Réttur - 01.01.1982, Blaðsíða 63

Ronald Reagan vill fá meir. Og það er
vitanlegt hverja nú skal eitra og afskræma:
það eru Evrópubúar, sem eiga að verða fyrir
barðinu á þessum stríðsbrjálaða kúrekaleik-
ara, sem vill láta alla Evrópu verða geisla-
virka, eitraða eyðimörk útdauðra þjóða, svo
Bandaríkin geti drottnað ein í heiminum í
krafti ógnunar með kjarnorkuvopn sín.
Þessum ofstækisfullu erindrekum ,,hern-
aðar- og stóriðjuklíkunnar” er best að gæta
sín. Svona stórmennsku- og villimennskuæði
hefur áður hefnt sín í sögunni.
Mellon-samsteypan vex
Fjórar voldugar auðfélaga-samsteypur
hafa nú í áratugi ráðið meir en 60% alls
efnahagslífs í Bandaríkjunum. Þær eru
venjulega kenndar við upphafsmennina og
ættir þeirra mynda innsta kjarnann. Þær eru
þessar: Morgan, Rockefeller, Mellon og Du
Ponl.
í Mellon-samsteypunni eru m.a.: Alcoa,
(þ.e. aluminíumhringurinn) Gulf Oil-félagið,
Westinghouse, svo aðeins séu nefnd örfá
risafyrirtæki, sem menn kannast helst við
hér heima.
Nú hefur Ronald Reagan fengið auðfélag-
inu ,,Martin Marietta Corporation” í
hendur framleiðslu meðaldrægra kjarna-
flauga. Þetta félag er í samsteypu Mellon-
hringsins.
Það vantar ekki að þjónn ,,stóriðju- og
hervalds-klíkunnar”, — sem Eisenhower
forseti varaði þjóð sína við — auki vald þess-
ara risahringa og geri þá í æ ríkara mæli að
„kaupmönnum dauðans”.
Bandarísk eiturblinda
í Víetnam vex upp m.a. þriggja ára
drengur, Bui Van Xuan. Krakkarnir hlæja
stundum að honum, þegar hann dettur um
eitthvað. Þau vita ekki hvernig ástatt er um
hann. Hann er nefnilega fæddur augnalaus og
má ekki rnæla.
Faðir hans var einn af þeim þúsundum
Víetnama, sem varð fyrir eitrun af bandaríska
eitrinu „Agent Orange”, sem ameríski herinn
sprautaði yfir skóga og gróðurlönd Vietnam í
5 ár samfleytt. Það grær ekkert lengur á þeim
svæðum, en þvi ægilegar eitrast fólkið.
Aðeins í einu 200 manna þorpi eru 30 menn
lamaðir, 15 heyrnarlausir, 6 mállausir, 8
blindir og 12 vanskapaðir á ýmsan hátt.
Einnig í Bandaríkjunum, Ástralíu, Nýja
Sjálandi og Suður-Kóreu fæðast æ fleiri van-
sköpuð börn þeirra hermanna, er sprautuðu
eitrinu. „Syndir feðranna koma niður á börn-
unum.” Hefur Reagan forseti neyðst til þess
að setja á stofn nefnd undir forsæti Richard
Schweiker, heilbrigðisráðherra til að rannsaka
málið — og er bótum heitið.
En börn og fullorðnir í Víetnam mega þjást
vegna glæpa Bandaríkjahers. Hann gerir
ekkert fyrir þá ógæfusömu einstaklinga, sem
níðingsverk hans bitnuðu á. — Áhugi
Reagan-stjórnarinnar beinist að því einu að
leika fleiri álíka grátt.
Móðir Bui Van Xuan mcð son sinn.
63