Réttur - 01.08.1950, Qupperneq 28

188
RÉTTUR
M. ÍLJÍN:*
Auðæfi jarðar og mennirnir
Hve margt fólk getur jörðin fætt?
Á jörðinni búa tvö þúsund og tvö hundruð milljónir manna. Að
minnsta kosti fimmtán hundruð milljónir af þeim fjölda hljóta
margan dag að sætta sig við að fá ekki nægju sína að eta.
Á sumum svæðum Asíu, Suðurameríku og Afríku er hungurs-
neyð landlæg. Lýsingarorðið hungur er orðið fastur fylginautur
orðsins Indverji. í Bengalhéraði verður þriðjungur íbúanna hung-
urmorða á sumum árum. Blaðamaður nokkur amerískur ritar, að
lúxushótelin á Haiti séu eins og eyjar allsnægta í hafi hræðilegrar
fátæktar. En þessi Ameríkani hefði raunar ekki þurft að fara alla
leið til Haiti til þess að sjá fólk svelta. Hann hefði getað séð það
í sínu eigin landi. Einn af þingmönnum repúblikana, George D.
Aiken frá Vermont áætlar að yfir 10 milljónir Bandaríkjamanna
hafi ekki efni á að kaupa fjölskyldum sínum nægilegt viðurværi.
„Hungur heimsins' er orðið tíðnefnt efni í ræðum, ritgerðum og
bókum. Vísindamenn, rithöfundar og forustumenn þjóða rökræða
um það hvort mannkynið geti sloppið undan hungri og þá hvernig.
Og iðulega komast þeir að hinum fáránlegustu niðurstöðum. Sumir
amerískir vísindamenn reyna að lífga við aftur Malthusarkenn-
inguna, sem vísindin hafa fyrir löngu kastað fyrir borð og halda
því fram, að jörðin geti ekki fætt allt það fólk, sem á henni býr
og að þessvegna verði að fækka íbúunum.
Tveir fræðimenn við Cornell háskóla í Bandaríkjunum að nafni
Frank A. Pearson og Floyd A. Harper hafa skrifað bók, sem þeir
nefna „Hungur heimsins.“ í bók þessari reyna þeir að reikna út
*M. Iljín er frægur rússneskur rithöfundur.