Réttur - 01.01.1947, Qupperneq 36

36
RÉTT UR
Eftir að enn höfðu verið gerðar ítrekaðar tilraunir til
að afla prentsmiðjuleyfisins, kom loks hin síðbúna leyfis-
veiting í vetrarbyrjun 1886. Prentsmiðjan var þá fyrir all-
löngu tilbúin og prentari ráðinn. Var nú ekki beðið boð-
anna um að hef ja útgáfu blaðsins.
Hinn 30. október 1886 hóf hið nýja blað göngu sína.
Það hlaut nafnið Þjóðviljinn, og kemur glöggt fram í
nafngiftinni, hvert forgöngumennirnir stefndu. Nafnið
var táknrænt fyrir stefnu blaðsins, en hún var í stytzu
máli sú að 'halda fram vilja þjóðarinnar gegn stjórnar-
völdunum.
Um nafn þetta og með hverjum hætti það varð til höf-
um vér frásögn Skúla Thoroddsens sjálfs.
I næstsíðasta. blaði Þjóðviljans, sem út kom, dagsettu
hinn 4. des. 1915, ræðir Skúli um þetta efni og segir
meðal annars:
„Vilji þjóðarinnar, eða öllu heldur vilji meiri hluta
hennar, er það, sem einatt á að ráða, er um eigin mál-
efni hennar ræðir. Þetta er þá og stefna blaðs vors, er í
nafni þess felst.
Nafnið er annars til orðið um þær mundir, sem séra
Arnljótur heitinn Ólafsson gerði hvað mest háð að þjóð-
arviljanum hér á landi. Það var séra Sigurði Stefáns-
syni í Vigur, sem datt nafnið fyrst í hug, og ég féllst
þá á það.“------
Hluthafar „Prentfélags Isfirðinga" höfðu kosið í rit-
nefnd blaðsins þá Skúla Thoroddsen, séra Sigurð Stefáns-
son og séra Þorvald Jónsson. Nafn Skúla mátti ekki
standa á blaðinu, þar sem hann var lögreglustjóri. Séra
Sigurður var á hinn bóginn búsettur fjarri útkomu-
staðnum. Gerðist Þorvaldur prófastur því ábyrgðar-
maður blaðsins. En þegar í öðru blaði Þjóðviljans lýsti
hann því yfir, að hann hætti öllum afskiptum af rit-
stjórn þess. Ástæðan er vafalaust sú, að í fyrsta tölu-
blaði birtust tvær mjög harðar árásargreinar á stjórn-