Réttur - 01.06.1936, Side 27

urinn dýran, en há flutningsgjöld minnka flutning-
inn og halda við einangrun héraðanna.
*
Kyrrstaða spánska iðnaðarins og alls atvinnu-
lífsins yfirhöfuð, varð þess valdandi, að kreppan
varð aldrei jafn mikil eins og í iðnaðarlöndunum.
Því lengur varir hún og enn bólar ekki á neinum
bata.
Vísitala iðnaðarframl. Spánar (1929=100).
1928 ’29 ‘30 ’31 ’32 ’33 ’34 ’35
89,2 100 98,6 93,2 88,4 85,4 85,5 85,6
Nú um þriggja ára skeið hefir iðnaðurinn verið í
sama kreppuástandinu. (Innanlandsskærumar seinka
auðvitað batanum á auðvaldsgi’undvelli að mun).
Kreppan í peningaumferðinni er heldur ekki eins
mikil og annarsstaðar. Á fyrstu kreppuárunum lækk-
aði gengið og stuðlaði það meðal annars að falli
Primo de Rivera. En frá 1932 hefir gengið verið
stöðugt. Og Spánarbanki hefir staðið stöðugur, þrátt
fyrir óhagstæðan verzlunarjöfnuð. Þróunin í næstu
framtíð er fyrst og fremst háð framgangi byltinga-
hreyfingarinnar.
Stéttaskifting og stéttabarátta á Spáni.
Eftir að hafa gert okkur grein fyrir ástæðunum í
atvinnulífi Spánar, getum við fengið gott og rétt
yfirlit yfir stéttaskiftinguna, eins og hún er nú. Þó
verður henni ekki lýst með áreiðanlegum tölum, því
spánskar hagskýrslur eru bæði gloppóttar, úreltar
og óáreiðanlegar. Tölur þær, sem hér fara á eftir,
verða því að skoðast sem heldur ónákvæmar áætl-
anir. —
a). Gósseigendastéttin. Til hennar teljast 20—30
þús. gósseigendur, sem eiga bújarðir frá 100—
100.000 ha. að stærð. 1 þeirra eign eru um tveir þriðju
hlutar jarðanna. Innan þessarar stéttar verður enn
107