Fréttablaðið - 10.05.2008, Síða 110

58 10. maí 2008 LAUGARDAGUR
HANDBOLTI Breiðhyltingurinn
Kristinn Björgúlfsson er mikil
flökkukind en þessi lunkni
miðjumaður er enn og aftur á
faraldsfæti.
Hann hefur samið við norska
félagið Runar sem hann lék með
frá 2005 til 2007.
Fyrsta ár Kristins með liðinu
féll það en miðjumaðurinn spilaði
áfram með liðinu í 1. deildinni og
hjálpaði því að komast aftur í hóp
þeirra bestu í Noregi.
Kristinn yfirgaf síðan herbúðir
Runar fyrir síðasta tímabil og fór
til Grikklands. Það reyndist engin
frægðarför og Kristinn yfirgaf
félagið um miðjan veturinn eftir
ósætti við þjálfarann.
Hann ákvað þá að koma heim
og aðstoða uppeldisfélag sitt ÍR
við að komast upp í efstu deild en
það gekk ekki eftir.
„Ég fékk fínt tilboð frá þeim
[Runar] og ákvað að slá til. Hef
skrifað undir tveggja ára
samning. Það er bara tilhlökkun
að fara aftur til Noregs. Þekki allt
og veit að hverju ég geng sama
hvort það er klúbburinn, þjálfar-
inn, bærinn eða vinirnir,“ sagði
Kristinn sem sagði ekki skemma
fyrir að félagið væri líka í
Evrópukeppni næsta
vetur. Þess utan
verður Kristinn
þjálfari 18 ára
liðs félagsins.
- hbg
Kristinn Björgúlfsson:
Farinn aftur til
Noregs
HANDBOLTI Það var mikið um dýrð-
ir á Broadway í gær þegar lokahóf
HSÍ fór fram. Þau Heimir Örn
Árnason úr Stjörnunni og Pavla
Nevarilova frá Fram voru valin
bestu leikmenn vetrarins.
Heimir Örn var markahæsti
leikmaður N1-deildar karla með
169 mörk og fór fyrir Stjörnuliði
sem olli talsverðum vonbrigðum,
enda spáð titlinum fyrir mótið.
Heimir fékk einnig háttvísiverð-
laun HDSÍ. Heimir Örn mun ekki
leika með Garðbæingum næsta
vetur og fer annað hvort í Val eða
FH ef að líkum lætur.
Pavla Nevarilova fór á kostum
með hinu unga liði Fram sem kom
allra liða mest á óvart í vetur, en
sá á bak Íslandsmeistaratitlinum
þar sem liðið var með lakari stöðu
í innbyrðis viðureignum gegn
Stjörnunni. Pavla var frábær í
vörn Framara og kom fáum á
óvart að hún skyldi verða valinn
varnarmaður ársins.
Einar Jónsson vann þrekvirki
með Pövlu og Framliðið og var vel
að því kominn að fá þjálfaraverð-
laun ársins líkt og Aron Kristjáns-
son sem leiddi Hauka til öruggs
Íslandsmeistaratitils í vetur. Svein-
ar Arons fengu nokkur verðlaun,
og þar á meðal var Gunnar Berg
Viktorsson sem fékk hinn eftir-
sótta Valdimarsbikar. Þau verð-
laun eru kosin af þjálfurum og
fara til mikilvægasta leikmanns
deildarinnar að þeirra mati.
Haukamaðurinn Arnar Péturs-
son var varnarmaður ársins og
félagi hans Andri Stefan sóknar-
maður ársins. Valsmaðurinn
Ólafur Haukur Gíslason var mark-
vörður ársins og þann titil hjá
stúlkunum hlaut Florentina
Stanciu úr Stjörnunni.
HK-ingurinn Ólafur Bjarki
Ragnarsson var valinn efnileg-
asti leikmaðurinn hjá körlunum,
en hann sprakk út hjá HK í vetur,
líkt og Framstúlkan Stella Sigurð-
ardóttir sem var valin efnilegust í
kvennadeildinni. Haukastúlkan
Hanna Guðrún Stefánsdóttir fékk
síðan háttvísiverðlaun HDSÍ,
enda ávallt til fyrirmyndar, innan
vallar sem utan.
henry@frettabladid.is
Heimir Örn og Pavla valin best
Heimir Örn Árnason úr Stjörnunni og Pavla Nevarilova úr Fram voru valin bestu leikmenn N1-deildanna á
lokahófi HSÍ í gærkvöld. Aron Kristjánsson Haukum og Framarinn Einar Jónsson voru þjálfarar ársins.
BEST Þau Pavla Nevarilova úr Fram og Stjörnumaðurinn Heimir Örn Árnason þóttu
skara fram úr í vetur að mati leikmanna deildanna. Þau voru verðlaunuð á Broadway
í gær. FRÉTTABLAÐIÐ/HÖRÐUR OG STEFÁN
LOKAHÓF HSÍ
N1-deild karla: (lið ársins)
Markvörður: Egidijus Petkevicius, HK
Lína: Einar Ingi Hrafnsson, Fram
V. horn: Baldvin Þorsteinsson, Valur
V. skytta: Sigurbergur Sveinsson,
Haukar
Miðja: Andri Stefan, Haukar
H. skytta. Rúnar Kárason, Fram
H. horn: Arnór Gunnarsson, Valur
Þjálfari ársins: Aron Kristjánsson,
Haukar
Besta umgjörð: Haukar
Besti leikmaður: Heimir Örn Árnason,
Stjarnan
Efnilegasti leikmaður: Ólafur Bjarki
Ragnarsson, HK
Besti varnarmaður: Arnar Pétursson,
Haukar
Besti sóknarmaður: Andri Stefan,
Haukar
Besti markvörður: Ólafur Haukur
Gíslason, Valur
Valdimarsbikarinn: Gunnar Berg
Viktosson, Haukar
Besta dómaraparið: Anton Gylfi Páls-
son og Hlynur Leifsson.
N1-deild kvenna (lið ársins):
Markvörður: Florentina Stanciu,
Stjarnan
Lína: Pavla Nevarilova, Fram
V. horn: Dagný Skúladóttir, Valur
V. skytta: Alina Petrache, Stjarnan
Miðja: Eva Barna, Valur
H. skytta: Stella Sigurðardóttir, Fram
H. horn: Sólveig Lára Kjærnested,
Stjarnan
Þjálfari ársins: Einar Jónsson, Fram
Besta umgjörð: Valur
Besti leikmaður: Pavla Nevarilova,
Fram
Efnilegasti leikmaður: Stella Sigurðar-
dóttir, Fram
Besti varnarmaður: Pavla Nevarilova,
Fram
Besti sóknarmaður: Eva Barna, Val
Besti markvörður: Florentina Stanciu,
Stjarnan
KÖRFUBOLTI Jón Arnór Stefánsson
er ekki öruggur með að spila
áfram með ítalska liðinu Lotto-
matica Roma. Aðalástæðan er
óvissa um framtíð bosníska þjálf-
arans Jasmin Repesa. Næst á dag-
skrá hjá Jóni Arnóri er að klára
úrslitakeppnina og komast síðan í
smá sumarfrí áður en undirbún-
ingurinn byrjar með landsliðinu.
„Það er ekki öruggt að ég verði
áfram. Ég er með samning á borð-
inu sem ég er ekki búinn að sam-
þykkja. Það er verið að ganga frá
þessu en við fórum að heyra ein-
hvern orðróm um að þjálfarinn
ætlaði að skipta um lið. Ég var
svolítið smeykur um að vera
áfram þá en þetta er allt í biðstöðu.
Ég er ekkert stressaður yfir þessu
máli og reyni bara að hugsa sem
minnst um þetta yfir úrslitakeppn-
ina,” segir Jón Arnór sem er mjög
ánægður með Jasmin.
„Hann er rosalega góður þjálf-
ari í alla staði. Hann er mjög þægi-
legur og góður karl þótt að hann sé
síðan alveg snarbilaður inn á milli
sem þarf. Ég þekki hann vel og
ber mikla virðingu fyrir honum og
ég held að það sé öfugt líka. Við
tveir eigum rosalega gott sam-
band og vitum alveg hvað við fáum
frá hvorum öðrum,” segir Jón
Arnór sem kann einnig mjög vel
við sig í söguborginni.
„Þeir létu mig vita strax fyrir
fimm mánuðum að þeir vildu gera
samning við mig aftur og þetta
hefur gengið hægt. Ég var kannski
of afslappaður og þeir héldu að ég
væri bara klárlega að koma til
þeirra. Ég ætla bara að spila körfu
og svo læt ég bara umboðsmenn-
ina um hitt. Ég er rosalega ánægð-
ur í Róm og ánægður með klúbb-
inn. Það er gert vel við okkur, ég
er ánægður með þjálfarann og
liðið og gæti því vel hugsað mér að
vera hér eitthvað áfram,” segir
Jón Arnór en þetta er fyrsta tíma-
bilið hans sem atvinnumaður þar
sem hann spilar tvö tímabil í röð
með sama liðinu.
Jón Arnór ætlar að vera á fullu
með landsliðinu í sumar.
„Mér líst vel á landsliðið. Ég
fékk heimsókn frá Friðrik Inga
Rúnarssyni og Sigurði Ingimund-
arsyni og við settum niður og
ræddum málin. Ég er mjög vel
stemmdur fyrir þau verkefni og
líst vel á riðilinn. Ég held að við
eigum möguleika ef við náum að
æfa vel og verðum með gott leik-
kerfi. Við verðum vonandi með
okkar sterkasta lið, og ef svo
verður þá er ég mjög spenntur,”
segir Jón Arnór en fyrsti leikur
Lottomatica í úrslitakeppninni er
á morgun. - óój
Jón Arnór Stefánsson og framtíð hans hjá ítalska körfuboltaliðinu Lottomatica:
Ekki öruggt að Jón Arnór spili
áfram í Róm á næsta tímabili
ÆTLAR AÐ SPILA KÖRFU Jón Arnór Stefánsson ætlar að einbeita sér að körfuboltan-
um og bíða með að klára nýjan samning við Lottomatica. FRÉTTABLAÐIÐ/GRAZIANERI