Réttur - 02.05.1950, Blaðsíða 13
flÉTTUR
93
og réttlætistilfinningu, til að rísa upp og berjast í heima-
landi sínu gegn aðförum hinnar voldugu brezku yfirstéttar
og ríkisstjórnar Bretlands.
Keir Hardie, brezki verkalýðsleiðtoginn, fyrsti óháði
verkamannaþingmaðurinn, barðist gegn Búastríðinu. Hann
aðvaraði brezku verkamennina — um hvað heimsveldis-
stefna brezka auðvaldsins þýddi fyrir þá: „Því stærra sem
heimsveldið er, því þyngri verða hernaðarútgjöldin, og því
verra verður hlutskifti verkamannanna." Keir Hardie tók
afstöðu gegn heimsveldisstríðinu 1914 og sorg hans yfir
svikum sósíaldemókrataleiðtoganna þá leiddi hann til bana
1915. Það var um hann, sem Stephan G. orti þessar línur
það ár í „Vopnahlé":
„Hver hafa orðið forlög foringjanna
fáu þeirra, er ekki hafa brugðið
friðarmæli sín, og vildu ei svíkja
sannleikann í voða? Einn1 er myrtur,
annar2 fyrir sömu sök er gerður
svívirðing í eigin hóp og dæmdur,
yfirgefinn rænulaus af raunum
reikar nú sá þriðji3 um grafarbakkann."
Nú berst Kommúnistaflokkur Stóra-Bretlands gegn ný-
lendustríði brezka auðvaldsins. Forustumenn hans Pollitt,
Gallacher og Palme Dutt hafa haldið uppi heiðri brezkrar
verkalýðshreyfingar og bjargað orðstír hinnar miklu
brezku þjóðar með því að brennimerkja frammi fyrir heim-
inum þá smán, sem núverandi valdhafar Bretlands gera
þjóð sinni með níðingsverkinu í Malajalöndum.
Og nú tekst ekki lengur að brjóta á bak aftur þá, sem
„vildu ei svíkja sannleikann í voða.“
Nú er fjöldinn vaknaður til meðvitundar um rétt sinn
J) Jean Jaurés — 2) Liebknecht — 3) Keir Hardie“.
(Skýringar Stephans G. sjálfs).