Fréttablaðið - 10.05.2008, Side 68

● heimili&hönnun
Í sátt við umhverfið
● Um áraraðir einkenndist íslenskur byggingarstíll fyrst og fremst af torfi og grjóti. Ís-
lenskir bæir féllu vel inn í landslagið og létu yfirleitt lítið fyrir sér fara kúrandi undir hlíðum
eða á grænum engjum. Þegar Íslendingar kynntust steinsteypunni breyttist byggingar-
stíllinn til muna og oft var lítið hugsað um umhverfið þegar hús voru hönnuð og byggð.
Með aukinni umhverfisvitund á undanförnum áratugum hafa arkitektar í auknum mæli
leitast við að snúa þeirri þróun við og taka mið af aðstæðum og náttúru við hönnun húsa
sinna. Mörg nýleg hús á Íslandi bera vott um þessa þróun og sýna að þegar umhverfið er
tekið með í reikninginn verður útkoman oft á tíðum stórkostleg.
Einbýlishús við Bakkaflöt í Garðabæ. Hönnun: Högna Sigurðardóttir. Húsið er frá árinu 1968 og markaði tímamót í íslenskri bygg-
ingarlist. Nýstárleg efnisnotkun Högnu og skírskotanir í hinn íslenska torfbæ skapa húsinu sérstöðu enda er það af mörgum talið
eitt merkasta hús á Íslandi út frá byggingarsögulegu sjónarmiði. Húsið hefur einnig vakið athygli úti í heimi því árið 2000 var það
valið eitt af 100 merkustu byggingum 20. aldarinnar í Norður- og Mið-Evrópu. FRÉTTABLAÐIÐ/ARNÞÓR
Býlið Hof á Höfðaströnd. Hönnun: Studio Granda. Húsið myndar eina heild með náttúrunni og því var valinn staður með tilliti til útsýnis, vinda og
birtu. Arkitektastofan Studio Granda var tilnefnd til Íslensku sjónlistaverðlaunanna árið 2007, meðal annars fyrir þetta fallega hús. MYND/STUDIO GRANDA
Einbýlishús á Jaðri við Selfoss. Hönnun: Vífill Magnússon. Hér eru vísanirnar í hinn íslenska torfbæ augljós-
ar og húsin falla vel inn í umhverfi sitt. MYND/VÍFILL MAGNÚSSON
Safnaðarheimili Akureyrarkirkju. Hönnun: Fanney Hauksdóttir. Flestir
eru sammála um að einstaklega vel hafi tekist til þegar safnaðarheim-
ili var byggt við Akureyrarkirkju á árunum 1985 til 1990. Húsið er
byggt inn í brekkuna og lætur lítið fyrir sér fara. FRÉTTABLAÐIÐ/VÖLUNDUR
Bláa lónið. Hönnun VA Arkitektar. Byggingarnar við Bláa lónið eru geómetrískar og nútímalegar en falla
engu síður vel að umhverfi sínu í hrauni og mosa. MYND/RAFN SIGURBJÖRNSSON
Einbýlishús við Steinavör á Seltjarnarnesi. Hönnun: Vífill Magnússon. Þetta fallega
hús stendur alveg í fjöruborðinu. Hönnunin minnir á burstir gamalla íslenskra bæja.
FRÉTTABLAÐIÐ/ARNÞÓR
10. MAÍ 2008 LAUGARDAGUR20