Réttur - 02.05.1950, Blaðsíða 22

102
RÉTTUR
> Þetta er það bezta, sem ég get látið yður fá í kvöld. Á
morgun getið þér fengið herbergi með baði, en fyrirvarinn
var stuttur, svo þér verðið að gera yður þetta að góðu.
Hann bauð góða nótt og lokaði dyrunum. Andartaki síðar
kom hann aftur.
Með tilliti til morgunverðar ? spurði hann. Eruð þér
,vanur að borða hann uppi á herberginu yðar eða viljið
þér gera okkur þá ánægju að taka þátt í sameiginlegu
borðhaldi okkar? Lögregluliðið langar mjög til að hitta
yður.
Morguninn eftir, áður en Esekías var kominn á fætur,
færði lögregluforinginn honum ný föt, silkihatt, röndóttar
buxur og gljáskó með legg'hlífum.
Ég vona, að þér hafið ekkert á móti því að taka við
þessum hlutum, herra Hayloft. Lögregluliðið vill leggja
mikla áherzlu á að búa yður sem bezt, svo að þér komið
vel fyrir í réttinum.
Velklæddur 'og nýrakaður var Esekías leiddur fram
fyrir æðstu embættismenn lögreglunnar. Þeir spjölluðu
við hann góða stund um atburði kvöldsins áður, og gáfu
honum vindil.
Eftir hádegi kom fjöldi fyrirmanna í heimsókn til Ese-
kíasar og óskaði honum til hamingju.
Ég vildi gjarnan mega segja yður, herra, sagði ritstjóri
stórs amerísks dagblaðs, að starf yðar í gærkveldi mun
verða kunnugt og rætt í öllum ríkjunum. Það eitt, að þér
skutuð þjóninn , sýnir frábæra dirfsku, herra, og hún
kemur okkar óskráðu lögum að miklu liði.
Herra Hayloft, sagði annar gestur, mér þykir leitt, að
ég skyldi ekki hafa hitt yður fyrr. Vinir okkar hér segja
; mér, að þér hafið verið í New York í nokkra mánuði. Ég
Iharma, herra, að við þekktum yður ekki. Þetta er nafn
ifyrirtækis míns, herra Hayloft. Við erum lögfræðingar
hér, og viljum gjaman hafa heiðurinn af að verja yður.
Megum við það ekki? Kærar þakkir, herra. Þar sem við