Morgunblaðið - 19.03.2006, Blaðsíða 48

48 SUNNUDAGUR 19. MARS 2006 MORGUNBLAÐIÐ
UMRÆÐAN
Í MORGUNBLAÐINU 12. mars
2006 getur að líta frétt á fjórðu
síðu þar sem greint er frá því að
ákveðið hafi verið að fresta gerð
varnargarðs vegna snjóflóðahættu
við Holtahverfi á Ísafirði fram á
næsta ár vegna þenslu í þjóðfélag-
inu. Þetta er varnargarður sem
kostar um 500 milljónir króna en sú
framkvæmd er talin nauðsynleg
vegna öryggis íbúa Holtahverfis á
Ísafirði – líf jafnvel í húfi. Þarna er
röng forgangsröðun misviturra
stjórnvalda sem freista þess að láta
sem með þessu sé verið að sporna
gegn þenslunni. Hvílík frétt!
Á sama tíma skrifa brosandi ráð-
herrar og borgarstjóri undir tug-
milljarða samning um tónlistarhús
við Reykjavíkurhöfn og þá þarf
ekki að sporna gegn þeirri sömu
þenslu. Ég tek það fram að sjálfur
er ég mjög fylgjandi byggingu téðs
tónlistarhúss en forgangsröðunin
þarf að vera eðlileg. Fyrst líf og ör-
yggi fólksins í landinu, síðan annað.
Í sama eintaki Morgunblaðsins
er forystugrein undir fyrirsögninni
„Mega þeir borga sem geta?“ Grein
þessi hefst á möguleikum í nútíma-
læknisfræði sem eru nánast enda-
lausir. Sífellt nýjar og árangursrík-
ari meðferðir, ný tækni, ný lyf
o.s.frv. Og svo er klykkt út með
þessum venjulega söng um að sam-
eiginlegir sjóðir skattgreiðenda séu
ekki endalausir til að bjóða alla þá
möguleika. Í framhaldinu er getið
skýrslu nefndar Jónínu Bjartmars
um heilbrigðismálin og að margir
séu á ofurlaunum eða eigi ofur-
eignir og síðan fylgir kenningin um
að þetta fólk verði nú að fá að
borga sjálft allan kostnað af sínum
aðgerðum eða læknismeðferðum
enda fái það strax afgreiðslu hjá
sjúkrastofnunum og stytti þar með
biðlista. Þessi aðgerð styttir ekki
biðlista. Þetta setur ákveðinn hóp
framar í röðina og aðra þá vænt-
anlega aftar. Nú á forsendum efna-
hags – áður á forsendum alvarleika
sjúkdóma.
Er þetta þjóðfélagið sem við vilj-
um? Ef efnamikið fólk vill endilega
borga sjálft fyrir aðgerðir sínar vill
það þá ekki fremur greiða hærri
skatta – hátekjuskatt – sem leggja
mætti beint inn í heilbrigðiskerfið
og deila til þeirra verka sem þar
bíða? Þannig virkar samhjálpin og
samhygðin sem hlýtur að vera
kjarni þess samfélags sem við vilj-
um búa í.
Við erum með ríkissjóð sem virð-
ist stútfullur af peningum og sitjum
uppi með ríkisstjórn sem einblínir á
skattalækkanir fyrir þá efnameiri
og getur ennfremur ekki við-
urkennt þá staðreynd sem sönnuð
hefur verið af Stefáni Ólafssyni
prófessor og fleirum að skattbyrði
þeirra efnaminni hefur aftur á móti
aukist. Hver hagfræðingurinn á
fætur öðrum kveður upp úr með að
eitt af þeim úrræðum sem við höf-
um til að minnka þenslu sé frestur
skattalækkana en þá kemur nei frá
ráðherrunum sem þykir svo vænt
um skattalækkanirnar sínar að ekki
má einu sinni minnast á frestun
þeirra hvað sem heildarhag sam-
félagsins líður.
Þurfum við virkilega að sitja uppi
í eitt ár enn með steingelda rík-
isstjórn sem þjáist af hugmynda-
leysi, sýndarblankheitum og vald-
þreytu? Og þurfum við að sitja uppi
með starfsmenn þessara valdhafa á
borð við lækningaforstjóra LHS
sem í fréttaskýringarþætti NFS á
dögunum hellti sér yfir fréttamann
stöðvarinnar og stóð upp í miðju
viðtali til þess að vísa honum á dyr
vegna þess að hann spurði ekki svo
lækningaforstjóranum líkaði um
þær sextíu milljónir sem þarf til
þess að koma upp gjörgæslu á
barnadeild? Slíkt verkefni á auðvit-
að að leysa orðalaust og strax. Líf
barna hlýtur að hafa forgang.
Vill ríkisstjórnin ekki gera okkur
þann greiða að segja af sér og boða
til kosninga í vor þannig að við
megum a.m.k. eiga kost á því að
koma okkur upp starfhæfara liði og
endurnýja þingheim?
PÉTUR JÓSEFSSON
eftirlaunamaður,
Þorláksgeisla 6, Reykjavík.
Eðlileg forgangsröðun?
Frá Pétri Jósefssyni:
Hofgarðar-Seltjarnarnesi
Glæsilegt, mikið endurnýjað og vel
skipulagt 290 fm einbýlishús á
tveimur hæðum ásamt 52 fm tvö-
földum bílskúr. Húsið var nánast
allt endurnýjað fyrir 7-8 árum síð-
an og skiptist m.a. í rúmgóðar og
bjartar samliggjandi stofur, eldhús
með fallegri innréttingu og vönd-
uðum tækjum, sjónvarpsstofu, 5
herbergi og flísalagt baðherbergi
auk gesta w.c. Mjög vönduð eign sem hefur nánast öll verið endurnýjuð, t.d.
gólfefni, innréttingar og hurðar. Massívt eikarparket og flísar á gólfum. Gott
viðhald hið ytra, nýlegur þakkantur. Falleg ræktuð lóð með nýlegri timburver-
önd til suðurs. Nánari uppl. á skrifstofu.
FASTEIGNA
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri og lögg. fasteigna- og skipasali.
FASTEIGNA
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri og lögg. fasteigna- og skipasali.
Bergstaðastræti
Mjög falleg 85 fm íbúð á 3. hæð í góðu steinhúsi í Þingholtunum. Íbúðin
skiptist í forstofu með skápum, eldhús með góðum innréttingum, sam-
liggjandi rúmgóðar parketlagðar stofur með útgangi á vestursvalir, rúm-
gott herbergi með góðu skápaplássi og baðherbergi sem er flísalagt í hólf
og gólf. Vestursvalir. Snyrtileg sameign. Verð 24,9 millj.
Unnarstígur
Mjög fallegt og reisulegt 281 fm ein-
býlishús auk 19 fm bílskúr á þess-
um gróna og eftirsótta stað í
"gamla" vesturbænum. Eignin er
tvær hæðir og kj. og skiptist m.a. í
þrjár stórar og bjartar samliggj. stof-
ur með mikilli lofthæð og fallegum
bogadregnum glugga, rúmgott eld-
hús með fallegum innréttingum og
nýlegum tækjum, 5 rúmgóð herb.
og og baðherb. auk snyrtingar. Um
40 fm geymslurými í kj. Húsið var
tekið í gegn að utan fyrir u.þ.b. 15 árum og þá skipt um gler og glugga að
mestu leyti. Nánari uppl. á skrifstofu.
Grænakinn - Hafnarfirði
Stórglæsilegt ca 200 fm einbýlishús
á tveimur hæðum í Hafnarfirði. Eign-
in skiptist m.a. í eldhús með góðum
viðarinnréttingu og góðri borðað-
stöðu, stofu, sólstofu með góðri
gluggasetningu, 5 herbergi og
vandað flísalagt baðherb. auk
gestasn. Ræktuð, afgirt lóð með
timburveröndum og nuddpotti.
Svalir út af efri hæð. Hiti í innkeyrslu
og stéttum framan við hús. Stutt í
skóla og þjón. Verð 48,8 millj.
Tjaldhólar-Selfossi
Tvö raðhús hús eftir!
Ný raðhús á einni hæð við Tjaldhóla
á Selfossi. Um er að ræða 156,0
miðjuhús með innb. bílskúr og
skiptast í forstofu, hol/stofu, opið
eldhús, þrjú herb., baðherb. og
þvottaherb. Húsin eru timburhús,
klædd að utan og afhendast fullbúin
með vönduðum innréttingum. Bað-
herb. afhendist flísalagt. Eikarparket
og flísar á gólfum. Halógenlýsing í
loftum. Eikarhurðir. VERÐTILBOÐ
Mímisvegur- hæð ásamt bílskúr
Falleg 113 fm eign á besta stað í
Þingholtunum ásamt 31 fm bílskúr
sem í dag er nýttur sem stúdíóíbúð.
Hæðin skiptist í hol/gang, eldhús,
rúmgóða stofu/borðstofu með arni,
glæsilegum gluggum og miklu út-
sýni, 1 svefnherbergi, bókaherbergi
og flísalagt baðherbergi auk þvotta-
herbergis. Flísalagðar suðvestur-
svalir. Nýlega hellulögð aðkoma að
húsinu. Verð 34,9 millj.
Lynghagi. 3ja herb. íbúð með sér-
inngangi
Falleg 94 fm íbúð á 1. hæð með sér-
inngangi í fjórbýli. Íbúðin skiptist
m.a. í eldhús með fallegri innrétt-
ingu, stofa með útgangi á hellulagða
verönd, 2 herbergi, annað með
góðu skápaplássi og nýlega flísalagt
baðherbergi með nýlegum tækjum.
Bílaplan nýlega hellulagt. Verð 26,5
millj.
Guðrún Árnadóttir, lögg. fasteignasali.
FAGRAHLÍÐ 1 - HAFNARFIRÐI
OPIÐ HÚS Í DAG SUNNUDAG
MILLI KL. 16:00 OG 18:00
Mjög falleg 3ja herbergja, 76 fm íbúð á 3ju (efstu) hæð í litlu fjölbýli á þessum kyrrláta
og fallega stað í Hafnarfirði. Langt er milli húsa, góð stæði. Allt umhverfi hússins er
hið snyrtilegasta. Í mjög snyrtilegri sameign er sérgeymsla og sameiginleg hjóla- og
vagnageymsla.
Nánari upplýsingar veitir Halldór Andrésson, sölumaður Húsakaupa í síma 8404042.
Einnig er nánari lýsing á eigninni á mbl.is og á síðu Húsakaupa www.husakaup.is
Ingólfur G. Gissurarson, lögg. fast.
Opið virka daga frá kl. 9.00-17.30.
www.valholl.is
Höfum traustan kaupanda að 100-400 fm lager-/geymslu- eða atvinnuhús-
næði á höfuðborgarsvæðinu.
Allar upplýsingar veita Bárður Hreinn Tryggvason 896 5221
eða Magnús Gunnarsson 822 8242.
Sími 588 4477
Atvinnu- eða
lagerhúsnæði óskast