Morgunblaðið - 19.03.2006, Blaðsíða 53
MORGUNBLAÐIÐ SUNNUDAGUR 19. MARS 2006 53
MINNINGAR
sem eftir stöndum. Ragna mín, ég
veit að ljósið lýsir þér á þeim stað
sem þú ert núna á og bið algóðan
Guð að styrkja alla sem þér voru
hjartkærir.
Freyja Jónsdóttir.
Eftir stutt veikindastríð hefur
Ragna Lindberg kvatt þetta líf og
haldið á vit ævintýra sem menn
þekkja lítið til en gera sér samt
hver sínar hugmyndir og vænting-
ar um. Ragna vann lengst við að
kenna fólki að aka bifreið. Hún var
önnur konan sem tók ökukennara-
próf og sú fyrsta sem gerði öku-
kennslu að ævistarfi. Hún var vel
látin sem ökukennari. Hún var þol-
inmóð, framsýn og góður mann-
þekkjari. Allt eðlisþættir sem nýt-
ast vel þegar segja þarf fólki til og
miðla þeirri verkþekkingu sem
nauðsynleg er við stjórn ökutækja.
Þegar ég byrjaði að kenna á bíl
upp úr 1970 var Ragna byrjuð að
kenna og síðustu tímana kenndi
hún í byrjun desember sl. Starfs-
aldurinn orðinn milli 35 og 40 ár.
Okkur Rögnu varð fljótlega vel til
vina og höfðum mikið samband
gegnum árin. Upp úr 1990 tók hún
sér nokkurra ára hlé frá kennsl-
unni þegar hún tók að sér dótt-
urson sinn nýlega fæddan og ól
hann upp. Þegar hann var kominn
nokkuð á legg, svo að hún gat að-
eins farið að sinna fleiri verkum,
fékk ég hana til að leysa mig af ef
ég vildi bregða mér í frí. Er hún
með betri og traustari aðstoðar-
mönnum sem ég hef fengið til
slíkra verka. Alltaf hægt að treysta
henni til að leysa öll verkefni með
miklum ágætum. Þetta varð svo til
þess að Ragna varð sér úti um bíl
og fór aftur að kenna á eigin veg-
um. Og ekki vantaði viðskiptavin-
ina. Nýinnfluttir Íslendingar, víða
að úr heiminum, leituðu mikið til
hennar síðustu árin og eru margir í
þeirra hópi sem eiga henni það að
þakka að hafa orðið góðir ökumenn.
Seinustu mánuðirnir hafa verið
Rögnu mjög erfiðir. Hún greindist
með krabbamein í haust. Dvaldi
hún mest heima í veikindum sínum
og var nýlega komin á Landspít-
alann við Hringbraut þegar hún
lést 4. mars sl. Allan þennan tíma
reyndi ég að hafa daglegt samband
við hana og ræddi seinast við hana
daginn áður en hún dó. Hún var
ætíð málhress, full bjartsýni,
hlakkaði til að byrja að kenna aftur
og kvartaði aldrei.
Ég vil að lokum votta aðstand-
endum Rögnu samúð og sérstak-
lega dóttursyninum sem hún kom
til manns og fötluðum syni hennar
sem hún hélt heimili til margra ára.
Blessuð sé minning Rögnu Lind-
berg Márusdóttur.
Snorri Bjarnason.
✝ Einar B. Jóns-son fæddist á
Þorvaldsstöðum í
Breiðdal 29. janúar
1922. Hann lést á
Landspítalanum í
Fossvogi 25. febr-
úar síðastliðinn.
Foreldrar hans voru
hjónin Guðný Jónas-
dóttir, f. 30. október
1891, og Jón Björg-
ólfsson, f. 5. mars
1881. Einar var
sjötti í röð 13 systk-
ina. Þau eru talin í
aldursröð: Sigurður, bílstjóri og
kaupmaður, látinn, Kristín Björg,
húsmóðir, látin, Árni Björn, leigu-
bílstjóri, Björgólfur, bóndi, látinn,
Helga Björg, húsmóðir, Oddný
Aðalbjörg, húsmóðir, látin, Hlíf
Þórbjörg, húsmóðir, Jónas, vega-
vinnuverkstjóri, látinn, Hlífar
Pétur, bóndi, Guðmundur, bóndi,
Óskar, húsasmíðameistari, og
Þórey, fótaaðgerða-
fræðingur.
Einar kvæntist
22. janúar 1959
Ragnheiði Ingi-
mundardóttur, f. 21.
apríl 1933, d. 31.jan-
úar 1999. Hún var
dóttir Ingimundar
Jóns Gíslasonar og
Halldóru Ragnheið-
ar Jóhannesdóttur.
Þau bjuggu á Hvoli í
Saurbæ. Börn Ein-
ars og Ragnheiðar
eru: 1) Ómar, f, 29.
nóvember 1955, kvæntur Geirdísi
Geirsdóttur og eru þeirra börn
Viktor og Tinna. Dætur Geirdísar
frá fyrra hjónabandi eru Sigríður
Helga og Berglind. 2) Svava Jón-
heiður, f. 21. október 1958, maki
Andrew Hurry, dóttir hennar er
Helga Dögg Harðardóttir.
Útför Einars var gerð í kyrr-
þey.
Maður ljúfmennsku og hógværðar
hefur kvatt þennan heim. Hress að
kveldi að spjalla við sína ættingja.
Dáinn að morgni þess dags er hann
hugðist halda heim, útskrifaður af
spítalanum. Hafði dáið í svefni. Létt
lund og græskulaus gamansemi ein-
kenndi Einar hvar sem leið hans lá
og aflaði honum vinsælda. Ungur fór
hann í Íþróttaskólann í Haukadal .
Lærði trésmíði á Fáskrúðsfirði, lauk
meistaranámi í Reykjavík og þar var
hans starfsvettvangur um árabil.
Vann hjá verktökum á Keflavíkur-
flugvelli meðal annars. Leitað var til
hans að taka að sér verk heima í
Breiðdalnum. Heimavistarskólinn
að Staðarborg var eitt af þeim verk-
efnum ásamt byggingum á Breið-
dalsvík. Einar tók drjúgan þátt í
uppbyggingu á Seltjarnarnesi sem
þá var sem óðast að stækka og
þróast, og átti þar lengi heima eða
15 ár. Hann flutti í Borgarnes 1972
og sá um framkvæmdir hjá Kaup-
félagi Borgfirðinga. Í Borgarnesi
gerðist hann mikill áhugamaður um
golf og var einn af stofnendum Golf-
klúbbsins í Borgarnesi. Mun hann
eiga ófá handtök í uppbyggingu
Golfskálans að Hamri. Golfið og fé-
lagsskapurinn í kringum það veitti
honum ómælda ánægju . Enda var
maðurinn mikill félagsvera. Einar
hafði yndi af söng og átti sín uppá-
halds ljóð og lög sem hann söng
gjarna í góðra vina hópi. Þá var hann
dansari góður og stundaði „gömlu
dansana“ stíft á sínum yngri árum.
Fáir stóðu honum framar í þeirri
list. Einar iðkaði knattspyrnu heima
í Breiðdalnum og hafði alla tíð gam-
an af að horfa á leiki og sleppti
ógjarna leikjum í sjónvarpi.
Það var ætíð gleðiefni þegar von
var á Einari heim í dalinn. Honum
fylgdi ávallt glaðværð og léttleiki
sem lífgaði upp á tilveruna. Ég kveð
svo Einar bróður með ljóði sem var
ort í tilefni af áttræðisafmæli hans
sem haldið var í Golfskálanum á
Hamri í Borgarnesi.
Í golfi hress með létta lund
láttu kúlur svífa
Í ótal holur út um grund
engu skaltu hlífa
Nú þökkum við þér öll þau ár
er átt við höfum saman.
En þótt gráni okkar hár
við elskum lífsins gaman .
Svo líttu fram á lífsins veg
á ljúfa hlýddu óma
því aftansólin yndisleg
er með sínum ljóma.
(Þ. Jónsd.)
Að lokum er mér efst í huga þakk-
læti fyrir að hafa notið samfylgdar
Einars bróður svo langan tíma á lífs-
ins braut. Með samúðarkveðju til
barna, tengdabarna og barnabarna.
Þórey Jónsdóttir.
EINAR B. JÓNSSON
Vönduð og persónuleg þjónusta
Inger Steinsson,
útfararstjóri,
s. 691 0919
Sími 551 7080
Bárugötu 4, 101 Reykjavík.
Ólafur Örn
útfararstjóri,
s. 896 6544
Inger Rós
útfararþj.,
s. 691 0919
Elskulegur faðir okkar, tengdafaðir, afi og langafi,
SIGURBJÖRN ÓLAFSSON
rafeindavirkjameistari,
Gullsmára 7,
Kópavogi,
lést á hjartadeild Landspítalans fimmtudaginn
9. mars.
Jarðarför fer fram frá Digraneskirkju mánudaginn
20. mars kl. 13.00.
Blóm og kransar afþakkaðir en þeim sem vilja minnast hans er bent á lík-
narfélag Oddfellowreglunnar, stúku nr. 1 Ingólfs I.O.O.F., sími 562 2850.
Arnar Sigurbjörnsson, Sigrún Sverrisdóttir,
Rafn Sigurbjörnsson,
barnabörn og barnabarnabörn.
Elskuleg móðir okkar, tengdamóðir, amma og
langamma,
ELÍSABET PÉTURSDÓTTIR,
sem lést mánudaginn 13. mars sl., verður jarð-
sungin frá Langholtskirkju þriðjudaginn 21. mars
kl. 13.00.
Eyjólfur Pálsson, Margrét H. Ásgeirsdóttir,
Marta Pálsdóttir, Guðmundur Hannesson,
barnabörn og langömmubörn.
Ástkær eiginkona mín, móðir okkar, tengdamóðir
og amma,
ÁGÚSTA ÞYRÍ ANDERSEN,
Fjallalind 66,
Kópavogi,
lést á líknardeild Landspítala háskólasjúkrahúss í
Kópavogi fimmtudaginn 16. mars.
Tilkynning um útför verður birt síðar.
Þór Guðmundsson,
Willum Þór Þórsson, Ása Brynjólfsdóttir,
Örn Þórsson, Regína Björk Jónsdóttir,
Valur Þórsson, Helga Margrét Vigfúsdóttir,
Willum Þór Willumsson,
Brynjólfur Darri Willumsson,
Þyrí Ljósbjörg Willumsdóttir,
Daníel Helgi Arnarson,
Ísar Logi Arnarson,
Ernir Þór Valsson,
Viktor Orri Valsson.
Ástkær eiginkona mín, móðir okkar, tengda-
móðir, amma og systir,
SESSELJA H. GISSURARDÓTTIR HALLE
frá Súgandafirði,
er látin.
Jarðarförin hefur farið fram í Þýskalandi (Fried-
richshafen).
Innilegar þakkir til allra ættingja og vina fyrir
auðsýnda samúð.
Alf Halle,
Allan, Miriam,
Lilja, Henry,
Linda, Alfonso
og barnabörn,
Sigríður Gissurardóttir,
Halldóra Gissurardóttir Helstad,
Þorbjörn Gissurarson,
Guðmundur Gissurarson,
Herdís Gissurardóttir,
Elín Gissurardóttir,
Jóhanna Gissurardóttir.
Ástkær eiginmaður minn, faðir okkar, tengdafaðir
og afi,
GUÐMANN SKÆRINGSSON,
Suðurbraut 2A,
Hafnarfirði,
sem lést á heimili sínu aðfaranótt mánudagsins
13. mars, verður jarðsunginn frá Hafnarfjarðar-
kirkju þriðjudaginn 21. mars og hefst athöfnin
kl. 13.00.
Þeim, sem vilja minnast hans, er bent á Heimahlynningu Krabbameins-
félagsins, sími 540 1990.
Ósk Alfreðsdóttir,
Jóna Birna Guðmannsdóttir, Sveinn Gunnarsson,
Inga Kristín Guðmannsdóttir, Kristinn Þór Ásgeirsson
Ósk Heiða, Guðmann og Linda María,
Guðni Már, Benedikt Reynir og Bjarki Þór.
Ástkær faðir okkar, tengdafaðir, afi, bróðir og
mágur,
PÉTUR SÆVAR HALLGRÍMSSON,
Kirkjubraut 22,
Akranesi,
verður jarðsunginn frá Akraneskirkju þriðjudaginn
21. mars kl. 14.00.
Kristín Ýr Pétursdóttir, Baldur Snorrason,
Nökkvi Rafn Baldursson,
Dýrleif Pétursdóttir, Þorvaldur Snorri Árnason,
Nanna Birta Pétursdóttir,
Inga Lóa Hallgrímsdóttir, Hafsteinn Eyjólfsson,
Sigurður Hallgrímsson, Guðrún Jakobsdóttir,
Guðmundur Hallgrímsson,
Hallgrímur Þór Hallgrímsson,
Jónas Hallgrímsson, Guðný Aðalgeirsdóttir.