Réttur - 01.01.1946, Blaðsíða 73

RÉTTUR
73
henni fylgdi ný allsherjar áróðursherferð gegn Sovétríkjun-
um. Observer sagði 12. ágúst 1945:
„Ánægjuleg er sú yfirlýsing, að Bretland og Bandaríkin
ætli ekki að gera uppskátt leyndarmálið um kjarnorku-
sprengjuna fyrr en fundin hafa verið ráð til að hafa hemil
á henni. En hún táknar mikla breytingu á valdaaðstöðunni
í heiminum . . . Hún tengir Bretland og Bandaríkin nánari
böndum en nokkru sinni fyrr . . . Hún breytir kraftahlut-
föllunum milli hinna Þriggja stóru . . . Einokun kjarnorku-
sprengjunnar gerir brezk-ameríska valdayfirburði að stað-
reynd eins og sakir standa.“
Þannig var hið áfenga vín herfræðilegra draumóra, sem
vakti af nýju draumana um brezk-amerísk heimsyfirráð og
leiddi til hins versnandi samkomulags í alþjóðamálum, sem
vér nú erum vitni að. Það var ekki fyrr en Rússlandsníðið,
sem hafið var á Vestuilöndum sumarið 1945, var kornið í
algleyming, að Ráðstjórnarríkin hurfu frá þeirri stefnu að
þegja á opinberum vettvangi um aðgerðir bandamanna
sinna í vestri og tók að svara opinberlega fyrir hönd hinna
lýðræðissinnuðu, andfasísku afla í heiminum.
Erfðaskrá Göbbels
í þessu sambandi er vert að minnast síðustu ræðnanna,
sem Göbbels flutti, fyrir aðeins einu ári, þegar nazisminn
var kominn að hruni. Göbbels lýsti því, hvernig Evrópu og
Þýzkalandi yrði skipt í brezk-amerísk og rússnesk valda-
svæði. Hann brá upp mynd af því, hvernig Austur-Evrópa
yrði skipulögð af Ráðstjórnarríkjunum bak við „járntjald“.
(Það er athyglisvert, að það var Göbbels, sem fyrstur kom
með þetta hugtak, „Járntjald“, sem allir afturhaldsmenn á
Vesturlöndum, þar á meðal Churchill, þrástagast nú á).
Hann lýsti því í spádómi sínum, hvernig þetta myndi leiða
til óhjákvæmilegra árekstra milli engilsaxnesku stórveldanna
og Ráðstjórnarríkjanna og hrynda af stað þriðju heimsstyrj-