Fréttablaðið - 03.05.2006, Qupperneq 32

MARKAÐURINN 3. MAÍ 2006 MIÐVIKUDAGUR4
F R É T T I R
Atlantic Petroleum, færeyska
olíuleitarfélaginu í Kauphöllinni,
hefur verið boðið að leggja fram
kauptilboð í danska olíufélagið
Denerco Oil samkvæmt frétt
Jótlandspóstins.
Denerco er í samstarfi við
fimm olíu- og gasleitarfyrirtæki
í danska, þýska, hollenska og
breska hluta Norðursjávar auk
þess sem það stundar olíuleit í
Óman. Það velti 1,2 milljörðum
danskra króna í fyrra og nam
hagnaður fyrir skatta 400 millj-
ónum danskra króna. Danska
olíufyrirtækið er því miklu
stærra en Atlantic sem er enn
tekjulaust.
Danske bank, LD, Monberg &
Thorsen eru þrír stærstu hlut-
hafarnir í Denerco með sam-
anlagt 77 prósent hlutafjár en
mikil hækkun olíuverðs ku vera
ástæða þess að eigendur bjóða
félagið til sölu.
Hafa eigendur sett sig í
samband við nokkur félög sem
kunna að vera áhugasöm um
að leggja fram tilboð. Í frétt
Jótlandspóstsins kemur fram að
Shell, Statoil og Norsk Hydro telji
Denerco Oil vera of lítinn bita
en bæði bresk og hollensk félög
hafa verið nefnd sem mögulegir
kaupendur ásamt Atlantic. - eþa
OLÍUBORPALLUR Denerco er í samstarfi
við fjölda olíu- og gasleitarfyrirtækja í
Norðursjó. Nordicphotos/AFP
Atlantic orðað við Denerco Oil
Umsvif færeyska félagsins myndu margfaldast.
Með kaupunum á Laurens
Patisseries, einum stærsta fram-
leiðanda eftirrétta í Bretlandi,
bætist fjórða fyrirtækið við
Bakkavararsamstæðuna eftir
að félagið eignast Geest fyrir
ári í einni stærstu yfirtöku
Íslandssögunnar.
Kaupverðið á Laurens er 17,6
milljarðar og verður það greitt
að hluta með nýju hlutafé.
Hin félögin eru Hitchen
Foods í Bretlandi, sem framleið-
ir ferskt niðurskorið grænmeti,
40 prósenta hlutur í kínverska
salatfyrirtækinu Creative Food,
en dótturfélag Bakkavarar og
Glitnis stóð að þeim kaupum,
og New Primebake, einn stærsti
framleiðandi kældra brauðvara á
Bretlandseyjum.
Ágúst Guðmundsson, stjórnar-
formaður Bakkavarar, hefur sagt
að félagið vilji styrkja stöðu sína
enn frekar á sviði tilbúinna mat-
væla í Bretlandi en þessi hluti
markaðarins vex mun hraða en
matvælamarkaðurinn í heild.
- eþa
BAKKABRÆÐUR Í INNKAUPUM
Frá því að Bakkavör tók yfir Geest hafa fjög-
ur ný fyrirtæki bæst að hluta eða öllu leyti
við samstæðuna.
Geest engin endastöð
F J Á R F E S T I N G A R B A K K A V A R A R
F R Á G E E S T - Y F I R T Ö K U N N I
Fyrirtæki Framleiðsla Kaupdagur Kaupverð*
Hitchen Foods Ferskt niðurskorið grænmeti og salat 17.10.2005 4,7
Creative Foods (40%) Salöt fyrir veitingahúsakeðjur 24.3.2006 Trúnaðarmál
Primebake Kældar brauðvörur 27.4.2006 Trúnaðarmál
Laurens Patisseries Kældir eftirréttir 30.4.2006 17,6
* í milljörðum króna
Óli Kristján Ármannsson
skrifar
Í nýrri þjóðhagsspá fjármálaráðuneytisins er gert
ráð fyrir töluverðum samdrætti í innflutningi á
næsta ári vegna áhrifa af gengi krónunnar og
minnkandi umsvifa og eftirspurn í hagkerfinu. Þar
verður ríkið af umtalsverðum tekjum.
Á móti kemur að útflutningsgreinarnar njóta
góðs af gengislækkun krónunnar, segir í nýrri
þjóðhagsspá og gert ráð fyrir nokkurri verðmæta-
aukningu í útflutningi þegar á þessu ári. Á næsta
ári er er svo spáð umtalsverðri aukningu í útflutn-
ingi, bæði í magni og verðmæti. „Þá munu stóriðju-
framkvæmdir undanfarinna ára skila af sér ríflega
helmingsmagnaukningu í álútflutningi.
Jón Bjarki Bentsson, sérfræðingur á greining-
ardeild Glitnis banka, segir ljóst að töluvert af
tekjuauka ríkissjóðs á síðasta ári sé til kominn af
auknum innflutningi. „Ef skoðað er vörugjald af
bifreiðum varð þar 60 prósenta aukning rétt eins og
í innflutningi á bifreiðum. Þar er um að ræða nokk-
uð stórar tölur og sjálfsast stærsti pósturinn sem
tengist beinum innflutningi,“ segir hann og
telur því ljóst að þegar hægist á í neyslu
dragist saman tekjur ríkisins bæði af
innflutninggjöldum og virðisaukaskatti.
„Svo kemur á móti að gengisfall krón-
unnar hjálpar útflutningnum þótt dragi
úr innflutningi og þar koma náttúrlega
skatttekjur líka.“ Jón Bjarki sagði þó
erfitt að vega þær tölur saman.
Bílar vega nokkuð þungt í tekjum rík-
issjóðs, en af bifreiðagjöldum er ætlað
að ríkið hafi tekjur upp á um 19,5
milljarða fyrir árið 2005. Árið
áður námu þær tekjur 12 millj-
örðum og 8,6 milljörðum króna
árið 2003.
Þorsteinn Þorgeirsson, skrifstofustjóri efna-
hagsskrifstofu fjármálaráðuneytisins, segir að í
útreikningum þjóðhagsspár ráðuneytisins sé gert
ráð fyrir áhrifum af viðsnúningi í utanríkisvið-
skiptum, en áréttar að allar spár um tekjur ríkisins
séu breytingum háðar enda verði ekki sam-
þykkt á Alþingi fjárlög fyrir næsta ár fyrr
en í haust. Í nýgerðri þjóðhagsáætlun ráðu-
neytisins er hins vegar gert ráð fyrir að á
þessu ári verði rúmlega 26 milljarða króna
afgangur á ríkissjóði, en snúist svo í tæp-
lega 12 milljarða króna halla á næsta ári.
Þar kemur þó til meira en tekjutap vegna
minni innflutning, þv´þá er líka gert ráð
fyrir áhrifum tveggja prósenta lækkunn-
ar á tekjuskatti og útgjöldum vegna
framkvæmda sem áður hefur verið
frestað til að slá á þenslu.
JÓN BJARKI BENTSSON
NÝIR BÍLAR Á HAFNARBAKKANUM Í REYKJAVÍK Gengisþróun
krónunnar gerir að verkum að stórdregur úr innflutningi á næsta ári.
Ríkið verður því af tekjum um leið og viðskiptahalli minnkar.
Markaðurinn/GVA
Tekjurnar minnka
með minni halla
Efnahagsspár gera ráð fyrir að á næsta ári dragi hratt úr
innflutningi vara á borð við bíla og heimilstækja. Um leið
verður ríkið af tekjum í formi innflutningsgjalda.
Breskir fjölmiðlar full-
yrtu í gær að Baugur
undirbúi nú yfirtökutil-
boð í bresku verslun-
arkeðjuna House of
Fraser. Telja þeir er
að Baugur muni gera tilboð sem
hljóði upp á 309 milljónir punda á
næstu dögum. Hlutabréf í House
of Fraser, sem skráð er í kauphöll-
ina í London, hækkuðu mikið í gær
eftir að fyrirtækið tilkynnti um
viðræður sem hugsanlega gætu
leitt til yfirtöku keðjunnar. Gengi
bréfanna í gær fór hæst í 130 pens
á hlut en stóð í 127,25 pensum eða
8,25 prósenta hækkun á hlut um
tvöleytið í gær.
Í apríl keypti Baugur
9,48 prósenta hlut í
House of Fraser sem á
og rekur 61 verslun í
Bretlandi og á Írlandi.
Gunnar Sigurðsson, fram-
kvæmdastjóri fjárfestinga Baugs
í Bretlandi, hafði lítið að segja
um málið. „Þetta er áhugavert
fyrirtæki sem býr yfir mjög góðu
vörumerki. Það er það sem við
höfðum að leiðarljósi við kaupin
á hlut okkar í síðastliðnum mán-
uði. En um síðustu sögusagnirn-
ar á markaðnum vil ég ekkert
segja.“ - hhs
Baugur orðaður við HoF
Mikinn vöruskiptahalla á fyrsta
fjórðungi ársins má að verulegu
leyti skýra með auknum innflutn-
ingi á fjárfestingar- og rekstr-
arvörum og samdrætti í öllum
helstu flokkum útflutningsvara. Í
Morgunkorni Glitnis banka segir
líklegt að samdrátturinn sé tíma-
bundinn. Er vitnað til sundur-
liðunar Hagstofunnar á inn- og
útflutningi en þar kemur fram
að innflutningur hafi aukist um
22 prósent frá sama tíma í fyrra.
Á sama tíma dróst útflutningur
hins vegar saman um 5 prósent.
Verðþróun á erlendum mörkuð-
um varð til þess að verðmæti
útflutnings jókst um tæplega 4
prósent en verðmæti innflutnings
um 29 prósent, að því er fram
kemur í Morgunkorninu.
Þá segir að verðþróun á
alþjóðamörkuðum hafi verið hag-
stæð undanfarin misseri, jafnt á
áli sem sjávarafurðum, og allar
líkur eru á að halli á vöruskiptum
minnki verulega þegar líða tekur
á árið, sér í lagi ef hægir á inn-
flutningi neysluvara. Á næsta ári
muni svo enn draga úr vöruskipta-
hallanum þegar álver og virkjun
á Austurlandi verði fullbúin auk
þess sem líkur séu á að hægi á
fjárfestingum í húsnæði. - jab
Minni halli í haust