eru þessa dagana hjá breskum stjórnvöldum, en þar fara
sveitarstjórnarkosningar fram á morgun. Virðist Tony Blair forsætisráðherra
ganga trauðlega að lagfæra álit almennings á Verkamannaflokknum.
TONY BLAIR FOR-
SÆTISRÁÐHERRA
Blair reynir nú af
fremsta megni að
flikka upp á ímynd
Verkamannaflokks-
ins fyrir sveitar-
stjórnarkosningarn-
ar sem fram fara í
Bretlandi á morgun.
FRÉTTABLAÐIÐ/AP
JOHN PRESCOTT CHARLES CLARKE
DÓMSMÁL Fertug kona er ákærð
fyrir að falsa undirskrift manns á
skuldaviðurkenningar í níu skipti
fyrir milljónir króna. Hún neitaði
sök í aðalmeðferð málsins fyrir
Héraðsdómi Reykjaness.
Konan er ákærð fyrir að hafa
falsað undirskrift mannsins á
skuldabréf að upphæð 550 þúsund
og notað í aprílmánuði 1996 í
Landsbanka Íslands. Einnig er
hún ákærð fyrir að hafa í þrígang
framvísað skuldaábyrgðayfirlýs-
ingu með falsaðri undirskrift
hans vegna yfirdráttarheimildar
á tékkareikningi hennar, fyrst
fyrir 200 þúsund krónum og aftur
tveimur árum síðar. Þá var yfir-
drátturinn hálf milljón og enn ári
síðar var yfirdrátturinn orðinn
800 þúsund krónur.
Árið 1998 framvísaði konan
víxli að upphæð 270 þúsund í
Sparisjóði Kópavogs og er sögð
hafa falsað undirskrift mannsins
þar. Hún er einnig ákærð fyrir að
framvísa tveimur víxlum, öðrum
að upphæð 640 þúsund en hinum
upp á 650 þúsund krónur, með
falsaðri undirskrift mannsins.
Konan er enn fremur ákærð
fyrir að hafa árið 2000 notað
skuldabréf hjá Fjárvangi sem
nam tveimur milljónum vitandi að
undirskriftin væri fölsuð. Síðast í
lok janúar á síðasta ári framvísaði
hún skuldaábyrðaryfirlýsingu
vegna yfirdráttarheimildar sinn-
ar, að fjárhæð 300 þúsund. - gag
Fertug kona hefur verið ákærð fyrir milljóna króna skjalafals:
Sögð hafa falsað undirskrift
TEKIÐ ÚT Á YFIRDRÁTTINN Kona er ákærð
fyrir að falsa undirskriftir manns margoft.
FRÉTTABLAÐIÐ/STEFÁN
Lík sýnd almenningi Fimm menn,
þar af tveir útlendingar, voru hengdir í
Kúveit í gær, fyrir morð, nauðganir og
eiturlyfjasmygl. Yfirvöld í Kúveit ákváðu
árið 2002 að sýna lík glæpamanna sem
teknir hafa verið af lífi í refsingarskyni, í
tilraun til að draga úr glæpum.
KÚVEIT
DÓMSMÁL Tæplega þrítugur maður
hefur verið ákærður fyrir líkams-
árás fyrir utan skemmtistað á Sel-
fossi um miðjan janúar á þessu
ári. Manninum er gefið að sök að
hafa kýlt sextán ára dreng í andlit-
ið með þeim afleiðingum að hann
kjálkabrotnaði öðrum megin og
hlaut sprungu í kjálka hinum
megin.
Málið hefur verið þingfest í
Héraðsdómi Suðurlands. Maður-
inn neitaði sakargiftum fyrir
dómi. - sdg
Ákærður fyrir líkamsárás:
Kjálkabraut
16 ára dreng
SVEITARSTJÓRNARMÁL Afkoma Sel-
tjarnarnesbæjar hefur ekki áður
verið jafn góð og á síðasta ári sam-
kvæmt nýsamþykktum ársreikn-
ingi bæjarsjóðs.
Heildartekjur bæjarsjóðs og
fyrirtækja námu rúmum tveimur
milljörðum króna og var rekstrar-
niðurstaða aðalsjóðs jákvæð um
326 milljónir króna sem er tölu-
vert hærra en á árið á undan. Næst
þessi árangur á sama tíma og
skattgreiðendur hafa notið góðrar
fjárhagsstöðu með lækkun opin-
berra gjalda. - aöe
Ársreikningur Seltjarnarness:
Afkoman
aldrei betri
SELTJARNARNES Fjárhagsleg afkoma bæjarfé-
lagsins hefur aldrei verið betri.
BORGARMÁL „Framsetning sjálf-
stæðismanna skrumskælir trausta
fjárhagsstöðu borgarinnar og er í
hróplegu ósamræmi við þau fjár-
freku kosningaloforð sem flokk-
urinn hefur gefið nú fyrir kosn-
ingar,“ segir Steinunn Valdís
Óskarsdóttir borgarstjóri vegna
ásakana oddvita Sjálfstæðis-
flokksins að ársreikningur borg-
arinnar endurspegli slaka rekstr-
arniðurstöðu.
Samkvæmt útreikningum sem
sjálfstæðismenn hafa gert kemur
fram að rekstur borgarsjóðs fyrir
fjármunatekjur
og fjármagnsgjöld
er neikvæður
meðan önnur
sveitarfélög á suð-
vesturhorninu
sýna jákvæða
afkomu. Bendir
Vilhjálmur Þ. Vil-
hjálmsson, oddviti
Sjálfstæðisflokks, á að hreinar
skuldir borgarinnar lækkuðu ekki
um 1,5 milljarða króna eins og
haldið er fram í ársreikningi held-
ur hækkuðu um tvo milljarða
króna að teknu til-
liti til skuldbind-
inga sem alfarið
er sleppt í útgefn-
um efnahags-
reikningi.
Þessu vísar
borgarstjóri á bug
og ásakar sjálf-
stæðismenn um
sömu kúnstir við útreikninga sína.
„Sérvaldar niðurstöður þeirra
breyta ekki að skuldir borgarinn-
ar lækkuðu árið 2005.“
- aöe
Sjálfstæðismenn segja fjármálastjórn borgarinnar afleita í ljósi góðæris:
Skrumskæla niðurstöðurnar
STEINUNN VALDÍS
ÓSKARSDÓTTIR
VILHJÁLMUR Þ.
VILHJÁLMSSON
SVISS, AP Svissneska skíðakonan
Corinne Rey-Bellet og bróðir henn-
ar, Alain, voru skotin til bana á
sunnudag á heimili foreldra þeirra
í Les Crosets í Sviss. Móðir þeirra
var lögð inn á spítala, alvarlega
slösuð eftir árásina. Banamaður-
inn hafði flúið staðinn er lögregla
kom á vettvang en rannsókn hófst
þegar í stað.
Erfiðlega gekk að ná tali af eig-
inmanni Bellets en talsmaður lög-
reglu sagði yfirvöld hafa mikinn
áhuga á að finna hann. Tveggja ára
gömlum syni hjónanna er haldið á
öruggum stað. Rey-Bellet var silf-
urverðlaunahafi í bruni á heims-
meistaramótinu árið 2003.
Harmleikur í Sviss:
Skíðadrottning
skotin til bana