Réttur - 01.01.1993, Page 2

annarra aðferða í íslenskum stjórnmálum. Þannig var hann boðberi róttækra
þjóðfélagshugsjóna. En um leið boðaði Réttur virðingu fyrir íslenskri menn-
ingu og lagði áherslu á að því aðeins yrði menningin áfram íslensk að hún
yrði áfram eign íslenskrar alþýðu allrar — ekki aðeins útvalinna hópa. Réttur
boðaði breytingar á stjórnskipun landsins; lýðveldi. Hann barðist gegn amer-
ískum áhrifum á íslandi eftir að þeim dönsku linnti. Hann barðist gegn er-
lendri ásælni auðhringa eins og álhringsins og hann barðist gegn tilhneigingu
til þess að koma íslandi inn í Evrópusamveldið með beinum eða óbeinum
hætti. Einar Olgeirsson var sjálfum sér samkvæmur frá upphafi til enda. Það
var Réttur líka.
Áhrif Réttar voru mikil á sinni tíð eins og áhrif Einars hvar sem hann kom.
Einar var líka svo „sjarmerandi" að hann heillaði alla þá sem kynntust
honum. Hann var ekki einastaformlega séð formaður flokksins. Hann var líka
nákominn vinur flokksfélaganna hvar sem þeir voru. Hann talaði ekki ofan til
manna, hann var einn af hópnum. Þannig hafði Einar Olgeirsson flest það
sem prýtt getur sterkan stjórnmálaleiðtoga.
Og Réttur var einnig vettvangur fyrir menningarumræðu og greinar eftir
skáld og rithöfunda: Halldór Laxness skrifaði fjölda greina í Rétt. Sumar
þeirra voru svo mergjaðar að ungt fólk um allt land lærði þær utan að. Ég
lærði part af einni slíkri: Þeir koma til yðar í sauðarklæðum. Þórbergur skrifaði
í Rétt, Jóhannes úr Kötlum orti og skrifaði greinar. Halldór Stefánsson. For-
ystumenn verkalýðshreyfingarinnar eru ótalmargir á blöðum Réttar allt til
Benedikts Davíðssonar og flestir leiðtogar Alþýðubandalagsins. Þannig er
Réttur yfirlit yfir íslandssöguna á 20ustu öld rétt eins og Einar Olgeirsson og
ferill hans er saga þessarar aldar. Þegar Einar er látinn hefst ný öld sem
byggir á öllu því sem kynslóð Einar Olgeirssonar hefur fært okkur. Kynslóð
byltingarinnar.
Svavar Gestsson.