Fréttablaðið - 10.05.2008, Page 22

10. maí 2008 LAUGARDAGUR
S
igrún
Daníelsdótt-
ir, sálfræð-
ingur á
Barna- og
unglingageðdeild
Landspítalans, er
einn forsvarsmanna
Megrunarlausa
dagsins sem haldinn
var 6. maí síðastlið-
inn. Hún er upphafs-
maður dagsins hér á
landi og hefur staðið
að undirbúningi hans
í þau þrjú skipti sem
hann hefur verið
haldinn á Íslandi.
Megrunarlausi
dagurinn er alþjóð-
legt grasrótarverk-
efni sem hófst í
Bretlandi sem
andsvar við megrun-
aráróðri. Þess í stað
telja aðstandendur
dagsins að virðing
eigi að vera borin
fyrir fólki og því gert
kleift að þykja vænt
um líkama sinn og
líða vel, hvernig sem
það er vaxið. Barátta
Sigrúnar gegn
þessum fitufordóm-
um er hennar
hjartans mál. Hún
hefur veitt miklum
tíma í að berjast fyrir
hugarfarsbreytingum
í þjóðfélaginu svo
fólki geti liðið vel í
eigin skinni. Hún er
sögð hafa yfirgrips-
mikla þekkingu á
„megrunarheimin-
um“, útlitsdýrkun og
sálfræðinni sem
liggur þar á bakvið,
enda sé áhugi hennar
á málaflokknum mjög
mikill.
Sigrún er sögð
framtakssöm og
nákvæm í vinnu-
brögðum og drífa það
áfram sem hún tekur
sér fyrir hendur. Hún
er ákveðin, afskap-
lega réttsýn og fylgin
sér í því sem hún
stendur fyrir og
lætur ekki tala sig út
af sinni sannfæringu.
Þá er hún sögð á
stundum smámuna-
söm, helst við sína
nánustu en hún hefur
óbilandi trú á því sem
hún er að gera. Hún
vill sjá það besta í
fólki og er jákvæð
manneskja að
upplagi.
Sigrún er kurteis
og kemur vel fyrir
sig orði en er illa við
að tjá sig um mál sem
hún hefur ekki
rannsakað ofan í
kjölinn. Því sökkvir
hún sér í rannsóknar-
niðurstöður og efni
sem tengist hugar-
efnum hennar hverju
sinni. Hún er afskap-
lega fróðleiksþyrst í
upplýsingar sem tengjast hugarefnum sínum og
kann vel við sig í háskólaumhverfinu, en Sigrúnu
hefur alltaf gengið vel í skóla. Starf hennar á
Barna- og unglingageðdeildinni á mjög vel við
hana þar sem það er
nátengt hennar helstu
áhugamálum. Vegna
starfs hennar og
áhugamála liggja oft
staflar af vísinda-
greinum á víð og
dreif í kringum hana.
Hún tranar ekki sér
fram þó hún sé sögð
góð forystukona. Þá á
betur við hana að
koma sjónarmiðum
sínum á framfæri í
tölvupóstum en slíka
tækni nýtir hún
óspart. Hún er sögð
þola bull illa og að
talað sé í kringum
hlutina og finnst best
að tala hreint út um
mál. Þá er hún sögð
sterk týpa og engum
lík.
Sigrún er sögð taka
hlutverk sitt sem
uppalanda mjög
alvarlega. Hún leggi
sig fram við að
útskýra sem flest
fyrir börnum sínum
og þau hafi fyrir vikið
mikinn skilning á
ýmsum málum. Hún
skýri til dæmis vel út
fyrir börnum sínum
að ekki séu allir eins
gerðir en að allir eigi
rétt á virðingu. Með
því vilji hún sýna hún
að börnum sé
útlitsdýrkun ekki
meðfædd heldur
snúist fordómar um
uppeldi. Frítíma
sínum ver hún að
mestu með börnum
sínum og fjölskyldu
og þá eru sundlaug-
arnar vinsælar. Henni
finnst mjög gott að
vinda ofan af sér með
því að horfa á
kvikmyndir og finnst
gaman að fara í bíó.
Sigrún er gamalt
partíljón, stuðbolti og
góður plötusnúður, þó
lítið hafi það nú notið
sín hin síðari ár. Hún
er sögð góður
gestgjafi og fær í að
skipuleggja hvers
lags uppákomur. Hún
á stóran vinkvenna-
hóp og ræktar sína
vináttu vel.
Eins og áður sagði
er Sigrún mjög
nákvæm, en það
hefur hún líka alltaf
verið. Dæmi um það
er þegar föðurbróðir
hennar, þá tvítugur,
var að passa hana, en
Sigrún var um
þriggja ára gömul.
Frændinn, sem bjó á
heimili foreldra
hennar, fékk það
hlutverk að fylgja
bróðurdóttur sinni á
leikskólann þar sem
foreldrar hennar voru
farnir til vinnu.
Góður hluti dagsins
fór í að reima uppháa
skó Sigrúnar, þar sem henni þóttu skórnir aldrei
nógu jafnt reimaðir. Frændinn þurfti því mörgum
sinnum að losa reimarnar á skónum og reima þá
að nýju.
MAÐUR VIKUNNAR
Vill sjá það besta í fólki
SIGRÚN DANÍELSDÓTTIR
ÆVIÁGRIP
Sigrún Daníelsdóttir fæddist í Reykjavík 24. maí 1975.
Foreldrar hennar eru Ingibjörg Norðdahl flugfreyja og
Daníel Þórarinsson viðskiptafræðingur. Sigrún er elst þriggja
systkyna en á eftir henni koma Daníel Tryggvi Daníelsson
viðskiptafræðingur og Dagný Daníelsdóttir. Sigrún hefur alla
tíð búið í Reykjavík, utan námsdvalar á Ítalíu. Í fyrstu bjó hún
með foreldrum sínum að Efstalandi en árið 1980 fluttust
þau að Sogavegi. Eftir að hún fluttist úr foreldrahúsum hefur
hún búið í miðbæ Reykjavíkur og í Rauðagerði. Sigrún gekk
í Breiðagerðisskóla og síðar Réttarholtsskóla, áður en hún
tók stúdentspróf frá Menntaskólanum við Hamrahlíð. Að því
loknu fór hún í Háskóla Íslands þar sem hún nam heimspeki
og bókmenntafræði en söðlaði fljótlega um og fluttist til
Sienna í Toscanahéraði á Ítalíu til að læra ítölsku. Eftir heim-
komu frá Ítalíu nam hún sálfræði við Háskóla Íslands. Lauk
hún BA-prófi í sálfræði í febrúar 2002 og Cand. psych prófi í
sálfræði í júní 2005. Eftir útskrift réðist Sigrún sem sálfræð-
ingur hjá Barna- og unglingageðdeild Landspítala (BUGL)
þar sem hún er meðal annars sálfræðingur í átröskunarteymi
BUGL. Meðal annarra starfa Sigrúnar má nefna rannsóknar-
vinnu hjá Rannsóknum og greiningu. Þá vann hún um tíma
á ferðaskrifstofu og var flokkstjóri í unglingavinnu.
Eiginmaður Sigrúnar er Birgir Þórarinsson, tölvunarfræð-
ingur og tónlistarmaður, en hann er einnig þekktur sem
Biggi Veira í hljómsveitinni GusGus. Þau eiga tvö börn, átta
ára dóttur sem heitir Silja Sóley og þriggja ára son sem heitir
Rökkvi.
VANN SÉR TIL FRÆGÐAR
Sigrún sló í gegn sem plötusnúður í fjöldamörgum veislum
þar sem hún mætti með númeraða geisladiska sem hún
hafði útbúið með samantekt áhugaverðrar partítónlistar.
HVAÐ SEGJA AÐRIR?
„Hún hefur óbilandi trú á því sem hún er að gera.“
Dagný Daníelsdóttir, systir Sigrúnar.
HVAÐ SEGIR HÚN?
„Við viljum að það sé borin jöfn virðing fyrir fólki, að öllum
sé gert kleift að þykja vænt um líkama sinn og líða vel í
honum, hvernig sem þeir eru vaxnir.“
Í Fréttablaðinu, 3. maí 2008.
Hringdu í síma
ef blaðið berst ekki