Réttur - 01.01.1947, Page 50

50
R É T T U R
stuðnings hennar við blaðið. Skúli var oft fjarstaddur
útkomustað Þjóðviljans, einkum er hann sat á þingi.
Sá Theodóra þá oft um blaðið og studdi mann sinn jafn-
an með ráðum og dáð. Mun fæstum nú kunnugt, hversu
mikinn þátt hún hefur átt í viðgangi Þjóðviljans og vin-
sældum, en fullyrða má, að hennar hlutur sé ekki lítill.
Lét hún mörg mál til sín taka og ritaði ósjaldan um þau
í blaðið.
í ársbyrjun 1898 stækkaði Þjóðviljinn ungi mikið í
broti og jafnframt f jölgaði tölublöðum að nokkrum mun.
Efnið varð því stórum fjölbreyttara en áður, meðal ann-
ars ýtarlegar, útlendar fréttir, innlendur sagnafróðleik-
ur og margt fleira.
Árið 1899 breyttist nafn blaðsins aftur í gamla horfið.
Þjóðviljinn ungi varð að Þjóðviljanum, og hélzt það
nafn alla stund síðan. Um leið og þessi breyting var gerð,
lagði Skúli Thoroddsen saman aldursár gamla Þjóðvilj-
ans og Þjóðviljans unga, 5 + 8, og hóf því fjórtánda ár-
gang árið 1899.
Árið 1901 varð sú breyting á högum Þjóðviljans, að
hann fluttist, ásamt fóstra sínum, frá Isafirði og suður
að Bessastöðum. Hafði hann þá komið út vestra í 15 ár.
Mun óhætt að segja, að leitun sé á því blaði íslenzku,
sem náð hefur jafnmiklum ítökum og haft eins gagn-
ger áhrif á umhverfi sitt og Þjóðvilji Skúla hafði í ísa-
fjarðarsýslum og raunar á Vestfjörðum öllum. Blaðið
var mjög útbreitt um nágrennið, keypt nær því á hverj-
um bæ í sýslunum báðum. Alþingiskosningar þær, sem
fram fóru vestra, meðan Þjóðviljinn kom út á ísafirði,
sýna betur en flest annað, hversu mikil ítök hans voru.
— 1 öðrum landshlutum var blaðið langtum minna út-
breitt, og mun kaupendafjöldinn ekki hafa verið yfir
700, fyrri árin á ísafirði.
Eftir að Þjóðviljinn fluttist til Bessastaða, náði hann
nokkurri útbreiðslu í Gullbringu- og Kjósarsýslu og