Réttur - 01.08.1976, Blaðsíða 47

Viðamesta vísindastofnun
marxismans
Utarlega i Moskvuborg rís hús eitt mikið, höll mundum við næstum þvi kalla það.
Þar er rekið hið víðfeðmasta starf í grundvallarfræðum marxismans, alveg sérstak-
lega söfnun handrita í marxistiskum fræðum og útgáfustarfsemi á ritum þeirra Marx,
Engels og Leníns. Þetta er „stofnun marxismans — lenínismans."
Nú er hafin þar fullkomnasta útgáfa á öllu því, sem þeir Marx og Engels hafa ritað,
eftir að áður hafa komið út heildarrit þeirra í rúmum 40 bindum. Verður þessi nýja
útgáfu, sem gengur undir nafninu MEGA (Marx-Engels Gesamtausgabe), alls 100
bindi, koma út fjögur á ári, svo henni verður lokið um næstu aldamót. Verða ritin
hvert á þvi máli er þau voru skrifuð og skiptist útgáfan i fjórar deildir.
183