Réttur - 01.08.1981, Blaðsíða 45

Morðæði Suður-Afríkustjórnar
Fasistastjórn Suður-Afríku framkvæmir
eigi aðeins fjöldamorð eins og í Soweto, sem
vekja athygli og andúð um allan heim. Hún
fremur og daglega aftökur þjóðfrelsissinna,
sem hún lætur „dómstóla” sína dæma til
dauða fyrir það að berjast fyrir mannréttind-
um sínum. Á fyrra misseri þessa árs voru 57
manns hengdir, allir hörundsdökkir, — að
meðaltali hafa 130 manns verið hengdir síð-
ustu þrjú ár.
í ársfjórðungsriti sínu „Sechaba” í árslok
1978 reyndi þjóðfrelsishreyfingin að vekja
athygli heimsins á því að Solomon
Mahlangu, 22 ára þjóðfrelsissinni, hefði
verið „dæmdur” til dauða og hét á menn að
frelsa líf hans.
Mótmæli dundu yfir ríkisstjórnina í
Pretoríu úr öllum áttum, en ekkert dugði.
Solomon Mahlangu var hengdur.
Nú vofir dauðinn yfir þrem ungum þjóð-
frelsissinnum. „Sök þeirra er að berjast gegn
„apartheid”, gegn þvi sem Sameinuðu þjóð-
irnar hafa lýst „glæp gegn mannkyninu”.
Þessir þrír eru dæmdir til dauða fyrir „árás”
á lögreglustöð í janúar 1979, þar sem enginn
maður féll þó. Það á að drepa þá fyrir að
mótmæla kynþáttakúguninni.
Þeir heita Ncimbithi Johnson, Lubisi, 28
ára, Petrus Tsepo Mashigo, 20 ára og Naph-
tali Manana, 24 ára.
í febrúarhefti „Sechaba” 1981 heitirþjóð-
frelsishreyfingin á þjóðir heims að frelsa
þessa ungu menn úr böðulsgreipum fasism-
ans.
Af hverju dirfist fasistastjórnin í Pretoníu
að myrða látlaust þjóðfrelsissinna og kúga
yfirgnæfandi meirihluta íbúa landsins og
svifta þá öllum mannréttindum?
Af hverju hindra Bandaríkin, þetta „for-
usturíki lýðræðisins”, sem þau þykjast vera,
— og vissir grunnhyggnir íslendingar trúa!
— altaf allar aðgerðir gegn einu versta fas-
istaríki heims, Suður-Afríku, sem m.a. hefur
lagt undir sig Namibíu í trássi við Sameinuðu
þjóðirnar?
Ástæðan er þessi:
Fjárfesting Bandaríkjaauðvaldsins í Suð-
ur-Afríku er 40% af fjárfestingu þess í
Afríku. 1969 var þessi fjárfesting í S-Afríku
700 miljónir dollara, 1977 1665 miljónir doll-
ara. (Heimild „Financial Mail”, 30. sept.
1977) Hún hefur vaxið hröðum skrefuð
síðan. Breska auðvaldið á 60% af erlendri
fjárfestingu í Suður-Afríku. — Þessi tvö auð-
valdaríki vernda því fasismann í Suður-
Afríku.
157
1