Morgunblaðið - 19.03.2006, Qupperneq 1

ÍRSKI leikarinn Pierce
Brosnan, sem þekktastur
er fyrir túlkun sína á
njósnaranum James Bond,
leikur leigumorðingjann
Julian Noble, sem er úr
tengslum við eigin tilfinn-
ingar og annarra, í kvik-
myndinni The Matador
sem frumsýnd er hérlendis
um helgina. Í viðtali við Ingu Rún Sigurð-
ardóttur í Morgunblaðinu í dag ræðir
hann þessa kolsvörtu gamanmynd og
sannar að hann er engu minni sjarmör en
þeir sem hann túlkar á hvíta tjaldinu. | 64
Léttgeggjaður
leigumorðingi
STOFNAÐ 1913 77. TBL. 94. ÁRG. SUNNUDAGUR 19. MARS 2006 PRENTSMIÐJA MORGUNBLAÐSINS mbl.is
Rokkað í
Texas
Fjórar íslenskar hljómsveitir á
tónlistarhátíð í Texas | 66
Tímaritið og Atvinna í dag
Tímaritið | Nornir í aukatímum
Úr munni í maga
Drauma-
land Andra Snæs
Flugan
Krossgátan
Vín
Lofar góðu

Atvinna | Tilboð
Útboð
Til sölu
Til leigu
Þjónusta
5 6 9 0 9 0 0 0 0 0 9 0 0
SUNNUDAGUR VERÐ KR. 350
ÞÚSUNDIR manna tóku þátt í
skipulögðum mótmælum gegn
hernaði Bandaríkjamanna í Írak
víðs vegar um heim í gær en á
morgun, 20. mars, eru þrjú ár síð-
an innrásin í Írak hófst.
Í Tókýó í Japan mótmæltu um
2.000 manns hernaðinum en þar
er meðfylgjandi mynd tekin. Mót-
mælendur þar kyrjuðu slagorð
eins og „kallið hermennina heim“,
en japanski herinn er hluti af al-
þjóðaherliðinu í Írak. Á spjöldum
manna stóð síðan m.a. „bindið
enda á stríðið strax!“ og „látið Ír-
an í friði“, en sumir óttast að
Bandaríkin íhugi nú árás á Íran.
Mest var þátttakan í Íraks-
mótmælunum líklega í London en
skipuleggjendur vonuðust fyr-
irfram eftir því um að um 100.000
manns tækju þátt. Á Íslandi stóð
Þjóðarhreyfingin fyrir almennum
borgarafundi í Háskólabíói og
Samtök herstöðvaandstæðinga
ráðgerðu útifund á Ingólfstorgi.AP
Stríðinu
mótmælt
Þrjú ár frá upphafi
innrásarinnar í Írak
Einn mótmælenda í Tókýó heldur á lofti spjaldi þar sem spurt er um tilgang hernaðarins í Írak.
BRESKIR fjallgöngumenn sem
gert höfðu grunnbúðir við Gunn-
björnsfjall á Austur-Grænlandi
komust í hann krappan aðfara-
nótt laugardagsins 11. mars sl.
þegar úrillur ísbjörn réðst á búð-
ir þeirra. Gjöreyðilagði björninn
eitt tjald af fimm og felldi tvö
önnur áður en mönnunum tókst
að fæla hann burt. Þótti mönnum
annars furðulegt að sjá ísbjörn á
þessum slóðum, í meira en 2000
metra hæð yfir sjó og 60 km frá
ströndinni.
Segir Paul Walker leiðang-
ursstjóri að heimsókn bjarnarins
hafi verið skelfilegasta lífs-
reynsla sín til þessa. Varð hann
bjarnarins fyrst var þegar hann
hremmdi tjald hans. Gripu leið-
angursmenn til þess ráðs að
öskra hástöfum, grýta öllu laus-
legu í björninn og skjóta að hon-
um rakettublysum auk þess sem
þeir börðu saman pottum. Vapp-
aði þá björninn á brott, en ramb-
aði þó eitthvað kringum búð-
irnar seinna um nóttina, en þá
var hann hrakinn á brott með
skoteldum. Sváfu leiðang-
ursmenn lítið þá nótt, en stóðu
vaktina við að framleiða hávaða
í fimbulfrostinu næstu tíu tím-
ana.
Voru leiðangursmenn sóttir af
jöklinum síðastliðinn sunnudag
með Twin Otter-skíðaflugvél
Flugfélags Íslands undir stjórn
Bjarka Hjaltasonar flugstjóra og
voru þeir fegnir björguninni. | 4
Ísbjörn gerði usla hjá fjallgöngumönnum
Ljósmynd/Paul Walker
Björninn gjöreyðilagði eitt tjaldanna og reif tvö við inngangana. Leið-
angursmenn girtu tjöldin af með skíðum og logandi prímusum.
SJÖ menn týndu lífi og þrír slösuðust al-
varlega í bænum Young í Úrúgvæ er þeir
lentu undir lestarvagni sem þeir höfðu
tekið þátt í að draga með handafli, en um
var að ræða fjöldaaflraun í raunveruleika-
sjónvarpsþætti. Nokkur hundruð manns
tóku þátt í aflrauninni, sem segja má að
hafi verið eins konar sjónvarpsáskorun.
Meiningin var að draga lestina tiltekna
vegalengd, en þannig átti að safna fé til
styrktar sjúkrahúsinu á staðnum. Nokkrir
þátttakenda hrösuðu hins vegar, þegar
lestarvagninn var tekinn að renna, og
lentu undir hjólum hans. Mikið uppnám
varð meðal þeirra, sem áttuðu sig á því
sem var að gerast, en eins og sjá má á
myndinni tók nokkur andartök að koma
þeim sem fjærst stóðu í skilning um að
hörmulegt slys hefði átt sér stað.
Fjársöfnun
sem endaði
með ósköpum
Reuters
Léttvín eykur
enn sinn hlut
ÁFENGISNEYSLA jókst um 6,7% á milli
áranna 2004 og 2005 ef talið er í alkóhól-
lítrum, en neyslumynstur og -venjur þjóð-
arinnar hafa tekið miklum breytingum.
Tvennt virðist einkum hafa sett mark sitt
á þróunina, annars vegar lögleiðing bjórs-
ins árið 1989 og hins vegar stóraukin
neysla léttvíns, sem hófst á síðasta áratug.
Léttvínið heldur áfram að auka hlut
sinn í heildarmagninu og er nú 28% miðað
við tölur síðasta árs, sterka áfengið er
19% og bjórinn 52%. | Tímarit
AFMARKA þarf framvirka samninga bankanna
betur en gert hefur verið til að koma til móts við
athugasemdir erlendra greiningaraðila, segir
Halldór J. Kristjánsson, bankastjóri Landsbank-
ans, í viðtali við Morgunblaðið í dag.
„Það virðist sem erlendir greiningaraðilar
greini ekki nægilega á milli hlutabréfa sem bank-
arnir eiga fyrir hönd viðskiptavinanna og eigin
bréfa bankanna. Þeir túlka það þannig að sá eign-
arhlutur sé tengdur fyrirgreiðslum og með ein-
hverju leyti á meiri áhættu bankanna en þeir í
raun og veru eru. Þetta form á fjármögnun bank-
anna er eitthvað sem bankarnir þurfa að taka til
athugunar. Þessir samningar henta best til fjár-
mögnunar á skemmri tíma á eignarhlutum við-
skiptavina og í afmörkuðum viðskiptum. Þeir eiga
síður við um stórar hlutabréfastöður og eiga ekki
við í fjármögnun til lengri tíma,“ segir Halldór.
Þrátt fyrir að Landsbankinn hafi sterka stöðu
stendur bankinn eins og aðrir aðilar á fjármála-
markaði hér heima frammi fyrir nýjum veruleika,
að sögn Halldórs.
Hann segir að sannfæra þurfi erlenda aðila um
að íslenskt bankakerfi vinni faglega og að draga
verði úr þeim þáttum sem valdið geta tortryggni
eða komið undarlega fyrir sjónir séð utan frá.
Hagkerfið sé lítið, bankarnir stórir á íslenskan
mælikvarða og ýmsir þættir á markaðnum veki
spurningar hjá greiningaraðilum.
Í þessu skyni verða bankarnir að bæta upplýs-
ingagjöf sína til greiningaraðila og fjárfesta, gera
hana nákvæmari og ítarlegri, segir Halldór, enda
geri þessi hópur meiri kröfur til upplýsingagjafar
en aðrir sem fylgist með íslensku fjármálalífi.
Halldór J. Kristjánsson bankastjóri ræðir um gagnrýni erlendra greiningaraðila
Framvirkir samningar
henta ekki til lengri tíma
Eftir Árna Helgason
arnihelgason@mbl.is
 Þurfum | 6