Réttur - 01.08.1981, Blaðsíða 57
skildinginn til hermdarverka, þótt fátækling-
ar landsins verði að svelta heima.
Eisenhower forseti sagði fyrir 25 árum:
„Sérhver framleidd fallbyssa, sérhvert sjó-
sett herskip, sérhver eldflaug með útbúnaði,
— er þegar alt kemur til alls þjófnaður, þar
sem stolið er frá þeim, sem svelta, — þeim
sem kuldinn nístir, — þeim, sem skortir
föt.”
Polisario
Polisario-hreyfingin er frelsishreyfing
Saharawi-þjóðarinnar í því, sem eitt sinn var
kallað spánska Marokko. Þegar Spánverjar
slepptu þessari nýlendu, lagði einvaldskon-
ungurinn í Marokko hana undir sig, en her
hans hefur nú orðið að hörfa æ meir undan
fyrir frelsisher Polisario. Hefur Polisario nú
myndað sjálfstætt ríki Saharawi arabiska
lýðræðislega lýðveldið, og 45 ríki þriðja
heimsins hafa viðurkennt það. 26 afríkuríki
af 51 viðurkenna það, en Marokko streitist á
móti og er á laun stutt af Bandaríkjunum og
sá stuðningur verður æ opinberari eftir að
Reagan komst til valda. Bandaríkjaauðvaldið
vill nota einvaldskonung Marokko á móti öllum
frelsishreyfingum fólksins í arabisku lönd-
unum. — Það er alstaðar sami fjandskap-
urinn við lýðræði og þjóðfrelsi hjá auðvaldi
Bandaríkjanna. Aðeins hræsnin heldur
stundum ofurlitið aftur af morðríki því.
Nifteindasprengjan
Það er reynt af hálfu vissra Nato-herra að
blekkja fólk um hvað nifteindasprengjan er,
hvílíkum voða hún veldur.
Þegar hún springur, myndast höggbylgja,
hitageislun, banvæn nifteindageislun og
geislavirkt úrfelli.
Nifteindageislunin er banvæn öllu lifandi.
Tilgangurinn með beitingu hennar er því
fyrst og fremst múgmorð.
Eins kílótonna sprengja af slíkri gerð eyði-
leggur allar byggingar innan 300 metra
geislahrings, drepur allt fólk innan hrings
með 800 metra geisla, líka þótt það sé í
byrgjum. Allar lifandi verur enn lengra frá
sýkjast af geislunarveiki. Allur gróður deyr
á 570 hektara svæði. Hlutir, sem þola
sprengjuna, verða geislavirkir.
Þetta er það, sem Bandaríkjastjórn ætlar
„bandamönnum” sinum í Evrópu að fá að
kenna á. Aðeins nokkrar nifteindasprengjur
myndu drepa allt, sem lifir í einni stórborg.
Það er auðséð að morðingjarnir frá Hiro-
shima og Nagasaki álíta að Evrópumenn eigi
að fá að finna fyrir grimmd þeirra lika. —
Þá langar bara til að sleppa sjálfir, — greyin.
Vestur-Evrópa vaknar
Eftir friðargönguna miklu í sumar frá
Kaupmannahöfn til Parísar er greinilegt að
mótmælahreyfingunni gegn kjarnorkuher-
væðingu Vestur-Evrópu fyrir Bandaríkja-
menn vex óðum fylgi. Þeir kæra sig ekki um
það, er þeir fara að hugsa alvarlega Vestur-
Evrópubúar að láta gera sig að sláturfé fyrir
Reagan, — slátrað með slíkum aðferðum,
sem bannað væri að slátra nokkurri kind
með: nifteindaeitrun.
Hinn mikli mótmælafundur í Bonn 10.
okt., þar sem 250—300.000 manns tóku þátt
í, sýnir þetta best. Meðal mótmælenda voru
m.a. 80 þingmenn sósíaldemokrata.
Vinstri sigrar í Grikklandi
Sósialistaflokkur Andreas Papandreu
vann stórsigur í grísku þingkosningunum 18.
okt. Fékk hann 47% atkvæða og meirihluta
á þingi, en hafði 25% í siðustu kosningum.
169