Fréttablaðið - 28.08.2008, Blaðsíða 25

FIMMTUDAGUR 28. ágúst 2008 25
Uggur er í stofnfjáreigend-
um Sparisjóðs Svarfdæla
vegna lána sem þeir tóku
við stofnfjáraukningu.
Eigið fé sparisjóðsins hefur
rýrnað mikið.
„Mér finnst það eðlilegur hlutur
að fólk hafi áhyggjur þegar stað-
an er eins og hún er á fjármála-
mörkuðum,“ segir Friðrik
Friðriksson, sparisjóðsstjóri
Spari sjóðs Svarfdæla á Dalvík.
Margir stofnfjáreigendur í
Sparisjóði Svarfdæla eru ugg-
andi vegna lána sem þeir tóku til
að fjármagna stofnfjáraukningu
sjóðsins.
Stofnfé sjóðsins var átján millj-
ónir króna, en ákveðið var að
auka það um 500 milljónir til við-
bótar. Stofnfjáreigendurnir eru
um 150. Samkvæmt heimildum
Markaðarins gekkst sjóðurinn
sjálfur fyrir því að Saga Capital
lánaði þeim stofnfjáreigendum
sem á þurftu að halda fyrir aukn-
ingunni.
Flestir stofnfjáreigendur tóku
þátt í aukningunni, en hún nam
um 3,5 milljónum króna á mann.
Flestir munu hafa fjármagnað
aukninguna með lánum, en sum
þeirra eru í erlendri mynt. Gengi
krónunnar hefur lækkað umtals-
vert frá áramótum og eru dæmi
um að höfuðstóll svona láns sé
kominn fast að fimm og hálfri
milljón. Þessi þróun, ásamt rýrn-
andi eigin fé sparisjóðsins, valdi
fólki miklum áhyggjum.
Friðrik staðfestir að menn hafi
komið að máli við sig vegna
þessa. „Fólk þarf hins vegar ekk-
ert að óttast,“ segir hann.
Eigið fé Sparisjóðs Svarfdæla
hefur rýrnað „óþægilega mikið,“
segir Friðrik. Eigið fé sjóðsins
nam um tveimur og hálfum millj-
arði króna í fyrrasumar. Friðrik
segir að staðan verði þó ekki birt
fyrr en með hálfsársuppgjöri í
næsta mánuði. Þetta skýrist að
mestu leyti af slæmu gengi
Exista, en þar fjárfesti sparisjóð-
urinn umtalsvert, í gegnum félag-
ið Kistu. Einnig var fjárfest í
öðrum félögum. „En ég legg
áherslu á að það er engin hætta á
ferðum enn sem komið er,“ segir
Friðrik.
Samþykkt var í fyrrahaust að
breyta sparisjóðnum í hlutafélag.
„Við tökum annan snúning á því í
september,“ segir Friðrik. Hann
staðfestir að undirrituð hafi verið
viljayfirlýsing við KEA um kaup
á hlutafé í sparisjóðnum. „Hún er
í fullu gildi. Þetta verða umtals-
verðir fjármunir þegar þar að
kemur.“
ingimar@markadurinn.is
Stofnfjáraukning
sligar lántakendur
FISKIDAGURINN MIKLI Á DALVÍK Fiskidagurinn mikli var að venju haldinn hátíðlegur
á Dalvík fyrr í þessum mánuði. Í bæjarfélaginu er uggur í stofnfjáreigendum vegna
lána sem þeir hafa tekið við aukningu stofnfjár. MYND/GUÐMUNDUR EINAR
„Verðbólgan hefur
jákvæð áhrif á okkur,
þó ekki í sama mæli og
hjá viðskiptabönkun-
um,“ segir Styrmir Þór
Bragason, forstjóri MP
fjárfestingarbanka.
Bankinn skilaði ríf-
lega einum og hálfum
milljarði króna í hagn-
að á fyrri helmingi árs-
ins. Það er ríflega
þriðjungi meira en á
sama tíma í fyrra.
Hreinar vaxtatekjur
bankans nema um helmingi hagn-
aðarins en þær næstum fjórföld-
uðust frá sama tíma í fyrra. Hagn-
aður á hvern hlut var 1,43 krónur
á fyrri helmingi ársins samanborið
við 1,04 krónur í fyrra.
„Við erum af þeirri stærð að við
getum breytt um stefnu tiltölu-
lega hratt,“ segir Styrmir og bætir
því við að verðtryggðar
eignir séu meira áber-
andi í eignasafni bank-
ans en áður. Hann býst
ekki við að breyting
verði á. „Við sjáum
áfram nokkurn verð-
bólguhraða.“
Gengishagnaður af
fjármálastarfsemi hjá
bankanum jókst um rúm
átta prósent og nam hátt
í 700 milljónum króna á
fyrri helmingi ársins.
Eiginfjárhlutfall MP
fjárfestingarbanka er nú tæp þrjá-
tíu prósent og hefur aukist lítil-
lega frá áramótum. Þá hafa heild-
areignir bankans aukist um tæpan
þriðjung á sama tíma og nema
rúmlega 68 milljörðum króna.
Laust fé samkvæmt uppgjörinu
nemur tæpum ellefu milljörðum
króna. - ikh
Verðbólgan eykur
hagnaðinn hjá MP
STYRMIR ÞÓR BRAGASON
„Hér er í raun aðeins
um sameiningu vöru-
merkja að ræða og er
hún síðasta stigið í sam-
einingu þessara fyrir-
tækja sem hófst fyrir
tveimur árum,“ segir
Jón Ómar Erlingsson,
nýr framkvæmdastjóri
Odda. Hinn 1. október
sameinast Kassagerð-
in, Prentsmiðjan Gut-
enberg og Oddi undir
vörumerki Odda.
Fyrirtækin hafa öll verið í eigu
Kvosar hf. síðan árið 2006.
Að sögn Jóns mun sameiningin
ekki leiða til mikilla uppsagna.
Stjórnunarstörfum fækki en sölu-
störfum fjölgi. Tilgangurinn sé að
auðvelda markaðssetn-
ingu, en sameiginleg
markaðshlutdeild fyrir-
tækjanna þriggja mun
vera 35 til 40 prósent.
Þá segir Jón að fyrir-
tækið Prentun.com, sem
einnig er í eigu Kvosar,
muni á næstunni renna
inn í Odda.
Prentsmiðjan Guten-
berg er elsta prentsmiðja
landsins með óslitna sögu
frá 1904, en mun við
breytinguna hverfa af markaði.
Jón útilokar þó ekki að vörumerk-
in Gutenberg og Kassagerðin
kunni að verða endurvakin síðar.
Jón Ómar var áður framkvæmda-
stjóri Kassagerðarinnar. - msh
Vörumerki sameinuð
JÓN ÓMAR
ERLINGSSON