Fréttablaðið - 10.05.2008, Síða 88

36 10. maí 2008 LAUGARDAGUR
Laugavegur
H
verfisgata
Lækjargata
Austurstræ
ti
B
ankastræ
ti
Ingólfsstræti
Klapparstí
gur
Vatnsstígur
Vitastígur
Laugavegur
H
verfisgata
Laugavegur
H
verfisgata
Frakkastígur
Uppbygging miðborgar Reykjavíkur
Ónýt eða illa farin hús í miðborg Reykjavíkur eru mörgum til ama og geta að auki skapað hættu. Olav Veigar Davíðsson, blaðamaður
ræddi við eigendur nokkurra húsanna um hvað stæði til að gera, hver staðan væri og hvenær áætlað er að framkvæmdum ljúki.
Hvað stendur til?
Húsin við Laugaveg 4 og 6 eru
ásamt húsinu við Skólavörðustíg
1a í eigu Reykjavíkurborgar. Gert
er ráð fyrir að húsin verði gerð
upp og að þau verði þá sem
líkust upprunalegu útliti. Hrólfur
Jónsson, sviðstjóri framkvæmda-
og eignasviðs Reykjavíkurborgar, segir að unnið sé að tillögum
þar sem gert sé ráð fyrir að kjallarar séu grafnir undir húsin. Þá
verði byggt við húsin á baklóðum þeirra og hugmyndir séu uppi
um að tengja húsin við Laugaveg 4-6 og Skólavörðustíg 1a.
Hvar er málið statt?
„Það er ekki búið að ganga endanlega frá nýrri deiliskipulagstil-
lögu,“ segir Hrólfur en unnið sé að henni. „Við erum jafnframt að
skoða hvernig best verður að uppbyggingunni staðið, samhliða
deiliskipulagsvinnu.“ Þegar þeirri vinnu sé lokið verði tillagan
auglýst og vonast Hrólfur til að það verði sem fyrst.
Hvenær lýkur framkvæmdum?
Hrólfur segist ekki geta gefið upp nákvæmlega hvenær fram-
kvæmdum ljúki þar sem vinnu við skipulag og sé ekki lokið. „En
ég geri fastlega ráð fyrir að framkvæmdir hefjist í haust.“
■ LAUGAVEGUR 4-6
Hvað stendur til?
Á reitnum er gert ráð fyrir
hótelbyggingu, verslunum,
veitingastöðum, skemmti-
stöðum og skrifstofuhúsnæði
auk opins svæðis á miðjum
reitnum.
Rífa á húsin við Laugaveg 19,
19a og 19b. Einnig húsin við
Smiðjustíg 4, 4a og 6 og ef til vill Hverfisgötu 26. Þá á að rífa húsin
við Hverfisgötu 28, 32, 32a, 32b og 34. Loks á að rífa húsið við
Klapparstíg 30 sem áður hýsti skemmtistaðinn Sirkus. Samkvæmt
tillögunni sem nú er unnið etir getur Hljómalindarhúsið, Lauga-
vegur 21 hvort sem er verið flutt burt eða fengið að vera áfram á
sama stað. „Við erum að leggja upp með það í deiliskipulagi að
það verði áfram,“ segir Hanna G. Benediktsdóttir, fjármálastjóri
Festa, fasteignafélags. Festar fasteignafélag sér um framkvæmdir á
reitnum, á flest húsin og öll þau sem til stendur að rífa.
Hvar er málið statt?
Hanna segir að skipulagsráð borgarinnar hafi, fyrir um mánuði,
sæst á að vinna áfram með eina af þremur frumtillögum Festa.
Unnið er að deiliskipulagi sem hún bindur vonir við að verði
tilbúið í júní. „Þá fer þetta í auglýsingu og við ættum að geta kynnt
endanlega hönnun í byrjun september.“ Að því loknu taki við
frekari verkfræðivinna sem gæti lokið um næstu áramót og þá sé
hægt að byrja jarðvegsvinnu.
Festar keyptu fyrstu húsin á reitnum árið 1998 og segist Hanna
telja vinnuferlið hafa tekið óvenjulega langan tíma. „Í raun var
það ekki fyrr en í fyrra sem hægt var að fara að vinna tillögur að
uppbyggingu.“
Hvenær lýkur framkvæmdum?
„Við erum að vonast til að framkvæmdir taki á þriðja ár,“ segir
Hanna sem þýðir að framkvæmdum ætti að ljúka í byrjun árs
2012.
■ HLJÓMALINDARREITUR
- SIRKUSREITUR
Hvað stendur til?
Pósthússtrætisreitur
afmarkast af Pósthússtræti,
Skólabrú, Lækjargötu og
Austurstræti. Á reitnum eru
mörg hús sem hafa menning-
ar- og byggingarsögulegt gildi
og meðal þeirra Austurstræti
22 og Lækjargata 2 sem
skemmdust mikið í eldi 18.
apríl 2007. Þau hús eru nú í eigu Reykjavíkurborgar. Samkvæmt
deiliskipulagstillögu sem nú hefur verið auglýst er miðað við að
gömlu húsin verði færð til eldra horfs eða lagfærð. Einnig er gert
ráð fyrir að Nýja bíó verði endurreist á svipuðum stað og það áður
stóð. Þá verði bakgarðar húsa á reitnum skipulagðir sem ein heild.
Hvar er málið statt?
Deiliskipulagstillaga að Pósthússtrætisreitnum er nú í kynningu.
Hvenær lýkur framkvæmdum?
Samkvæmt Hrólfi Jónssyni, sviðstjóra framkvæmda- og eignasviðs
Reykjavíkurborgar, er áætlað að framkvæmdir hefjist á reitnum í
síðasta lagi í september.
■ PÓSTHÚSSTRÆTISREITUR
Hvað stendur til?
Til stendur að gera húsið við Laugaveg
46 upp svo útlit þess verði sem líkast
því sem var árið 1905 þegar húsið var
byggt. Húsið er í eigu Laka ehf. Þá verða
skúrar í bakgarði rifnir og nýbygging
byggð við húsið auk þess sem grafinn
verður kjallari undir húsið. Á jarðhæð
verður verslunar- eða þjónusturými
en íbúðir eða skrifstofur á tveimur efri
hæðunum. Að sögn var húsið til mikilla
vandræða. Þar höfðu útigangsmenn
komið sér fyrir en nú er búið að loka því kirfilega.
Hvar er málið statt?
Á miðvikudag fengust breytingar á deiliskipulagi samþykktar. Að
sögn Óla Þórs Barðdal, eiganda Laka er hönnun hússins langt
komin en hann keypti húsið í október síðastliðnum. „Ég er búinn
að rífa allt innan úr húsinu til að athuga burðarstoðir,“ segir Óli
Þór. Hann segir öll leyfi komin frá borginni en aðstæður á markaði
geri honum erfitt fyrir. Háir vextir og ónógt aðgengi að lánsfé hafi
sett framkvæmdir í bið. „Svo er borgin búin að eyðileggja allt
verðmat á Laugaveginum,“ segir Óli Þór og vísar þar til uppkaupa
Reykjavíkurborgar á húsum í miðborginni. „Þetta er sjálfhelda sem
borgin er búin að koma Laugaveginum í.“
Hvenær lýkur framkvæmdum?
Óli Þór segist ekki geta sagt til um hvenær framkvæmdum ljúki.
Framkvæmdir hafi átt að vera hafnar en ekkert verði gert fyrr en
bankarnir fari að lána. „Þetta er bara ástandið eins og það er og
ég bíð.“
■ LAUGAVEGUR 46
Hvað stendur til?
Hús, byggt árið 1902,
sem stóð við Laugaveg
74 var flutt þaðan í júní
2007. Það bíður þess að
verða gert upp en eftir
er að finna því nýjan
stað. Í stað þess verður
byggt nýtt 1.150 fermetra
hús. Á jarðhæð verður
verslunar- og þjónusturými en ofan á það koma tvær hæðir með
íbúðum. Sú hlið sem snýr að Laugavegi er nákvæm eftirlíking
framhliðar eldra hússins. „Mikil vinna var sett í að skrá öll smá-
atriði,“ segir Emil Emilsson, annar eiganda Laugavegs 74 ehf. Til
dæmis voru allir gluggar gamla hússins myndaðir og teiknaðir
upp áður en húsið var flutt svo hægt væri að fylgja í einu og öllu
þeirri fyrirmynd.
Hvar er málið statt?
Emil segir fyrirtækið hafa eignast lóðina fyrir um tveimur og hálfu
ári. Þá hafi hönnunarvinna hafist sem tekið hafi mið af gildandi
deiliskipulagi. „Sú hönnun víkur ekki í einu eða neinu frá gildandi
deiliskipulagi þannig að það var aldrei sótt um undanþágu
um eitt eða neitt,“ segir Emil. Eftir flutning gamla hússins hafi
jarðvegsframkvæmdir hafist en þær stöðvast vegna vetrarveðurs.
Einnig hafi nokkrar tafir orðið á verkinu vegna ónákvæmra upp-
lýsinga frá borginni en lóðin hafi verið öðruvísi í laginu en fyrri
gögn hafi sagt til um. Því hafi þurft að endurhanna húsið. 18.
desember var byggingaleyfi gefið út og eru framkvæmdir hafnar
en til stendur að byrja að steypa sökkla hússins á þriðjudaginn.
Hvenær lýkur framkvæmdum?
„Við áætlum að húsið verði orðið uppreist og lokað í haust,“ segir
Emil og bætir við að ástand efnahagsmála ráði miklu um hvenær
flutt verði í húsið og full starfsemi komin í gang. Hann telur verk-
efnið geta verið fyrirmynd að því hvernig vinna megi sambærileg
mál í miðborginni svo sátt náist.
■ LAUGAVEGUR 74
Hvað stendur til?
Reiturinn tekur til húsanna
við Laugaveg 33, 33a, 33b
og 35 auk hússins við
Vatnsstíg 4 sem öll á að rífa.
Húsin eru í eigu ÁF-húsa
ehf. Samþykktur deiliskipu-
lagsreitur sýnir 6 þúsund
fermetra byggingamagn en
áætlanir gera ráð fyrir byggingu tvö þúsund fermetra verslun-
arrýmis á fyrstu hæðinni og 25-30 íbúða á þremur hæðum þar
fyrir ofan. Vegna halla á Vatnsstíg verður þar innangengt í kjallara
hússins sem einnig nýtist sem verslunarrými. „Það er svona
hugmyndin en svo getur það breyst með nýjum tillögum,“ segir
Ágúst Friðgeirsson, framkvæmdastjóri ÁF-húsa ehf.
Hvar er málið statt?
Að sögn Ágústs hafa eldri tillögur verið lagðar til hliðar eftir
tveggja og hálfs árs viðræður við borgaryfirvöld. Hann segst finna
fyrir vilja hjá borginni til að koma málum af stað á ný og nú sé
unnið að nýjum útlitstillögum hjá þremur arkitektastofum. Tillög-
urnar séu allar miðaðar við gildandi deiliskipulag frá árinu 2003.
Þá segir Ágúst áætlað að framkvæmdir hefjist í haust.
Hvenær lýkur framkvæmdum?
Ágúst segir áætlað að framkvæmdir standi í 18 mánuði til tvö
ár svo ef framkvæmdir hefjast í haust ætti þeim að vera lokið
haustið 2010.
■ HORN LAUGAVEGS
OG VATNSSTÍGS