Réttur - 02.05.1950, Blaðsíða 45
RÉTTUR
125
Nýtt tæknilið.
Áætlunin gerir ráð fyrir, að á þessu sex ára tímabili komi til
sögunnar 800—900.000 verkmenntaðir verkamenn og 80—100.000
tæknifræðingar, er allir vinni að ýmis konar landbúnaðarstörfum.
Hverja eigum við að mennta á þennan hátt? Sagan kennir okk-
ur, að sérhver ríkjandi stétt hefur jafnan átt sitt menntalið. Verka-
lýður og alþýða Sovétríkjanna hafa skapað sér þess konar lið
kunnáttumanna. Og verkafólk og almenningur í Póllandi verða
líka að koma sér upp slíku liði. Við verðum því að skapa okkur
menntalið, sem runnið sé upp úr verkalýðsstétt og alþýðu landsins.
Á þeim fjórum árum, sem liðin eru, frá því að land okkar fékk
frelsi á ný, hefur risið upp meðal verkafólksins allstór hópur
manna, sem hefur öll skilyrði til að verða menntalið landsins.
Það eru áhuga-verkamennirnir, þeir sem ríkastir eru að reynslu
og gleggsta vitund hafa um aðstæður og markmið. Og það eru
sérmenntaðir og siðfágaðir verkamenn, sem gegnt hafa forstjóra-,
fulltrúa- og verkstjóraembættum. Þessa menn skortir nokkuð al-
menna menntun og tækniþekkingu, þess vegna þurfum við að
senda mjög marga þeirra á framhaldsnámskeið — og láta aðra
verkamenn taka við störfum þeirra. Á þennan hátt getum við
hraðað sköpun nýs liðs kunnáttumanna úr verkalýðsstétt.
Baráttan fyrir framkvæmd sex ára áætlunarinnar og undir-
stöðu sósíalisma í Póllandi er mikil og hörð og reynir á þolrif
verkalýðsins.
Hvað er nú nauðsynlegt til að leysa af hendi þau miklu verk-
efni, sem mörkuð eru í áætluninni? Til þess þarf þekkingu á
þjóðfélagslegum þróunarlögmálum. Það er nauðsynlegt að eiga
sér byltingarkenningu, því að án slíkrar kenningar verður bylt-
ingarstarf ekki unnið. Við höfum slíka kenningu — það er kenn-
ing þeirra Marx og Lenins.
Nauðsyn krefur, að fyrir hendi sé afl, er hindri og ónýti and-
stöðu auðvaldsstéttanna og komi í veg fyrir truflunarviðleitni er-