Fréttablaðið - 03.05.2006, Side 29

Eggert Þór Aðalsteinsson
skrifar
Eignir bankanna og Straums halda áfram að vaxa
hratt. Á fyrsta árshluta hækkuðu þær um 1.330
milljarða króna sem er aukning um ríflega lands-
framleiðslu. Til samanburðar nam hrein eign líf-
eyrissjóðakerfisins 1.200 milljörðum um síðustu
áramót samkvæmt tölum frá Seðlabankanum.
„Auðvitað er það þannig með okkar efnahagsreikn-
ing, eins og með allra íslenskra fyrirtækja í dag
sem eiga mikið af erlendum eignum og skuldum,
að þeir þenjast út með veikingu krónunnar,“ segir
Sigurjón Þ. Árnason, bankastjóri Landsbankans.
Stór hluti af stækkun eigna bankanna á fyrstu
þremur mánuðunum er tilkomin vegna lækkunar
krónunnar. Sigurjón segir að gera megi ráð fyrir að
þetta haldi áfram á öðrum ársfjórðungi í samræmi
við þróun gjaldeyrismarkaða að undanförnu.
Samanlagður hagnaður viðskiptabankanna
þriggja og Straums-Burðaráss var yfir 61 milljarður
króna á fyrstu þremur mánuðum ársins. Öll félögin
skiluðu methagnaði á einum ársfjórðungi og voru
öll uppgjörin yfir væntingum meðaltalsspáa grein-
ingardeilda bankanna. Þegar bornar eru saman
endanlegar niðurstöður og afkomuspár kemur í
ljós að hagnaður varð 10,5 milljörðum meiri en
spáð hafði verið. Þannig var afkoma KB banka 3,4
milljörðum króna umfram spár, hagnaður Straums
var 3,1 milljarði meiri, Glitnir var 2,5 milljörðum
fyrir ofan spár markaðsaðila og Landsbankinn 1,3
milljörðum.
Allir stærstu tekjuþættir viðskiptabankanna juk-
ust verulega á milli ára, hvort sem um er að ræða
hreinar vaxtatekjur, þóknanatekjur eða tekjur af
verðbréfaeign og öðrum fjárfestingum. Vöxtur
tekna kemur að miklu leyti erlendis frá og verður
varla langt að bíða að yfir helmingur rekstrartekna
allra bankanna komi þaðan.
Þrátt fyrir að allir bankarnir hafi skilað góðum
tölum hafa þeir lækkað eftir birtingu afkomutalna.
Úrvalsvísitalan hafði lækkað nú rúm tvö prósent
eftir hádegi í gær og leiddu fjármálafyrirtækin
lækkunina. Sjá nánar bls. 2
Methagnaður Straums |
Straumur-Burðarás hagnaðist um
19,1 milljarð króna á fyrsta árs-
fjórðungi og jókst hagnaður um
317 prósent á milli ára.
Bætir við | Oddaflug, eignar-
haldsfélag Hannesar Smárasonar,
hefur bætt við sig 4,73 prósenta
hlut í FL Group og á eftir kaup-
in 23,63 prósent af heildarhlutafé
félagsins.
Umfram væntingar | Hagnaður
KB banka hefur aldrei verið meiri
á einum ársfjórðungi eða 18,8
milljarðar og jókst um tæp 70
prósent milli ára.
Metviðskiptahalli |
Vöruskiptajöfnuður var óhag-
stæður um 13,4 milljarða króna
í mars. Í mars í fyrra var vöru-
skiptajöfnuðurinn óhagstæður um
6,3 milljarða.
Enginn ávinningur |
Aðalhagfræðingur Seðlabankans,
Arnór Sighvatsson, telur hættu
á að sjálfstæður gjaldmiðill hér
á landi auki fremur sveiflur en
dragi úr þeim.
Promens kaupir | Promens,
dótturfélag Atorku Group, hefur
eignast allt hlutafé í Elkhart
Plastics (EPI) sem rekur fjór-
ar hverfisteypuverksmiðjur í
Bandaríkjunum.
Uppgjör Ticket | Hagnaður
sænsku ferðaskrifstofunnar
Ticket á fyrsta ársfjórðungi nam
um 13,1 milljón SEK á móti 7,2
milljónum SEK hagnaði á sama
tímabili árið 2005.
Bakkavör kaupir | Bakkavör
hefur keypt breska fyrirtækið New
Primebake sem er stærsti fram-
leiðandi brauðvara í Bretlandi og
veltir 4,6 milljörðum króna á ári.
Breytingastjórnun
Sögur þjóna
nýjum tilgangi
18
Ráðstefna
Ísland á hringborð Economist
12-13
Nemar rýna í bankana
Útlendingarnir
fengju falleinkunn
10
Sögurnar... tölurnar... fólkið...
Miðvikudagur 3. maí 2006 – 16. tölublað – 2. árgangur Veffang: visir.is – Sími: 550 5000
F R É T T I R V I K U N N A R
Tap DeCode Genetics, móður-
félags Íslenskrar erfðagrein-
ingar, nam á fyrsta ársfjórð-
ungi þessa árs 20,3 milljónum
Bandaríkjadala, eða tæplega
1,5 milljörðum íslenskra króna.
Samkvæmt árshluta uppgjöri
sem birt var í gær nam tap á
sama tíma í fyrra 16,9 milljónum
dala.
Í tilkynningu til Nasdaq
kauphallarinnar segir fyrirtæk-
ið meira tap skýrast af auknum
kostnaði við rannsóknir og þró-
unarstarf í lyfjaframleiðslu.
Þá jukust tekjur fyrirtækisins
og námu á fyrsta ársfjórðungi
10,1 milljón Bandaríkjadala eða
tæpum 740 milljónum króna. Á
sama tíma í fyrra voru tekjurnar
9,5 milljónir dala. - óká
Enn tapar
DeCode
KÁRI STEFÁNSSON Kári er forstjóri
DeCode.
Viðskipti með bréf Kaupþings
banka hafa stóraukist í OMX-
kauphöllinni í Stokkhólmi sam-
kvæmt færslutölum frá fyrsta
ársfjórðungs þessa árs.
Þau hafa nálægt því sexfald-
ast miðað við sama ársfjórðug í
fyrra, en þá voru 1.184 færslur
skráðar í OMX miðað við 6.791 á
nýliðnum ársfjórðungi.
Jónas Sigurgeirsson fram-
kvæmdastjóri samskiptasviðs í
KB banka segir að eftir sem áður
sé stærstur hluti verðmætis við-
skiptanna með bréf bankans í
kauphöllinni hér heima, eða um
90 prósent, þar sem hér sé höndl-
að með fleiri hluti. „En 45 prósent
af fjölda færslna er hins vegar í
Svíþjóð,“ segir hann og telur að í
því megi merkja nokkra þróun.
„Aukningin í fjölda viðskipta er
mun meiri í Svíþjóð og kaup-
höllin þar farin að vega meira í
viðskiptum með bréf félagsins.
Þau voru alltaf um þrjú til fimm
prósent af virði þeirra, en eru nú
komin upp í 10 prósent.“ Jónas
segir bankann fagna auknum
áhuga í Svíþjóð. „Fólk er búið að
vera að fylgjast með okkur síð-
ustu ár og áhuginn er að kvikna,“
segir hann.
Kaupþing banki var skráður í
kauphöllina hér heima árið 2000
en í kauphöllina í Stokkhólmi í
desember árið 2002. - óká
Svíar kveikja á Kaupþingi banka
Ársfj. ICEX OMX
Q1 2005 2.850 1.184
Q2 2005 2.644 1.021
Q3 2005 3.013 1.390
Q4 2005 2.988 1.712
Q1 2006 8.173 6.791
Heimild: Kaupþing banki
F J Ö L D I V I Ð S K I P T A M E Ð
B R É F K A U P Þ I N G S B A N K A
Gott til síðasta dropa
H A G N A Ð U R F J Á R M Á L A -
F Y R I R T Æ K J A N N A ( U P P H Æ Ð I R Í M I L L J Ó N U M
Hagnaður á Meðaltalspár Hagnaður
fyrsta ársfjórðungi bankanna umfram spár
Glitnir 9.098 6.495 +2.603
Landsbankinn 14.276 12.930 +1.346
KB banki 18.798 15.399 +3.399
Straumur 19.080 15.911 +3.169
Alls 61.252 50.735 +10.517
Eignaaukning bankanna
ríflega landsframleiðslan
Bankastjóri Landsbankans telur að þær aukist enn frekar á
öðrum ársfjórðungi vegna veikingar krónunnar. Saman-
lagður hagnaður fjármálafyrirtækja yfir 60 milljarðar.
Milestone ehf., sem er í eigu Karls
Wernerssonar og fjölskyldu,
hefur keypt 33,4 prósenta hlut
Glitnis banka í Sjóvá. Milestone
átti fyrir 66,6 prósenta hlut í
Sjóvá og hefur
því keypt félag-
ið að fullu.
Söluverðið var
9,5 milljarðar og
innleysir Glitnir
á yfirstandandi
ársfjórðungi rúm-
lega 2,4 milljarða
króna í söluhagn-
að.
Samhliða við-
skiptunum kaup-
ir Glitnir banki
hlut Milestone í fjárfestingar-
félaginu Mætti hf. sem félögin
eiga til helminga eftir viðskiptin.
Hyggjast þau eiga í áframhald-
andi samstarfi sín á milli um
fjárfestingar í gegnum það. - hhs
Sjóvá selt
KARL WERNERS-
SON, STJÓRN-
ARFOR MAÐUR
MILE STONE
Milestone, sem
er í eigu Karls og
fjölskyldu, hefur
keypt allan hlut
Glitnis banka í
Sjóvá.