Fréttablaðið - 03.05.2006, Qupperneq 22

[ ]
Eyþór Guðnason breytti fjalla-
jeppa sínum sjálfur.
Flestir bíleigendur hafa einhvern-
tíma tekið upp skiptilykil og
skrúfjárn til að eiga lítið eitt við bif-
reið sína. Sumir ráða meira að segja
við flestar einfaldar viðgerðir sjálf-
ir, og svo er það fólk eins og Eyþór
Guðnason.
18. janúar fékk hann splunku-
nýja Toyotu Tacoma bifreið úr skipi.
Þremur og hálfum tímum síðar var
hún komin inn í skúr þar sem Eyþór
og tengdafaðir hans gerðu úr henni
fullvaxinn fjallajeppa.
„Hann var keyrður fjörutíu kíló-
metra þegar hann var kominn inn á
gólf,“ segir Eyþór. „Konan var ekki
einu sinni búin að fá að taka í hann.
Við vorum svo í einn eða einn og
hálfan mánuð að breyta honum,
unnum bara í þessu eftir klukkan
níu á kvöldin. Konan fór svo á
honum í kvennaferð ferðaklúbbsins
4x4, það var fyrsta ferðin á bílnum
og hann kláraðist bara morguninn
fyrir ferðina.“
Toyota Tacoma eru ekki algeng
sjón á götum landsins enda tiltölu-
lega stutt síðan sú fyrsta var flutt
til landsins. „Þetta eru skemmtileg-
ir bílar með skemmtilegar vélar og
fullt af afli. Það minnir á gamla
Willys-andann að keyra þá hvað
kraftinn varðar, nema hvað Toyotan
er hlaðin þægindum,“ segir Eyþór
um bílinn sem er með 4 lítra V6
mótor sem telur heil 245 hestöfl og
vegur fullbreyttur aðeins 2.140 kg.
„Mönnum leiðist ekki á botngjöf,“
segir Eyþór. „Og eyðslan er ekki
mikil, nema í fyrstu ferðinni reynd-
ar. Þá var ég með allt í botni allan
tímann til að rassskella ferðafélag-
ana,“ bætir hann við á léttu nótun-
um.
Breytingin á Tacomunni fól
meðal annars í sér að henni var lyft
um 8 cm á yfirbyggingu. Færa
þurfti boddífestingar að framan og
klippa heil ósköp úr bílnum í kring-
um framdekkin. Afturhásingin var
færð aftur um 8,5 cm og til að byrja
með var flatjárnsfjöðruninni skipt
út fyrir gorma og svokallaðar four-
link-stífur. Síðar var gormunum
skipt út fyrir loftpúða. Í afturdrif-
inu er rafmagnslæsing staðalbún-
aður en Eyþór setti íslensku Algrips-
læsinguna í framdrifið. Til að ráða
við allra þyngstu færðina var líka
settur milligír í bílinn. „Þetta er
eina Tacoman sem er komin með
milligír. Þeir sem hækkuðu sínar
ekki á yfirbyggingu hafa ekki pláss
fyrir hann,“ segir Eyþór sem ber
bílnum góða söguna eftir breyt-
ingu.
Eyþór hefur átt jeppa síðan 1984
og deilir jeppa- og útivistaráhuganum
með konu sinni. „Þetta er auðveld-
ara af því að hún hefur svo mikinn
áhuga líka, hún fer ein í nokkrar
ferðir á ári. Handlagnir einstakling-
ar eiga alveg að geta breytt bíl eins
og við gerðum, en maður þarf að
vita hvað maður er að gera, ég hef
smíðað nokkra bíla á undan þess-
um,“ segir Eyþór og bætir við að
hann hafi ekki nákvæma tölu á
klukkutímunum sem fór í breyting-
una, „en þeir voru ansi margir.“
einareli@frettabladid.is
Bíllinn tilbúinn morgun-
inn fyrir fyrstu ferðina
Á fullri ferð á Gæsavatnaleið um
páskana.
Skipta þurfti út bremsudiskum og
-dælum til að koma 15 tommu felgum
undir bílinn.
Afturfjöðrunin í smíðum. Þetta eru
svokallaðar fourlink-stífur.
Hér er búið að færa festingar fyrir
yfirbyggingu upp og aftur og klippa úr
brettum að framan.
Yfirbyggingin var hækkuð um 85 mm,
vatnskassi síkkaður og festingar fyrir
hann styrktar.
Þarna er Eyþór búinn að eiga bílinn í
þrjá og hálfan tíma, og strax byrjaður að
rífa hann í sundur fyrir breytinguna.
Eyþór undir stýri á bílnum sem hann og tengdafaðir hans breyttu á einum og hálfum mánuði. FRETTABLAÐIÐ/GVA
Sjúkrakassi er nauðsyn í hvern bíl. Ef lukkan lofar þarftu aldrei
á honum að halda en það er erfitt að fyrirgefa sjálfum sér á ögur-
stundu ef maður er ekki nógu vel búinn.
Kraftloftsíur í bílinn
Finndu muninn.......
Kíkið í heimsókn eða fylgist með
á netversluninni.
AG Mótorsport - Klettháls 9
110 Reykjavík - s. 587 5547
Verslun á netinu : www.agmotorsport.is
´
Jeppadekk
Vagnhöfða 6 • 110 Reykjavík • Sími 577 3080
Vortilboð!
31" heilsársdekk
kr. 11.900
(31x10.50R15)
Aðrar stærðir:
27" 215/75R15, kr. 7.900
28" 235/75R15, kr. 8.900
30" 245/75R16, kr. 10.900
32" 265/75R16, kr. 12.900
Sendum frítt um allt land!
��������������������������������
����������������������������������
������������������
�
�������������
����������������������
���������������������������