Fréttablaðið - 18.11.2007, Qupperneq 118

42 18. nóvember 2007 SUNNUDAGUR
HVAÐ SEGIR MAMMA?
Hvað er að frétta? Það er allt ljóm-
andi gott að frétta. Væri bara verra ef
það væri betra.
Augnlitur: Blár.
Starf: Erfitt að segja... fína orðið er
dagskrárgerðarmaður en annars er ég
bara trúður.
Fjölskylduhagir: Tilheyri vísitölufjöl-
skyldu, á konu og tvö börn.
Hvaðan ertu? Reykjavík.
Ertu hjátrúarfullur? Nei, ég hef litla
trú á hjátrú.
Uppáhaldssjónvarpsþátturinn: Ég
verð auðvitað að segja Næturvaktin
og Tekinn svo strákarnir verði ekki
brjálaðir.
Uppáhaldsmatur: Rjúpur, en kannski
bara vegna þess að ég fæ þær aðeins
einu sinni á ári.
Fallegasti staðurinn: Reykjavík.
iPod eða geislaspilari: iPod, var að fá
mér einn.
Hvað er skemmtilegast? Að vera
með fólki, helst vinum og fjölskyldu.
Hvað er leiðinlegast? Að skúra er
leiðinlegast í heimi.
Helsti veikleiki: Hvað ég get orðið
pirraður í umferðinni, á fólki sem er
ekki að hugsa um aksturinn.
Helsti kostur: Hvað ég er hress og
góður bílstjóri.
Helsta afrek: Að hafa komið í
heiminn.
Mestu vonbrigðin: Þegar naggrísinn
hans Benna æskuvinar míns dó.
Hver er draumurinn? Einu sinni sá
ég í bíó gaur sem lá í hengirúmi og
lét allsbera dverga færa sér bjór.
Mig hefur dreymt þetta
síðan, var eitthvað svo
krúttlegt.
Hver er fyndn-
astur/fyndnust?
Pétur Jóhann þegar
hann er undir áhrif-
um áfengis.
Hvað fer mest í taugarnar á þér?
Helgarstarfsmenn á skyndibitastöð-
um sem ekkert kunna og nenna ekki
að vinna.
Hvað er mikilvægast? Að tóra.
HINHLIÐIN SVERRIR ÞÓR SVERRISSON DAGSKRÁRGERÐARMAÐUR
Dreymir um allsbera dverga
„Ég er ákaflega hreykin af Aroni
og hef engar áhyggjur af honum
lengur, því núna gengur honum
allt í haginn. Ég fékk algjört
sjokk við að lesa bókina því öll
sjö árin í fangelsinu sagði hann
okkur ekki hvað gekk á.“
Hulda Thomas, móðir Arons Pálma
Ágústssonar.
Fréttablaðið sagði frá því í vikunni að ný
bók um ævi Arons Pálma væri komin út.
Fataverslunin Borgarpakk opnaði
fyrir gestum og gangandi á Frakka-
stígnum í síðustu viku. Hún hefur
þá sérstöðu að einbeita sér að sölu
á vistvænum klæðnaði. „Við höfum
fengið mjög jákvæð viðbrögð á
þessum tíma sem er liðinn frá
opnun,“ segir Ólafur Óskar Egils-
son, sem á og rekur verslunina
ásamt Arnbjörgu Jóhannsdóttir.
Nafngiftina segir hann til komna í
gríni. „Í sveitinni er talað um
borgar pakk, og í borginni um
landsbyggðarpakk. Þetta er bara í
góðu gamni gert,“ segir hann.
Óli segir hvorugt þeirra hafa
tekið sér neitt þessu líkt fyrir
hendur áður. „Við fórum að tala
um það fyrir ári að það væri
gaman að hella sér út í að stofna
fyrirtæki. Hugmyndin þróaðist
svo út í að opna vistvæna fata-
verslun, enda er engin önnur
þannig verslun hér. Við erum bæði
náttúruverndarlega sinnuð,“ segir
hann.
Í Borgarpakki er að finna
klæðnað úr hampi, lífrænni bóm-
ull og bambusi, svo eitthvað sé
nefnt, en Óli segir þó ekki
ætlunina að einblína eingöngu á
náttúruvæna þræði. „Þetta er
mjög fjölbreytt. Flísefni er til
dæmis jafn mikið gervi og hægt
er, en það er hægt að endurvinna
það aftur og aftur. Þó að við
ætlum ekki að selja mikið af flís-
peysum er það líka dæmi um
umhverfisvæn föt,“ útskýrir
hann. Borgarpakk er nú með
vörur frá einum íslenskum hönn-
uði, auk þess sem Arnbjörg
saumar sjálf.
Jólagjafir ársins úr Borgar-
pakki segir Óli vera sokka úr
bambusi, „sem aldrei er táfýla
af,“ og úlpur úr hampi, auk kjóla
úr lífrænni bómull. „Það er allt-
af að bætast við í búðina og við
verðum komin með stappfulla
búð fyrir jól,“ segir Óli.
- sun
Vistvæn föt eru jólagjöfin í ár
NÁTTÚRAN OG BORGARPAKKIÐ Ólafur
Óskar segir viðtökur við Borgarpakki,
sem selur vistvænan klæðnað, hafa
verið mjög góðar. FRÉTTABLAÐIÐ/VÖLUNDUR
„Þetta var afmælisgjöf til mömmu þegar hún varð
fimmtug,“ segir söngkonan Birgitta Haukdal sem
syngur til móður sinnar á fyrstu sólóskífu sinni, Ein.
Í textabók sem fylgir disknum skrifar Birgitta til
mömmu undir laginu Móðir: „Elsku mamma, til
hamingju með 50 ára afmælið. Takk fyrir að vera
alltaf til staðar fyrir mig. Ég elska þig. Þín Birgitta.“
Söngkonan segir að lagið hafi orðið til í fríi á Krít
og að hún hafi sungið það inn á myndavél þegar hún
var stödd á flugvellinum í Aþenu. „Mér finnst gott
að fara til útlanda þegar ég er að semja og skrifa
texta og þessi melódía hafði fylgt mér í höfðinu alla
leiðina til Grikklands. Þegar ég var svo komin á
flugvöllinn á leiðinni heim varð ég hreinlega að
raula það inn á myndavél sem ég var með. Síðan
varð smá seinkun á fluginu og þá kláraði ég það
eiginlega bara þarna.“ Birgitta hlustaði síðan á lagið
þegar heim var komið og þá flaut textinn út eins og
ekkert væri. „Mamma átti sér þann draum að ég
myndi semja fyrir hana lag þegar hún færi yfir
móðuna miklu en hana hafði aldrei
grunað að hún fengi lag þarna.“
Textarnir á plötunni eru ákaflega
persónulegir margir hverjir og
Birgittu finnst annað varla hægt,
textarnir eigi að vera úr nánasta
umhverfinu og hún finni til lítillar
samkenndar með sögum sem eru upp-
spuni. „Þarna er alls konar
lífsreynsla sem maður hefur
lent í og sem ratar alveg
óvart inn í textana.“ Eitt
lag sker sig þó úr á
plötunni en það er lagið
Að eilífu sem lýkur á
orðunum „Ég trúi því að
hingað höfum verið
leidd, alltaf okkur
ætlað var að verða
eitt“. Birgitta er fyrst
feimin við að upplýsa
um uppruna lagsins
enda dylst engum að
það sé óður til
ástarinnar. En loks
opnar söngkonan sig:
„Þetta er ástarbréf sem
ég sendi kærastanum
mínum, Benedikt
Einarssyni, þegar ég var í
Danmörku fyrir nokkrum árum
með Írafári,“ segir Birgitta en
þau eru sem kunnugt er búin að
trúlofa sig. Söngkonan kemst þó
ekki hjá því að minnast á
lagið Minningar en það er
fyrsta lagið hennar, var
samið á þverflautu þegar
hún var aðeins níu ára.
„Og ég sagði við Vigni
Snæ þegar við vorum
að velja lögin að þetta
lag færi á plötuna,
sama hversu gott eða
slæmt það væri.“
freyrgigja@frettabladid.is
BIRGITTA HAUKDAL: SYNGUR TIL MÓÐUR SINNAR Á NÝJU PLÖTUNNI
Ástarbréf Birgittu til Bene-
dikts efniviður í nýju lagi
ÁSTARLJÓÐ Birgitta er persónuleg á nýju plötunni og
syngur bæði til mömmu sinnar og unnusta.
Á myndinni má sjá trúlofunarhring sem
söngkonan ber.
Kristlaug María Sigurðardóttir,
höfundur leikritanna Ávaxta-
körfunnar og Hafsins bláa, hyggst
gefa út bók á netinu fyrir jólin.
„Þetta er krakkabók fyrir alla
fjölskylduna sem heitir Jón Ólaf-
ur jólasveinn. Hún fjallar um
ungan strák sem verður óvart
jólasveinn og þarf að glíma við
allrahanda vandamál til að bjarga
jólunum,“ útskýrir Kristlaug,
sem lítur á útgáfuna sem ákveðna
tilraun.
„Þessi hugmynd hefur verið að
gerjast í svolítinn tíma og nú
ákvað ég að kýla á þetta. Ég og
Björgólfur erum bæði mjög gjaf-
mild þessa dagana,“ segir Krist-
laug og hlær, en Reykjanesbær
styrkir verkefnið. Bókinni verður
hægt að hala niður á síðunni www.
jonolafur.is. „Það verður hægt að
lesa hana þar, prenta hana út, og
svo ætla ég að setja hana inn sem
hljóðbók líka,“ útskýrir Krist-
laug, sem upphaflega ætlaði að
hafa bókina algerlega ókeypis.
„Svo heyrði ég af því að hljóm-
sveitin Radiohead hefði verið
með frjáls framlög, svo ég er að
hugsa um að hafa það líka þannig.
Ég er spennt að sjá hvort fólk vill
fá bók gefins, og líka hvort það
vill borga,“ segir hún glettin.
Ef Jón Ólafur mælist vel fyrir
hjá lesendum hyggst Kristlaug
skrifa um hann fleiri sögur. „Þá
yrði heimasíðan vettvangur fyrir
lesendur til að hjálpa mér að þróa
hana áfram, eins konar hug-
myndabanki,“ útskýrir hún. Síðan
fer í loftið í næstu viku, og í
desember mun enn bætast á hana,
þegar jóladagatal með dansandi
jólasveinum fer í loftið. Slóðin er,
sem áður segir, www.jonolafur.is.
-sun
Gefur öllum Íslend-
ingum bók í jólagjöf
ÞJÓÐARGJÖF Kristlaug María Sigurðar-
dóttir hyggst gefa þjóðinni bók í jólagjöf.
Henni verður hægt að hlaða niður af
netinu. FRÉTTABLAÐIÐ/VALLI
ÁSTFANGIN Benedikt Ein-
arsson og Birgitta Haukdal
saman á góðri stund.
FRÉTTABLAÐIÐ/VALLI
05. 08.1977
Fæst í Bónus
Kisu nammi
(harðfisktöflur)
Kisu bitafiskur
Íslensk framleiðsla
úr úrvals hráefni.
Góður kisi
á gott skilið