Réttur - 01.08.1981, Blaðsíða 4
I
Alþýðubandalagið mun leggja áherslu á að
tryggja að batnandi staða þjóðarbúsins skili
sér í auknum kaupmætti til launafólks á
samningstímanum. Leggja ber áherslu á fé-
lagslegar aðgerðir í framhaldi þess sem gert
hefur verið á því sviði og Réttur hefur ítar-
lega fjallað um. Jafnframt samningum um
kaup og kjör ber að leggja áherslu á minnk-
andi verðbólgu áfram. Forsendur aðgerða
verði jöfnuður.
2. Atvinnumál. í atvinnumálum mun
Alþýðubandalagið beita sér fyrir lokaá-
kvörðun um næstu virkjanir, en jafnframt
þróun iðnaðgrins og atvinnuveganna á
íslenskum forsendum. Þar ber að hafa í huga
nauðsyn fjölbreytni, en þó framar öðru
öryggi í markaði og aðföngum þess nýiðn-
aðar sem kann að rísa hér á næstu árum.
Sjónarmið Alþýðubandalagsins í þessu efni
eiga stuðning hvarvetna i þjóðfélaginu; nú-
orðið eru þeir fáir sem mæla bót stefnu
íhaldsins sem forðum samþykkti álverið
sömu árin og samið var við breta og vestur-
þjóðverja um að þeir réðu í raun útfærslu
landhelginnar.
3. Utanríkismál. Alþýðubandalagið mun
á þessum vetri leggja vaxandi áherslu á utan-
rikismálin í ljósi þeirra nýju viðhorfa sem
Ólafur Ragnar og Einar Karl gerðu grein
fyrir í síðasta hefti Réttar. Þau mál verða
tekin upp á alþingi og þess freistað svo sem
kostur er að vekja þjóðina til athygli á hinni
alvarlegu þróun vígbúnaðarkapphlaupsins.
Nú er enda svo komið að stærri hluti þjóðar-
innar áttar sig á hættum helstefnunnar og
þeir sem styðja sjónarmið bandaríkjastjórn-
ar í þessum efnum eru færri og færri, lítill
minnihluti ofstækismanna.
4. Sveitarstjórnarkosningarnar. Alþýðu-
bandalagið hefur þegar hafið undirbúning
sveitarstjórnarkosninga í ýmsum byggðar-
lögum í landinu, meðal annars undirbúning
borgarstjórnarkosninganna í Reykjavík. Hér
i bæ vannst meirihlutinn á 80 atkvæðum um-
fram íhaldið þannig að það þarf verulega að
herða róðurinn á þeim vikum sem nú fara í
hönd. Barátta Alþýðubandalagsins til sigurs
í Reykjavik að vori er meginverkefni okkar
allra á þeim átta mánuðum sem eftir eru
fram að kosningum.
Af þessari upptalningu sjá lesendur Réttar
að það er átaka- og starfstimi framundan. Sú
er trúa mín að Alþýðubandalagið hafi svo
hæfu liði á að skipa að ástæða sé til þess að
leyfa sér bjartsýni, — en árangur næst þó
aðeins með miklu starfi okkar allra. Þar
gegna allir flokksmenn jafnmikilvægu hlut-
verki hvar sem þeir eru.
September 1981
116